କନକ ବ୍ୟୁରୋ : ପୋତାହେଲା ଜବତ ନକଲି ଘିଅ । ଘିଅର ବ୍ରାଣ୍ଡ ଅସଲି ଥିବା ବେଳେ ନକଲି ଥିଲା ମାଲ। କଟକ ଜଗତପୁରରେ ସୁବାଷ ଘିଅ ଉପରେ ପୋଲିସ କିଛି ଦିନ ପୂର୍ବେ ଚଢଉ କରି ଅପମିଶ୍ରିତ ସସ୍ ଓ ଘିଅ ଜବତ କରିଥିଲା ପୋଲିସ । ଆଜି ସେହି ସାମଗ୍ରୀ ଗୁଡ଼ିକୁ ପୋଲିସ ମାଟିରେ ପୋତି ନଷ୍ଟ କରିଛି । କିଛି ଦିନ ତଳେ କମ୍ପାନୀର ମୁଖ୍ୟ ସୁବାଷ ନାୟକଙ୍କୁ ପୋଲିସ ଗିରଫ କରିଥିବା ବେଳେ ଆଜି ପୂର୍ବ ଜବତ ସାମଗ୍ରୀକୁ ମାଟିରେ ପୋତି ନଷ୍ଟ କରିଛି ।

ଗ୍ରାହକଙ୍କ ବିଶା୍ୱସ ଜିତିବା ପାଇଁ ପ୍ରତିଷ୍ଠିତ କଳାକାରଙ୍କୁ ନେଇ ଟିଭିରେ ବିଜ୍ଞାପନ ପ୍ରସାରଣ କରୁଥିଲା । ଲୋକେ ବି ସୁବାଷ ଘିଅକୁ ଅସଲି ମନେ କରି କିଣି ନେଉଥିଲେ । ହେଲେ ଲୋକଙ୍କ ବିଶ୍ୱାସରେ ବିଷ ଦେଇ ଅସଲି ବ୍ରାଣ୍ଡରେ ନକଲି କାରବାର କରୁଥିଲା ଏହି ସଂସ୍ଥା ।

from Kanak News
via <a href="https://ifttt.com/?

କନକ ବ୍ୟୁରୋ: ଉତ୍ତରାଖଣ୍ଡ ଚମୋଲିରେ ଜଳ ପ୍ରଳୟ । ଏହି ଭୟଙ୍କର ହିମସ୍ଖଳନରେ ୧୦୦ରୁ ୧୫୦ ଆହତ ହୋଇଥିବା କହିଲେ ଉତ୍ତରାଖଣ୍ଡ ମୁଖ୍ୟ ଶାସନ ସଚିବ । ସେପ୍ଣଙ୍କ ରିଲିଫ୍ ଉଦ୍ଧାର କାର୍ଯ୍ୟ ପାଇଁ କେନ୍ଦ୍ର କ୍ୟାବିନେଟ ସଚିବଙ୍କ ଅଧ୍ୟକ୍ଷତାରେ ବସିବ ବୈଠକ, ଗୃହମନ୍ତ୍ରଣାଳୟ ଅଧିକାରୀଙ୍କ ଉପସ୍ଥିତରେ ବସିବ ବୈଠକ । ସେପଟେ ଘଟଣାକୁ ନେଇ କେନ୍ଦ୍ର ଗୃହମନ୍ତ୍ରୀ ଉତ୍ତରାଖଣ୍ଡ ମୁଖ୍ୟ ଶାସନ ସଚିବ, କେନ୍ଦ୍ର ଗୃହ ସଚିବ ଏବଂ ଅନ୍ୟ ବରିଷ୍ଠ ଅଧିକାରୀଙ୍କ ସହ ଆଲୋଚନା କରିଛନ୍ତି ।

ଘଟଣା ସ୍ଥଳରେ ଉଦ୍ଧାରକାରୀ ଟିମ୍ ପହଂଚି ଉଦ୍ଧାରକାର୍ଯ୍ୟ ଜାରି ରଖିଛନ୍ତି । ଏସଡିଆରଏଫ ଓ ଆଟିବିପିର ୧୦ଟି ଟିମ୍ର ୨ଶହ ଜଣ ଯବାନ ଉଦ୍ଧାର କାମରେ ଲାଗିଛନ୍ତି । ରେଣି ଗାଁ ନିକଟ ପାହାଡ ତଳେ ତିଆରି ହେଉଥିବା ପାୱାର ପ୍ରୋଜେକ୍ଟ ବିଶେଷ ଭାବେ କ୍ଷତିଗ୍ରସ୍ତ ହୋଇଛି । ସେଠାରେ କାମ କରୁଥିବା ପ୍ରାୟ ୧୫୦ ଶ୍ରମିକ ଓ କର୍ମଚାରୀ ପାଣିରେ ଭାସି ଯାଇଥିବା ସନ୍ଦେହ କରାଯାଉଛି । ଏବେ ବି ଅନେକ ଲୋକ ଫସି ରହିଥିବା ଆଶଙ୍କା କରାଯାଉଛି । ଏହି ଘଟଣାକୁ ନେଇ ପ୍ରଶାସନ ପକ୍ଷରୁ ସତର୍କତା ଜାରି କରାଯାଇଛି । ଏସଡ଼ିଆରଫ ଓ ଆଇଟିବିପି ଟିମ୍ ପହଂଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।

ଏହାସହ ସେଠାରେ ଥିବା ତପୋବନ ବ୍ୟାରେଜ ମଧ୍ୟ କ୍ଷତିଗ୍ରସ୍ତ ହୋଇଛି । ପାହାଡ ଉପରୁ ଏତେ ମାତ୍ରାରେ ଜଳସ୍ରୋତ ବହୁଛି ଯେ, ସ୍ଥାନୀୟ ଅଚଂଳର ବିଭିନ୍ନ ନଦୀରେ ବନ୍ୟା ଆଶଙ୍କା ସୃଷ୍ଟି ହୋଇଛି । ନଦୀକୂଳରେ ରହୁଥିବା ଲୋକଙ୍କୁ ଦୂରକୁ ଚାଲି ଯିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ କୁହାଯାଇଛି । ଏହାସହ ହରିଦ୍ୱାର, ରିଶିକେଶ ଓ ଶ୍ରୀନଗରେ ଆଲର୍ଟ ଜାରି ହୋଇଛି । ପରିସ୍ଥିକୁ ନଜରରେ ରଖି ଲୋକେ ସତର୍କ ହୋଇ ରହିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ସତର୍କତା ଜାରି କରାଯାଇଛି । ଏହାରି ଭିତରେ ଫସି ରହିଥିବା ଲୋକଙ୍କ ଉଦ୍ଧାର ପାଇଁ ହେଲପ୍୍ ଲାଇନ୍ ନମ୍ବର ଜାରି ହୋଇଛି । ଉତରାଖଣ୍ଡ ମୁଖ୍ୟମନ୍ତ୍ରୀ ତ୍ରୀବେନ୍ଦ୍ର ସିଂ ରାୱତ ଘଟଣା ବାବଦରେ ପ୍ରଧାନମନ୍ତ୍ରୀ ଓ ଗୃହମନ୍ତ୍ରୀଙ୍କ ସହ ଫୋନ ଯୋଗେ କଥା ହୋଇଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ : ସେମାନେ ସେଲିବ୍ରେଟି,ସେମାନେ ଆଇଡଲ, ହେଲେ ସେମାନଙ୍କ ମଧ୍ୟରୁ କିଛି କଳାକାରଙ୍କ କାମ ଯେ ଆମକୁ ଲଜ୍ଜିତ କରୁଛି ତାହା ବାରମ୍ବାର ଦେଖିବାକୁ ମିଳୁଛି । ୮୦ ଟି ବିଜ୍ଞାପନ, ୭ ଟି ୱେବ୍ ସିରିଜ୍ ଓ କିଛି ସିନେମାରେ କାମ କରିଥିବା ଗେହେନା ବଶିଷ୍ଟଙ୍କ କର୍ମ ଦେଶର କଳାକାରଙ୍କୁ ଅପମାନିତ କରିଛି ।

ଗେହେନା ପର୍ନ ଭିଡିଓ ସୁଟିଂ କରି ତାକୁ ମୋବାଇଲ ଆପ୍ ରେ ଅପଲୋଡ୍ କରିବା ଅଭିଯୋଗରେ ତାଙ୍କୁ ଗିରଫ୍ କରିଛି ମୁମ୍ବାଇ ପୋଲିସ । ତାଙ୍କୁ ଗିରଫ୍ କରିବା ପରେ ତାଙ୍କ ସଂପତ୍ତି ଉପରେ ବି ପୋଲିସ ଚଢାଉ ଆରମ୍ଭ କରିଛି । ସେ ଖାଲି ପର୍ନ ଭିଡିଓ ସୁଟିଂ କରୁନଥିଲେ ଏହା ସହ ସେ ଏକ ପର୍ନ ର୍ୟାକେଟ୍ ଚଳାଉଥିବା କଥା ପୋଲିସ ତାଙ୍କୁ ପଚରା ଉଚରା ବେଳେ ଜାଣିବାକୁ ପାଇଛି । ପ୍ରକୃତରେ ଗେହେନା ହେଉଛନ୍ତି ଛତିଶଗଡର ମୂଳବାସିନ୍ଦା । ତାଙ୍କର ପ୍ରକୃତ ନାମ ବନ୍ଦନା ତିୱାରୀ ତାଙ୍କ ମା ଜଣେ ଗୃହିଣୀ ଓ ପିତା ଜଣେ ଶିକ୍ଷା ବିଭାଗର ଅଧିକାରୀ ବୋଲି ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି । ଚଳଚିତ୍ର ଦୁନିଆରେ ପ୍ରବେଶ କରିବା ପୂର୍ବରୁ ବନ୍ଦନା ତାଙ୍କ ନାମ ବଦଳାଇ ଗେହେନା ବଶିଷ୍ଟ ରଖିଥିଲେ । ସେ ତେଲୁଗୁ ଚଳଚିତ୍ର ସହ ଅନେକ ୱେବ୍ ସିରିଜ୍ ଓ ବିଜ୍ଞାପନରେ କାମ କରିସାରିଛନ୍ତି ।

ପୋଲିସର ସୂଚନା ମୁତାବକ ଗେହେନା କିଛି ପ୍ରଡକ୍ସନ ହାଉସ ସହ ମିଳିତ ଭାବେ ପର୍ନ ଫିଲ୍ମ ସୁଟିଂ କରୁଥିଲେ । ଏହି ସିନେମା ଗୁଡିକୁ ସେ ମୋବାଇଲ ଆପ୍ ମାଧ୍ୟମରେ ଅପଲୋଡ କରୁଥିଲେ । ଏହି ଅପଲୋଡ ବାବଦକୁ ସେ ଗୋଟିଏ ସିନେମା ପାଇଁ ୨ ହଜାର ଟଙ୍କା ନେଉଥିଲେ ବୋଲି ପୋଲିସ କହିଛି । ପୋଲିସ ତାଙ୍କୁ ଗିରଫ୍ କରିବା ପରେ ମୁମ୍ବାଇର ମାଲାଡା-ମାଲୱାନୀ ଅଞ୍ଚଳର ଗ୍ରୀନପାର୍କ ନାମକ ଏକ ବଙ୍ଗଳାକୁ ସିଜ୍ କରିଛି । ଏହି ବଙ୍ଗଳା ମଧ୍ୟରୁ ଦୁଇଜଣ ଅଭିନେତା, ଜଣେ ଲାଇଟମ୍ୟାନ୍, ଜଣେ ମହିଳା ଫଟୋଗ୍ରାଫର, ଦୁଇଜଣ ଗ୍ରାଫିକ୍ସ ଡିଜାଇନରଙ୍କୁ ଗିରଫ୍ କରିବା ସହ ଭିଡିଓ ସୁଟିଂ ପାଇଁ ବ୍ୟବହୃତ ଅନେକ ସାମଗ୍ରୀ ବି ଜବତ୍ କରିଛି ପୋଲିସ ।

from Kanak News
via <a href="https://ifttt.com/?

କନକ ବ୍ୟୁରୋ : ଉତ୍ତରାଖଣ୍ଡରେ ଭୟଙ୍କର ହିମସ୍ଖଳନ । ପାହାଡ ଉପରେ ବରଫଖଣ୍ଡ ତରଳି ସୁ-ସୁ ଗର୍ଜନ ଗର୍ଜନ କରି ବହି ଆସୁଛି ମାଟି ମିଶା ପାଣି । ଚମୋଲି ଜିଲ୍ଲାର ରେଣି ଗାଁ ନିକଟ ଜୋସିମଠ ନିକଟରେ ପାହାଡ଼ ଉପରୁ କ୍ଷୀପ୍ର ବେଗରେ ଜଳସ୍ରୋତ ମାଡି ଆସୁଛି । ଏହେଉଛି ସେହି ଭୟଙ୍କର ଦୃଶ୍ୟ । ହିମସ୍ଖଳନ ଯୋଗୁଁ ପାହାଡ ତଳେ ଥିବା ଗାଁ ପୁରା ଭାସି ଯାଇଛି । ଅନେକ ଘର ଦ୍ୱାର କ୍ଷତିଗ୍ରସ୍ତ ହୋଇଛି । ଶହେରୁ ଅଧିକ ମୃତାହତ ହୋଇଥିବା ଆଶଙ୍କା କରାଯାଉଛି ।

ଘଟଣାସ୍ଥଳରେ ଉଦ୍ଧାରକାରୀ ଟିମ୍ ପହଂଚି ଉଦ୍ଧାରକାର୍ଯ୍ୟ ଜାରି ରଖିଛନ୍ତି । ଏସଡିଆରଏଫ ଓ ଆଟିବିପିର ୧୦ଟି ଟିମର ୨ଶହ ଜଣ ଯବାନ ଉଦ୍ଧାର କାମରେ ଲାଗିଛନ୍ତି । ରେଣି ଗାଁ ନିକଟ ପାହାଡ ତଳେ ତିଆରି ହେଉଥିବା ପାୱାର ପ୍ରୋଜେକ୍ଟ ବିଶେଷ ଭାବେ କ୍ଷତିଗ୍ରସ୍ତ ହୋଇଛି । ସେଠାରେ କାମ କରୁଥିବା ପ୍ରାୟ ୧୫୦ ଶ୍ରମିକ ଓ କର୍ମଚାରୀ ପାଣିରେ ଭାସି ଯାଇଥିବା ସନ୍ଦେହ କରାଯାଉଛି । ଏବେ ବି ଅନେକ ଲୋକ ଫସି ରହିଥିବା ଆଶଙ୍କା କରାଯାଉଛି । ଏହି ଘଟଣାକୁ ନେଇ ପ୍ରଶାସନ ପକ୍ଷରୁ ସତର୍କତା ଜାରି କରାଯାଇଛି । ଏସଡ଼ିଆରଫ ଓ ଆଇଟିବିପି ଟିମ୍ ପହଂଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ଏହାସହ ସେଠାରେ ଥିବା ତପୋବନ ବ୍ୟାରେଜ ମଧ୍ୟ କ୍ଷତିଗ୍ରସ୍ତ ହୋଇଛି । ପାହାଡ ଉପରୁ ଏତେ ମାତ୍ରାରେ ଜଳସ୍ରୋତ ବହୁଛି ଯେ, ସ୍ଥାନୀୟ ଅଚଂଳର ବିଭିନ୍ନ ନଦୀରେ ବନ୍ୟା ଆଶଙ୍କା ସୃଷ୍ଟି ହୋଇଛି ।

ନଦୀକୂଳରେ ରହୁଥିବା ଲୋକଙ୍କୁ ଦୂରକୁ ଚାଲି ଯିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ କୁହାଯାଇଛି । ଏହାସହ ହରିଦ୍ୱାର, ରିଶିକେଶ ଓ ଶ୍ରୀନଗରେ ଆଲର୍ଟ ଜାରି ହୋଇଛି । ପରିସ୍ଥିକୁ ନଜରରେ ରଖି ଲୋକେ ସତର୍କ ହୋଇ ରହିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ସତର୍କତା ଜାରି କରାଯାଇଛି । ଏହାରି ଭିତରେ ଫସି ରହିଥିବା ଲୋକଙ୍କ ଉଦ୍ଧାର ପାଇଁ ହେଲପଲାଇନ୍ ନମ୍ବର ଜାରି ହୋଇଛି । ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ତ୍ରୀବେନ୍ଦ୍ର ସିଂ ରାୱତ ଘଟଣା ବାବଦରେ ପ୍ରଧାନମନ୍ତ୍ରୀ ଓ ଗୃହମନ୍ତ୍ରୀଙ୍କ ସହ ଫୋନ ଯୋଗେ କଥା ହୋଇଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ : ଶ୍ରୀମନ୍ଦିର ପାଇଁ କେନ୍ଦ୍ର ସଂସ୍କୃତି ମନ୍ତ୍ରଣାଳୟ ଅଧିନସ୍ଥ ଜାତୀୟ କୀର୍ତିରାଜି କର୍ତୃପକ୍ଷ ନୂଆ ବାଇ-ଲ ବା ଉପନିୟମ ଆଣିବାକୁ କହିବା ପରେ ଏହାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ଏହାକୁ ନେଇ ପ୍ରତିକ୍ରିୟା ରଖିଛନ୍ତି ଜିଲ୍ଲାପାଳ । ସେ କହିଛନ୍ତି , ଏହି ପ୍ରସଙ୍ଗ ଏବେ ପ୍ରାଥମିକ ଅବସ୍ଥାରେ ଅଛି । ଭୟଭୀତ ହେବାର ନାହିଁ । ଲୋକଙ୍କ ମତାମତ ପରେ ଆଲୋଚନା କରାଯିବ ।  ବାଇ-ଲରେ ସ୍ପଷ୍ଟ ଭାବେ କୁହାଯାଇଛି ଯେ, ଶ୍ରୀମନ୍ଦିରର ୩ ଶହ ମିଟର ଅଂଚଳ ପାଇଁ କଟକଣା ଲାଗିବ ।

ସେପଟେ କେନ୍ଦ୍ର ସରକାର ଆଣିଥିବା ଏହି ବାଇ-ଲକୁ ନେଇ ଆପତି ଉଠାଇଛନ୍ତି ଶ୍ରୀମନ୍ଦିର ସେବାୟତ । ଭକ୍ତ-ଭଗବାନ ଓ ସେବାୟକଙ୍କ ଭାବାବେଗକୁ ଆଘାତ ଦେଇ ଏଭଳି ବାଇ-ଲ ଜାରି କରାଯାଇଥିବା ଅଭିଯୋଗ କରି ଶ୍ରୀମନ୍ଦିର ଆଗରେ ବିକ୍ଷୋଭ ପ୍ରଦର୍ଶନ କରିଛନ୍ତି ସେବାୟତ ।

from Kanak News
via <a href="https://ifttt.com/?

କନକ ବ୍ୟୁରୋ : ପୁରୀ ଶ୍ରୀମନ୍ଦିର ଓ ଅନ୍ୟ କିଛି ମନ୍ଦିରର ସଂରକ୍ଷଣ ନେଇ କେନ୍ଦ୍ର ସରକାରଙ୍କ ସ୍ୱତନ୍ତ୍ର ବାଇ-ଲ ବା  ଉପନିୟମ ଜାରି କରିବା ପରେ ବିଜେଡି ଏହାକୁ ନେଇ ପ୍ରତିକ୍ରିୟା ପ୍ରକାଶ କରିଛି । ବରିଷ୍ଠ ସାଂସଦ ପିନାକୀ ମିଶ୍ର ଟ୍ୱିଟ କରି ଲେଖିଛନ୍ତି ମାନ୍ୟବର ମୁଖ୍ୟମନ୍ତ୍ରୀଙ୍କ ଶ୍ରୀମନ୍ଦିର ପାଇଁ ଅସାଧାରଣ କାମକୁ କେନ୍ଦ୍ର ସରକାର ବାଧା ପଂହଚାଇବାକୁ ଚେଷ୍ଟା କରୁଛନ୍ତି । ମୁଖ୍ୟମନ୍ତ୍ରୀ ପୁରୀ ଶ୍ରୀମନ୍ଦିର ଓ ଲିଙ୍ଗରାଜ ମନ୍ଦିର ପାଇଁ ଦିନ ରାତି କାମ କରୁଥିବାବେଳେ କେନ୍ଦ୍ର ସରକାରଙ୍କ ଏଭଳି ବାଇ-ଲ କୁ ସେ ବିରୋଧ କରିଛନ୍ତି ।

Outrageous attempt by the Central Govt to derail the extraordinary work being done due to HCM’s untiring efforts to improve surroundings of ShriMandir and Lingaraj Mandir. Clubbing our living Gods’ abode with mausoleums is blasphemous. Odia sentiments deeply hurt. pic.twitter.com/OR7qUiZG65

— Pinaki Misra, Puri MP (@OfPinaki) February 7, 2021

ଏଥିସହ ସେ ଲେଖିଛନ୍ତି, ଓଡିଶା ଜୀବନ୍ତ ଭଗବାନଙ୍କୁ ‘ମସୌଲିୟମ’ ଶ୍ରେଣୀଭୁକ୍ତ କରାଯାଇଛି । ମସୌଲିୟମର ଓଡିଆ ଅର୍ଥ ହେଉଛି  ଏକ ଗମ୍ଭୁଜ ଆକୃତିର ନିର୍ମିତ କୋଠା ଭିତରେ ବଡ ବଡ ମହାପୁରୁଷଙ୍କୁ କବର ଦିଆଯାଏ । ପିନାକୀ ଏହି ଟ୍ୱିଟରେ ଲେଖିଛନ୍ତି, ଓଡିଆ ଜାତିର ଭାବାବେଗକୁ ଆଘାତ ପହଂଚାଯାଇଛି ଏବଂ ଏହା ଠାକୁରଙ୍କ ପ୍ରତି ଅପମାନ ବୋଲି କୁହାଯାଇଛି । ମହାପ୍ରଭୁ ଜଗନ୍ନାଥଙ୍କ ଅପମାନ କେବେ ସହ୍ୟ କରିହେବନାହିଁ ବୋଲି ଟ୍ୱିଟ କରି ସେ ସଙ୍କେତ ଦେଇଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ : ସେ ଜଣେ ଯବାନ ଥିଲେ । ଜୀବନକୁ ବାଜି ଲଗାଇ ଦେଶବାସୀଙ୍କ ସୁରକ୍ଷା ପାଇଁ ଶତୃପକ୍ଷ ସହିତ ଲଢୁଥିଲେ । ହେଲେ ମାତ୍ର କିଛି ଟଙ୍କା ପାଇଁ କିଛି ଦୁର୍ବୃତ୍ତ ତାଙ୍କୁ ଗୋଡ ହାତ ବାନ୍ଧି ଜିଅନ୍ତା ଜାଳିଦେଲେ । ଏଭଳି ଘଟଣା ଦେଖିବାକୁ ମିଳିଛି ମହାରାଷ୍ଟ୍ରର ପାଲଘର ଠାରେ   ।
ସୂଚନା ମୁତାବକ ମୃତ୍ୟୁ ହୋଇଥିବା ଯବାନ ଜଣଙ୍କ ଭାରତୀୟ ନୌସେନାର ଜଣେ ଅଧିକାରୀ ।  ତାଙ୍କ ନାମ ସୁରଜ କୁମାର ଓ ତାଙ୍କ ଘର ଝାଡଖଣ୍ଡ ରାଜ୍ୟ ରାଞ୍ଚି ଅଞ୍ଚଳର । ସେ ତାମିଲନାଡୁର କୁଇମ୍ବାଟୁରରେ କାର୍ଯ୍ୟରତ ଥିଲେ । ସେ ଜାନୁଆରୀ ୩୦ ତାରିଖରେ ଘରୁ ନିଜର କାର୍ଯ୍ୟସ୍ଥଳୀ କୁଇମ୍ବାଟୁର ବାହାରିଥିଲେ । ଏହି ସମୟରେ ତାଙ୍କୁ ଦୁର୍ବୃତ୍ତ ମାନେ ଚେନ୍ନାଇ ବିମାନବନ୍ଦର ନିକଟରୁ ଅପହରଣ କରିନେଇଥିଲେ । ଦୁର୍ବୃତ୍ତ ମାନେ ତାଙ୍କୁ ସେଠାରୁ ଅପହରଣ କରି ପାଲଘରର ବେବାଜୀ ଜଙ୍ଗଲରେ ରଖି ସୁରଜଙ୍କ ପରିବାର ଲୋକଙ୍କୁ ୧୦ ଲକ୍ଷ ଟଙ୍କା ମାଗିଥିଲେ ।

ପରିବାର ଲୋକେ ଟଙ୍କା ଯୋଗାଡ କରିବାକୁ ସମୟ ମାଗିଥିଲେ । ହେଲେ ଦୁର୍ବୃର୍ତ୍ତ ମାନେ ସୁରଜଙ୍କ ପରିବାରକୁ ସମୟ ଦେଇ ନଥିଲେ । ଟଙ୍କା ନମିଳିବାରୁ ସେମାନେ ନୃଶଂସ ପାଲଟି ଯାଇଥିଲେ । ଜଙ୍ଗଲ ଭିତରେ ସୁରଜଙ୍କ ହାତଗୋଡ ବାନ୍ଧି ତାଙ୍କ ଦେହରେ ନିଆଁ ଲଗାଇ ଦେଇଥିଲେ । ଏହାକୁ କିଛି ସ୍ଥାନୀୟ ଯୁବକ ଦେଖିଥିଲେ । ଦୁର୍ବୃତ୍ତ ମାନେ ସେଠାରୁ ପଳାଇବା ପରେ ଯୁବକ ମାନେ ପୋଲିସ ସହାୟତାରେ ସୁରଜଙ୍କୁ ଉଦ୍ଧାର କରିଥିଲେ । ହେଲେ ସେତେବେଳକୁ ସୁରଜଙ୍କ ଶରୀରର ୯୦ ପ୍ରତିଶତ ଜଳି ଯାଇଥିଲା ।

ତାଙ୍କୁ ପ୍ରଥମେ ସ୍ଥାନୀୟ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ଅବସ୍ଥା ସଂକଟାପର୍ଣ୍ଣ ହେବାରୁ ତାଙ୍କୁ ମୁମ୍ବାଇର ନେଭାଲ ହସ୍ପିଟାଲକୁ ନିଆଯାଇଥିଲା । ହେଲେ ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ଏନେଇ ପୋଲିସ ଚେନ୍ନାଇ ବିମାନବନ୍ଦରର ସିସିଟିଭି ଫୁଟେଜ୍ ଆଧାରରେ ଦୁର୍ବୃତ୍ତ ମାନଙ୍କୁ ଧରିବାକୁ ଚେଷ୍ଟା ଚଳାଇଛି ।

from Kanak News
via <a href="https://ifttt.com/?

କନକ ବ୍ୟୁରୋ : ଉତ୍ତରାଖଣ୍ଡ ଚମୋଲିରେ ଭୁସ୍ଖଳନ । ଧସିଲା ପାହାଡ଼ । ଜିଲ୍ଲାର ରେଣି ଗାଁ ନିକଟରେ ଏହି ପାହାଡ଼ ଧସିଥିବା ଭୟଙ୍କର ଚିତ୍ର ସାମ୍ନାକୁ ଆସିଛି । ପୁରା ଗାଁ ଉପରକୁ ପାହାଡ଼ରୁ ମାଟି ଅତଡ଼ା ମାଡ଼ି ଆସିଥିବା ବେଳେ ଏହାର ପ୍ରଭାବରେ ଅନେକ ଘର ଦ୍ୱାର କ୍ଷତିଗ୍ରସ୍ତ ହୋଇଛି । ଘଟଣା ସ୍ଥଳରେ ଉଦ୍ଧାରକାରୀ ଟିମ୍ ପହଂଚି ଉଦ୍ଧାରକାର୍ଯ୍ୟ ଜାରି ରଖିଛନ୍ତି ।

ଏହାର ପ୍ରଭାବରେ ନିକଟରେ ପାୱାର ପ୍ରୋଜେକ୍ଟ କ୍ଷତିଗ୍ରସ୍ତ ହୋଇଛି । ଏହା ସହ ସେଠାରେ ଥିବା ତପୋବନ ବ୍ୟାରେଜ ମଧ୍ୟ କ୍ଷତିଗ୍ରସ୍ତ ହୋଇଛି । ଏହି ଘଟଣାକୁ ନେଇ ପ୍ରଶାସନ ପକ୍ଷରୁ ସତର୍କତା ଜାରି କରାଯାଇଛି । ଏନଡ଼ିଆରଫ ଟିମ୍ ପହଂଚି ଲୋକଙ୍କୁ ଉଦ୍ଧାର କରିଛି ।

from Kanak News
via <a href="https://ifttt.com/?

କନକ ବ୍ୟୁରୋ : ରାଜଧାନୀରେ ଡ଼କାୟତି ଉଦ୍ୟମ ପଣ୍ଡ । ଡ଼କାୟତ ଗ୍ୟାଙ୍ଗକୁ ଧରିଲା ଚନ୍ଦ୍ରଶେଖରପୁର ଥାନା ପୋଲିସ । ଘଟଣା ସ୍ଥଳରୁ ୪ଜଣ ଡ଼କାୟତଙ୍କୁ ଗିରଫ କଲା ପୋଲିସ । ଏହା ସହ ଘଟଣାସ୍ଥଳରୁ ପୋଲିସ ବନ୍ଧୁକ, ଖଣ୍ଡା ଓ ମାରଣାସ୍ତ୍ର ଜବତ କରିଛି । ପୁଲିସକୁ ଦେଖି ୨ଜଣ ଅପରାଧି ଫେରାର ହୋଇଛନ୍ତି ।

୩ଟି ସୁନା ଚେନ ଓ କାନଫୁଲ ଜବତ କରି ପୋଲିସ ତନାଘନା କରିଛି । ତେବେ ବିଡ଼ିଏ କଲୋନୀରେ ଡ଼କାୟତି ପାଇଁ ପ୍ଲାନ୍ କରୁଥିଲେ ଡ଼କାୟତ । ବିଡ଼ିଏ ଦୁର୍ଗାମଣ୍ଡପ ପଡ଼ିଆରୁ ଗିରଫ ହୋଇଛନ୍ତି ୪ଜଣ ଡ଼କାୟତ । ଏମାନଙ୍କ ମଧ୍ୟରୁ ୩ଜଣ ଡ଼କାୟତ ହେଉଛନ୍ତି ଆଠଗଡ଼ ଅଂଚଳର । ଅନ୍ୟଜଣେ ପଣ୍ଡା ପାର୍କ ଅଂଚଳର ବୋଲି ଜଣାପଡ଼ିଛି ।

from Kanak News
via <a href="https://ifttt.com/?

କନକ ବ୍ୟୁରୋ : ଗଡୁଛି ତାରିଖ, ବଢୁଛି ଦିନ, ଅସହ୍ୟ ହେଲାଣି ଚାଷୀ ଜୀବନ । ୨ ମାସରୁ ଅଧିକ ହେବ ଦିଲ୍ଲୀ ସୀମାରେ ଚାଲିଛି ଅନ୍ନଦାତାଙ୍କ ଆନ୍ଦୋଳନ । ଆନ୍ଦୋଳନ ଉପରେ ରୋକ୍ ଲଗାଇବାକୁ ନା ସରକାର ପ୍ରସ୍ତୁତ ନା ନିଜ ଜିଦ୍ ରୁ ଉହୁରିବାକୁ ଅନ୍ନଦାତା ପ୍ରସ୍ତୁତ । ଏହାରି ମଧ୍ୟରେ ଚାଲିଥିବା ଆନ୍ଦୋଳନରେ ଅନେକ ଚାଷୀଙ୍କର ମୃତ୍ୟୁ ହୋଇସାରିଥିବା ବେଳେ କିଛି ଚାଷୀ ଧର୍ଯ୍ୟହରା ହୋଇ ଆତ୍ମହତ୍ୟା କରୁଥିବା ଦେଖିବାକୁ ମିଳିଛି ।

ଗତକାଲି ରାତିରେ ଟିକରୀ ସୀମାରେ ଜଣେ ଚାଷୀ ବେକରେ ଫାଶୀ ଲଗାଇ ଆତ୍ମହତ୍ୟା କରିଥିବା ସୂଚନା ମିଳିଛି । କୃଷକ ଜଣଙ୍କ ସେକ୍ଟର-୯ ବାଇପାସ ପାର୍କରେ ଥିବା ଏକ ଗଛରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି । ମୃତ ଚାଷୀଙ୍କ ନିକଟରୁ ଏକ ଆତ୍ମହତ୍ୟା ନୋଟ୍ ମିଳିଛି । ଏହି ନୋଟରେ ଲେଖାଯାଇଛି କି ‘ସରକାର କେବଳ ତାରିଖ ପରେ ତାରିଖ ଗଡାଇ ଚାଲିଛନ୍ତି । ଏହି କଳା କାନୁନ୍ କେବେ ପ୍ରତ୍ୟାହାର ହେବ ତା’ର କିଛି ନିଦ୍ଧିଷ୍ଟ ସୂଚନା ନାହିଁ, କଳା କାନୁନ ବାତିଲ ନହେବା ପର୍ଯ୍ୟନ୍ତ ମୁଁ ଏଠାରୁ ଯିବି ନାହିଁ ’ । ସେହିଭଳି ଭାବେ ଟିକରୀ ସୀମାରେ ଆଉ ୨ ଜଣ ଚାଷୀଙ୍କର ମୃତ୍ୟୁ ହୋଇଛି । ଜଣେ କୃଷକଙ୍କ ଘର ପଞ୍ଜାବର ସାଙ୍ଗରୁର ଓ ଅନ୍ୟଜଣେ ମୋଗା ଜିଲ୍ଲାର ବୋଲି ଜଣାପଡିଛି । ହେଲେ ସେମାନଙ୍କ ମୃତ୍ୟୁର କାରଣ ସ୍ପଷ୍ଟ ହୋଇନାହିଁ । ପ୍ରାଥମିକ ତଦନ୍ତରୁ ସେମାନଙ୍କର ମୃତ୍ୟୁ ହୃଦଘାତ ଯୋଗୁଁ ହୋଇଛି ବୋଲି ପୋଲିସ ଅନୁମାନ କରିଛି ।

ସେପଟେ ଜାନୁଆରୀ ୨୬ ତାରିଖରେ କୃଷକ ମାନେ କରିଥିବା ଟ୍ରାକ୍ଟର ମାର୍ଚ୍ଚ ବେଳେ ସରକାରଙ୍କ ତରଫରୁ ଦିଆଯାଇଥିବା ରାସ୍ତାରେ ନଯାଇ ଲାଲ୍ କିଲ୍ଲା ଭିତରେ ପଶି ହିଂସା କରିଥିବା ଅଭିଯୋଗରେ ୨ ଜଣ କୃଷକ ନେତାଙ୍କୁ ନିଲମ୍ବିତ କରିଛି ସଂଯୁକ୍ତ କିଷାନ ମୋର୍ଚ୍ଚା । ନିଲମ୍ବିତ ନେତାମାନେ ହେଲେ ଆଜାଦ୍ କିଷାନ ସମିତିର ଅଧ୍ୟକ୍ଷ ହରପାଲ୍ ସଂଘ ଓ ଭାରତୀୟ କିଷାନ ୟୁନିୟନ (କ୍ରାନ୍ତିକାରୀ) ନେତା ସୁରଜିତ୍ ସିଂ ଫୁଲ  । ଏହାସହ ସେଦିନ ଘଟିଥିବା ହିଂସା ବାବଦରେ ତଦନ୍ତ କରିବାରୁ ଭାରତୀୟ କିଷାନ ୟୁନିୟନ ପକ୍ଷରୁ ଏକ ୩ ଜଣିଆ କମିଟି ଗଠନ କରାଯାଇଛି । ଏହି କମିଟିର ରିପୋର୍ଟ ଆସିବା ପରେ ଅନ୍ୟ ମାନଙ୍କ ଉପରେ କାର୍ଯ୍ୟାନୁଷ୍ଠାନ ହୋଇପାରେ ବୋଲି ଅନୁମାନ କରାଯାଉଛି ।

from Kanak News
via <a href="https://ifttt.com/?