କନକ ବ୍ୟୁରୋ : ରାଉରକେଲା ସଭାରେ ମୁଖ୍ୟମନ୍ତ୍ରୀଙ୍କ ଉଦବୋଧନ । ସମ୍ବଲପୁରୀ ଭାଷାରେ ଉଦବୋଧନ ଆରମ୍ଭ କରିବା ସହ ବିର୍ସା ମୁଣ୍ଡାଙ୍କୁ ମନେ ପକାଇଲେ ନବୀନ । ରାଉରକେଲାକୁ ଆଶାର ସହର କହିବା ସହ ସୁନ୍ଦରଗଡ ବିକାଶରେ ରାଉରକେଲାର ଭୂମିକା ବେଶ ଗୁରୁତ୍ୱପୂର୍ଣ୍ଣ ବୋଲି କହିଛନ୍ତି ନବୀନ । ରାଉରକେଲାରେ ଶିଳ୍ପର ମୁଳଦୂଆ ପଡିଥିଲା । ଯାହା ଏବେ ସୁନ୍ଦରଗଡକୁ ବିକାଶ ପଥରେ ଆଗେଇ ନେଇଛି । ୨୦୦୦ ପରଠାରୁ ରାଉରକେଲାର ଦ୍ରୁତ ବିକାଶ ହୋଇଛି ।
ଏହାଛଡା ସୁନ୍ଦରଗଡର ବଡ ପରିଚୟ ହେଉଛି ହକି । ସୁନ୍ଦରଗଡ ହେଉଛି ହକିର ଏନ୍ତୁଡିଶାଳ, ଏଠିକାର ଖେଳାଳି ଦେଶ ପାଇଁ ସୁନାମ ଆଣିଛନ୍ତି । ସୁନ୍ଦରଗଡର ମାଟି ଓ ପାଣିରେ ହକି ରହିଛି । ଏସବୁ ଭିତରେ ଆଗାମୀ ୨୦୨୩ରେ ପୁରୁଷ ହକି ବିଶ୍ୱକପ କରିବାକୁ ଯାଉଛି ଓଡ଼ିଶା । ବେଲଜିୟମ, ଅଷ୍ଟ୍ରେଲିଆ ଓ ମାଲେସିଆ ଭଳି ଦେଶକୁ ପଛରେ ପକାଇ ୨୦୨୩ ପୁରୁଷ ବିଶ୍ୱକପ ହକି ଆୟୋଜନ କରିବାକୁ ମନୋନୀତ ହୋଇଛି ଓଡ଼ିଶା । ନବୀନ କହିଛନ୍ତି, ପୁଣିଥରେ ବିଶ୍ୱକପ ଆୟୋଜନ ପାଇଁ ଯେତେବେଳେ ପ୍ରସ୍ତାବ ଆସିଥିଲା ସେତେବେଳେ ମୋ ମନକୁ ରାଉରକେଲା କଥା ପ୍ରଥମେ ଆସିଥିଲା । ୨୦୨୩ ପୁରୁଷ ହକି ବିଶ୍ୱକପ ପାଇଁ ଏବେଠୁ ପ୍ରସ୍ତୁତି ଆରମ୍ଭ କରାଯାଇଛି । ଦେଶର ସବୁଠୁ ବଡ ହକି ଷ୍ଟାଡିୟମ ନିର୍ମାଣ ସହ ଏହାକୁ ଅର୍ନ୍ତଜାତୀୟ ସ୍ତରର କରିବାକୁ କହିଛନ୍ତି ନବୀନ । ଏହି ଷ୍ଟାଡିୟମକୁ ସ୍ୱାଧୀନତା ସଂଗ୍ରାମୀ ବିର୍ସା ମୁଣ୍ଡାଙ୍କ ନାମରେ କରାଯିବ ବୋଲି କହିଛନ୍ତି ନବୀନ । ଶେଷରେ ମିଶନ ଶକ୍ତିର ମହିଳା ଜୟନ୍ତୀ ଏକ୍କାକୁ କଥା କହିଥିଲେ ନବୀନ । ମିଶନ ଶକ୍ତିର ମହିଳା ଓ ମା’ ମାନେ ବିକାଶର ସାରଥୀ ବୋଲି କହିଛନ୍ତି ନବୀନ ।
ଏହି ଗସ୍ତ ସମୟରେ ସୁନ୍ଦରଗଡକୁ ୪୯୧୫ କୋଟି ଟଙ୍କାର ଭେଟି ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ରାଉରକେଲାର ବିପିୟୁଟି ପରିସରରେ ଆୟୋଜିତ ସଭାସ୍ଥଳରୁ ସୁନ୍ଦରଗଡବାସୀଙ୍କୁ ଏହି ବଡ ଭେଟି ଦେଇଛନ୍ତି ନବୀନ । ସୁନ୍ଦରଗଡ଼ ଜିଲ୍ଲା ଗସ୍ତ କରି ୧୪ଟି ପ୍ରକଳ୍ପର ଶୁଭାରମ୍ଭ କରିଛନ୍ତି ନବୀନ । ସ୍ୱାସ୍ଥ୍ୟ,ଶିକ୍ଷା, ପରିମଳ, ପାନୀୟ ଜଳ, ବିଦ୍ୟୁତ ଯୋଗାଣ, ଦକ୍ଷତା ବିକାଶ ଭଳି ୧୪ଟି ପ୍ରକଳ୍ପର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ।
ପାନୀୟ ଜଳ ପ୍ରକଳ୍ପ ପାଇଁ ୧ ହଜାର ୬ଶହ ୧୧କୋଟି, ଜଳସେଚନ ପାଇଁ ୩ଶହ ୨୦ କୋଟି, ସ୍ୱାସ୍ଥ୍ୟସେବା ପାଇଁ ଶହେ ୧୧ କୋଟି, ରାସ୍ତାର ବିକାଶ ପାଇଁ ହଜାରେ ୬୦ କୋଟି, ଶିକ୍ଷା ପାଇଁ ୩୬୭ କୋଟି, ପରିମଳ ପାଇଁ ୨୫୦ କୋଟି, ସ୍ମାର୍ଟ ସିଟି ରାଉରକେଲା ପାଇଁ ୪୭୧ କୋଟି, ମହିଳା ଓ ଶିଶୁ ବିକାଶ ପାଇଁ ୧୩୫ କୋଟିର ପ୍ରକଳ୍ପର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସେହିପରି ରାଉରକେଲାରେ ଦେଶର ସବୁଠାରୁ ବଡ଼ ହକି ଷ୍ଟାଡ଼ିୟମର ଭିତିପ୍ରସ୍ତର ସ୍ଥାପନ କରିଛନ୍ତି ନବୀନ । ଯେଉଁଠି ଆଗାମୀ ୨୦୨୩ରେ ହକି ବିଶ୍ୱକପ ଅନୁଷ୍ଠିତ ହେବ ।
from Kanak News
via <a href="https://ifttt.com/?
News Bytes 