କନକ ବ୍ୟୁରୋ : ମର୍ମନ୍ତୁଦ ସଡ଼କ ଦୁର୍ଘଟଣା ନେଇ ଗଲା ଜୀବନ । କୋରାପୁଟ ଜିଲ୍ଲା କୋଟପାଡ଼ ମୁର୍ତାହାଣ୍ଡିରେ ପିକଅପ୍ ଭ୍ୟାନ୍ ଓଲଟି ୯ ଜଣଙ୍କ ମୃତ୍ୟୁ ହୋଇଛି । ଏହି ଦୁର୍ଘଟଣାରେ ୧୩ ଜଣ ଆହତ ହୋଇଛନ୍ତି । ଆହତଙ୍କୁ ପ୍ରଥମେ କୋଟପାଡ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଓ ପରେ ଜଗଦଲପୁରର ଡୁମୁରିପାଲି ମେଡିକାଲ କଲେଜକୁ ସ୍ଥାନାନ୍ତର କରାଯାଇଛି । ତେବେ ମୃତ୍ୟୁ ସଂଖ୍ୟା ବଢ଼ିବା ଆଶଙ୍କା କରାଯାଇଛି । ଖବର ପାଇ ଅଗ୍ନିଶମବାହିନୀ ଓ ପୁଲିସ ପହଂଚି ଦୁର୍ଘଟଣାଗ୍ରସ୍ତଙ୍କୁ ଉଦ୍ଧାର କରିଥିଲେ ।

ସିନ୍ଧିଗୁଡ଼ାରୁ ଦଶାହ କାର୍ଯ୍ୟ ସାରି ଛତିଶଗଡ଼ କୁଲଚା ଗାଁକୁ ଫେରୁଥିବା ବେଳେ ସଡ଼କ ଦୁର୍ଘଟଣା ଘଟିଥିବା ସୂଚନା ମିଳିଛି । ଏକ ବୁଲାଣିରେ ପିକଅପ ଭ୍ୟାନ ଭାରସାମ୍ୟ ହରାଇ ଏକ ବିଲରେ ଓଲଟି ପଡିଥିଲା । ଫଳରେ ଗାଡି ତଳେ ଚାପି ହୋଇ ଘଟଣାସ୍ଥଳରେ ୭ ଜଣ ଓ କୋଟପାଡ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସାଧୀନ ଅବସ୍ଥାରେ ୨ ଜଣଙ୍କ ମୃତ୍ୟୁ ହୋଇଛି ।  ଦୁର୍ଘଟଣା ଖବର ପାଇ ଆଖପାଖର ଲୋକେ ଆସି ଉଦ୍ଧାର କାମ ଆରମ୍ଭ କରିଥିଲେ । ଏହାପରେ ଅଗ୍ନିଶମବାହିନୀ ଓ କୋଟପାଡ ପୁଲିସ ଘଟଣାସ୍ଥଳରେ ପହଂଚି ଆହତଙ୍କୁ ଉଦ୍ଧାର କରି କୋଟପାଡ ମେଡିକାଲରେ ଭର୍ତ୍ତି କରିଥିଲେ । ଆହତଙ୍କ ଅବସ୍ଥା ସଙ୍କଟାପନ୍ନ ଥିବାରୁ ସେମାନଙ୍କୁ ଜଗଦଲପୁର ସ୍ଥିତ ଡୁମୁରିପାଲି ମେଡିକାଲ କଲେଜକୁ ସ୍ଥାନାନ୍ତର କରାଯାଇଛି ।

from Kanak News
via <a href="https://ifttt.com/?

କନକ ବ୍ୟୁରୋ: ଦେଶରେ କୋଭିଡ୍ ସଂକ୍ରମଣ ସ୍ତର ନିୟନ୍ତ୍ରଣରେ ଥିବା ତଥା ଅର୍ଥନୀତିର ପୁନରୁଦ୍ଧାର ପ୍ରକ୍ରିୟା ତ୍ୱରାନ୍ୱିତ ପାଇଁ ପ୍ରୟାସ କରାଯାଉଥିବା ବେଳେ ବଜେଟକୁ ନେଇ ସବୁ ମହଲରେ ଉତ୍କଷ୍ଠା ବଢ଼ିବାରେ ଲାଗିଛି। ବିଶେଷକରି ଓଡ଼ିଶା ଭଳି ରାଜ୍ୟର ଆଶା କେନ୍ଦ୍ରଠାରୁ ଟିକିଏ ଅଧିକ ରହିଛି। ରାଜ୍ୟ ଆଶା କରୁଛି ଯେ ଏଥର ସାଧାରଣ ବଜେଟରେ କେନ୍ଦ୍ର ସରକାର କୌଣସି ସ୍ୱତନ୍ତ୍ର ଅନୁଦାନ ବା ଅଧିକ ଅର୍ଥରାଶି ବରାଦ କରିବା ଦରକାର, ଯାହା ଫଳରେ ରାଜ୍ୟ ଅର୍ଥନୀତିରେ ତୁରନ୍ତ ସୁଧାର ଆସିବ।

ଚଳିତ ମାସ ୧୮ ତାରିଖରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଦେଶର ସମସ୍ତ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ଅର୍ଥ ମନ୍ତ୍ରୀମାନଙ୍କ ସହ ୨୦୨୧-୨୨ ପ୍ରାକ୍ ବଜେଟ୍ ଆଲୋଚନା କରିଥିଲେ। ଏଥିରେ ଓଡ଼ିଶାର ଅର୍ଥମନ୍ତ୍ରୀ ନିରଞ୍ଜନ ପୂଜାରୀ କେନ୍ଦ୍ର ଅର୍ଥମନ୍ତ୍ରୀଙ୍କୁ ରାଜ୍ୟର ୧୩ଟି ବିଭିନ୍ନ ପ୍ରସ୍ତାବକୁ ବଜେଟ୍‌ରେ ସାମିଲ ପାଇଁ ଦାବି କରିଥିଲେ। ରେଳ ବଜେଟ୍‌ରେ ଅତି କମ୍‌ରେ ୭୨୦୦ କୋଟି ଟଙ୍କା ବ୍ୟବସ୍ଥା କରିବା ତଥା ରାଜ୍ୟର ଦୁର୍ଗମ ଅନଗ୍ରସର ଅଞ୍ଚଳରେ ଇଣ୍ଟରନେଟ୍ ସୁବିଧା ପାଇଁ ବଜେଟ୍‌ରେ ୫,୬୫୦ କୋଟି ଟଙ୍କାର ବ୍ୟୟ ବରାଦ କରିବାକୁ ପ୍ରମୁଖ ଭାବେ ଦାବି ଉପସ୍ଥାପନ କରିଥିଲେ। ଜାତୀୟ ରାଜପଥର ନିର୍ମାଣ ଓ ରକ୍ଷାବେକ୍ଷଣ ପାଇଁ ଆବଶ୍ୟକ ବଜେଟ୍ ବ୍ୟବସ୍ଥା କରିବାକୁ ମଧ୍ୟ ରାଜ୍ୟ ସରକାରଙ୍କ ପକ୍ଷରୁ ପ୍ରସ୍ତାବ ଦିଆଯାଇଥିଲା। ଏହା ଉପରେ କେନ୍ଦ୍ର ସରକାର କି ଆଭିମୁଖ୍ୟ ରଖୁଛନ୍ତି,ତାହାକୁ ଓଡ଼ିଶା ଅପେକ୍ଷା କରୁଛି।

ଗୋଟିଏ ମହଲର କହିବା କଥା ହେଉଛି ଯେ ବର୍ତ୍ତମାନ କେନ୍ଦ୍ର ସରକାର ପୂର୍ବ ଭାରତର ବିକାଶର ଦିଗରେ ପ୍ରାଥମିକତା ଦେଉଥିବାରୁ ଯଦି ପୂର୍ବ ଭାରତ ପାଇଁ କୌଣସି ଘୋଷଣା କରାଯାଏ ସେଥିରୁ ଓଡ଼ିଶାକୁ ମଧ୍ୟ ଫାଇଦା ମିଳିପାରିବ। ପୂର୍ବ ଭାରତର ଦୁଇ ରାଜ୍ୟ ପଶ୍ଚିମବଙ୍ଗ ଓ ଆସାମରେ ଚଳିତ ବର୍ଷ ବିଧାନସଭା ନିର୍ବାଚନ ହେବ। ଅତଏବ ଦୁଇ ରାଜ୍ୟ ପରିପ୍ରେକ୍ଷୀରେ ବଜେଟ ଘୋଷଣା ଗୁରୁତ୍ୱ ବହନ କରୁଥିବା ବେଳେ ଓଡ଼ିଶାକୁ ମଧ୍ୟ ବଜେଟ୍‌ର ସୁଫଳ ମିଳିବାର ଅନୁମାନ କରାଯାଉଛି।

ମୋଦୀ ସରକାରଙ୍କ ପ୍ରଥମ ପାଳିରେ ଓଡ଼ିଶାରେ ଶିକ୍ଷାନୁଷ୍ଠାନ ପ୍ରତିଷ୍ଠାନ ଉପରେ ଗୁରୁତ୍ୱ ପ୍ରଦାନ କରାଯାଇ ୨୦୧୪-୧୫ ବଜେଟରେ ଓଡ଼ିଶାରେ ଆଇଆଇଏମ ତଥା ୨୦୧୫-୧୬ରେ ଇନ୍‌ଷ୍ଟିଚ୍ୟୁଟ୍ ଅଫ୍ ସାଇନ୍ସ ଆଣ୍ଡ ଏଜୁକେସନ ରିସର୍ଚ୍ଚ (ଆଇଏସଇଆର) ପ୍ରତିଷ୍ଠା ନେଇ ଘୋଷଣା କରାଯାଇଥିଲା। ଏହାଛଡ଼ା ୨୦୧୭-୧୮ ବଜେଟ୍‌ରେ ପାଇକ ବିଦ୍ରୋହର ୨୦୦ତମ ପୂର୍ତ୍ତି ପାଳନ ପାଇଁ ବ୍ୟୟ ବରାଦ ତଥା ଯାଜପୁର ଜିଲ୍ଲା ଚଣ୍ଡିଖୋଲରେ ଏକ ଅଶୋଧିତ ତୈଳ ରିଜର୍ଭ ସ୍ଥାପନ ପାଇଁ ଘୋଷଣା କରାଯାଇଥିଲା।

ହେଲେ ୨୦୧୭-୧୮ ପରବର୍ତ୍ତୀ ବଜେଟମାନଙ୍କରେ ଓଡ଼ିଶା ସମ୍ପର୍କରେ କୌଣସି ଘୋଷଣା କରାଯାଇ ନାହିଁ। ଖଣିଜ ପଦାର୍ଥ ରୟାଲଟି ହାର ବୃଦ୍ଧି ହେବ ଏକ ବଡ଼ ପ୍ରସଙ୍ଗ ହୋଇ ରହିଛି। ଏ ସଂକ୍ରାନ୍ତରେ ଆଗକୁ କଣ ହେବ, ତାହା ମଧ୍ୟ ବଜେଟ୍ ଉପସ୍ଥାପନରୁ ଜଣା ପଡ଼ିବ। ସେପଟେ ରେଳ ବଜେଟ୍‌ରେ ଓଡ଼ିଶାକୁ ଏଥର କେତେ ଆବଣ୍ଟନ କରାଯିବ ତାହାକୁ ନେଇ ମଧ୍ୟ ଅଙ୍କକଷା ଆରମ୍ଭ ହୋଇଛି। ୨୦୨୦-୨୧ରେ ଓଡ଼ିଶାକୁ ରେଳ ବଜେଟ୍‌ରେ ୪୩୭୩ କୋଟି ମିଳିଥିଲା। ରାଜ୍ୟର ଦାବି ଥିଲା ୬୫୦୦ କୋଟି ଟଙ୍କା। ୨୦୧୯-୨୦ ତୁଳନାରେ ଗତବର୍ଷର ବଜେଟ୍‌ରେ ୧୪୯୨ କୋଟି ଟଙ୍କା କମ୍‌ ବଜେଟ୍ ମିଳିଥିଲା। ଏଥର ଦାବି କରାଯାଇଥିବା ୭୨୦୦ କୋଟିର ରେଳ ବଜେଟ୍ ପ୍ରସ୍ତାବ ଅନ୍ତର୍ଗତ ଓଡ଼ିଶାକୁ କେତେ ମିଳିବ ତାହାକୁ ନେଇ ସମସ୍ତଙ୍କର ନଜର ରହିବା ସ୍ୱାଭାବିକ।

from Kanak News
via <a href="https://ifttt.com/?

କନକ ବ୍ୟୁରୋ : ସୋସିଆଲ ମିଡିଆକୁ ଆଇନ ପରିସର ଭିତରେ ଆଣିବାକୁ ନେଇ ସୁପ୍ରିମକୋର୍ଟରେ ରୁଜୁ ହୋଇଥିବା ଜନସ୍ୱାର୍ଥ ମାମଲାର ଆଜି ଶୁଣାଣି ହେବ । ଆବେଦନରେ ଦର୍ଶାଯାଇଛି, ସୋସିଆଲ ମିଡିଆରେ ଜରିଆରେ ଉତ୍ତେଜନା ସୃଷ୍ଟିକାରୀ ଓ ଫେକ ନ୍ୟୁଜ ପ୍ରଚାର କରୁଥିବା ବ୍ୟକ୍ତିଙ୍କ ବିରୋଧରେ ଅପରାଧିକ ମକଦ୍ଦମା ଚଲାଇବା ପାଇଁ ଆଇନ ତିଆରି କରାଯାଉ । ଏନେଇ ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦିଅନ୍ତୁ ବୋଲି ଜନସ୍ୱାର୍ଥ ମାମଲାରେ ଅନୁରୋଧ କରାଯାଇଛି । ଏହି ଆବେଦନରେ କେନ୍ଦ୍ର ସରକାର, କେନ୍ଦ୍ର ଗୃହମନ୍ତ୍ରାଳୟ, ଦୂରସଂଚାର ମନ୍ତ୍ରାଳୟ, ଟୁଇଟର କମ୍ୟୁନିକେସନ ଇଣ୍ଡିଆ ପ୍ରାଇଭେଟ ଲିମିଟେଡ ଓ ଫେସବୁକ ଇଣ୍ଡିଆ ଆଦିକୁ ପକ୍ଷଭୁକ୍ତ କରାଯାଇଛି ।

ବିନିତ ଜିନ୍ଦଲ ନାମକ ଜଣେ ଆଇନଜୀବୀ ଏହି ଜନସ୍ୱାର୍ଥ ମାମଲା ଦାୟର କରିଛନ୍ତି । ଆବେଦନରେ ଦର୍ଶାଇଛନ୍ତି, ବର୍ତ୍ତମାନ ଦେଶର ସ୍ଥିତିକୁ ଦେଖି ମାମଲା କରିବାକୁ ସେ ବାଧ୍ୟ ହୋଇଛନ୍ତି । କାରଣ ସୋସିଆଲ ମିଡିଆ ପ୍ଲାଟଫର୍ମକୁ ନିୟନ୍ତ୍ରଣ କରିବା ପାଇଁ ଆଇନ ଆଣିବାକୁ ନିର୍ଦ୍ଦେଶ ଦେବା ବର୍ତ୍ତମାନ ସମୟରେ ଜରୁରୀ । ଅଭିବ୍ୟକ୍ତିର ସ୍ୱାଧିନତା ଏକ ଜଟିଳ ବିଷୟ । କାରଣ ଅଭିବ୍ୟକ୍ତି ସ୍ୱାଧିନତା ସହ ବିଶେଷ କର୍ତ୍ତବ୍ୟ ଓ ଦାୟିତ୍ୱ ପାଳନ କରିବାକୁ ପଡିଥାଏ । ତେଣୁ ଏହି ଅଧିକାର ଆଇନ ଦ୍ୱାର ଦିଆଯାଇଥିବା କିଛି ପ୍ରତିବନ୍ଧକ ଅଧିନରେ ରହିଛି । ଆଡଭୋକେଟ ବିନିତ ଜିନ୍ଦଲ ତାଙ୍କ ଆବେଦନରେ ଲେଖିଛନ୍ତି, ସୋସିଆଲ ମିଡିଆ ପାଇଁ ବିଭିନ୍ନ ଦେଶ ଲାଗୁ କରିଥିବା ଆଇନର ମାନଦଣ୍ଡକୁ ଅନୁଧ୍ୟାନ କରିବା ଉଚିତ । ଫଳରେ ଏପରି ନିର୍ଦ୍ଦେଶ ଦିଆଯାଇପାରିବ ଯାହା ବାକ୍ ସ୍ୱାଧିନତା ଓ ସୋସିଆଲ ମିଡିଆ ପ୍ଲାଟଫର୍ମର ଉତ୍ତରଦାୟୀ ମଧ୍ୟରେ ସନ୍ତୁଳ ରକ୍ଷା କରିପାରିବ ।

ଜନସ୍ୱାର୍ଥ ମାମଲାରେ ଏହା ବି କୁହାଯାଇଛି, ଅତୀତରେ ଦେଶ ଅନେକ ସାଂପ୍ରଦାୟିକ ହିଂସା ଦେଖିଛି । ହେଲେ ସୋସିଆଲ ମିଡିଆ ଯୋଗୁଁ ଏଭଳି ଆକ୍ରମକତା କେବଳ ସ୍ଥାନୀୟ କିମ୍ବା ଆଂଚଳିକ ନହୋଇ ରାଷ୍ଟ୍ରୀୟ ପ୍ରସଙ୍ଗରେ ପରିଣତ ହେଉଛି । ଗୁଜବ, ବ୍ୟଙ୍ଗ ଓ ଘୃଣା ଏକ ଅଂଚଳରେ ସାଂପ୍ରଦାୟିକତା ସଂଘର୍ଷରେ ନିଆଁ ଲଗାଇବା କାମ କରିଥାଏ । ଆଉ ଏହି ନିଆଁ ସୋସିଆଲ ମିଡିଆ ଜରିଆରେ ସାରା ଦେଶକୁ ବ୍ୟାପିଯିବାର ସମ୍ଭାବନା ରହିଛି । ଆଜି ଏକ ଆଂଚଳିକ ସାଂପ୍ରଦାୟିକ ସଂଘର୍ଷକୁ ମାତ୍ର କିଛି ସେକେଣ୍ଡ ଭିତରେ ରାଷ୍ଟ୍ରୀୟ ପ୍ରସଙ୍ଗ କରାଯାଇପାରେ ବୋଲି ଆବେଦନରେ ଦର୍ଶାଯାଇଛି ।

from Kanak News
via <a href="https://ifttt.com/?

କନକ ବ୍ୟୁରୋ: ଜାନୁଆରି ସାରା ଲୁଚକାଳି ଖେଳିବା ପରେ ରାଜ୍ୟକୁ ଏବେ ଶୀତ ଲେଉଟିଛି। ଉତ୍ତର-ପଶ୍ଚିମ ଦିଗରୁ କ୍ରମାଗତ ଭାବେ ଥଣ୍ଡା ଓ ଶୁଷ୍କ ପବନ ପ୍ରବାହିତ ହେବା ଫଳରେ ରାଜ୍ୟରେ ଶୀତ ବଢ଼ିଛି। ଆଗକୁ ଆହୁରି ବଢ଼ିବ। ଆସନ୍ତା ୨୪ ଘଣ୍ଟାରେ ଦକ୍ଷିଣ ସମେତ ଉପକୂଳ ଓଡ଼ିଶାରେ ସର୍ବନିମ୍ନ ତାପମାତ୍ରା ୨ ଡିଗ୍ରି ପର୍ଯ୍ୟନ୍ତ ଖସିବାର ସମ୍ଭାବନା ରହିଛି। ସେହିପରି ଆସନ୍ତା ୩ ଦିନ ରାଜ୍ୟରେ ଶୀତ ଲହରି ପ୍ରବାହିତ ହେବ। ଏହାକୁ ଦୃଷ୍ଟି‌ରେ ରଖି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ୧୧ ଜିଲ୍ଲା ଯଥା ମୟୂରଭଞ୍ଜ, କେନ୍ଦୁଝର, ଅନୁଗୁଳ, ସୁନ୍ଦରଗଡ଼, ସମ୍ବଲପୁର, ଦେବଗଡ଼, ବରଗଡ଼, ସୋନପୁର, ବୌଦ୍ଧ ଓ ବଲାଙ୍ଗୀର ପାଇଁ ୟେଲୋୱାର୍ଣ୍ଣିଂ ଜାରି କରାଯାଇଛି।

କେନ୍ଦ୍ର ପକ୍ଷରୁ ଆହୁରି କୁହାଯାଇଛି ଯେ ସର୍ବନିମ୍ନ ରାତ୍ରି ତାପମାତ୍ରା ଆଭ୍ୟନ୍ତରୀଣ ଓଡ଼ିଶାରେ ସ୍ବାଭାବିକଠାରୁ ୩ରୁ ୫ଡିଗ୍ରି ପର୍ଯ୍ୟନ୍ତ କମ୍‌ ରହିଥିବା ବେଳେ ଉପକୂଳରେ ୨ରୁ ୪ଡିଗ୍ରି ପର୍ଯ୍ୟନ୍ତ କମ୍‌ ରହିବାର ସମ୍ଭାବନା ରହୁଛି। ଆଗାମୀ ୪ରୁ ୫ଦିନ ପର୍ଯ୍ୟନ୍ତ ଓଡ଼ିଶାରେ ଶୀତର ପ୍ରକୋପ ରହିବ। ଆଜି ଦ୍ବୈତନଗରୀରେ ହାଲ୍‌କା କୁହୁଡ଼ି ଦେଖିବାକୁ ମିଳିବ। ଗତ ୨୪ ଘଣ୍ଟାରେ ଓଡ଼ିଶାରେ ପାଗ ମୁଖ୍ୟତଃ ଭାବେ ଶୁଖିଲା ରହିଛି। ରାଜ୍ୟର ସର୍ବନିମ୍ନ ରାତ୍ରି ତାପମାତ୍ରା ୭.୮ ଡିଗ୍ରି ଝାରସୁଗୁଡ଼ାଠାରେ ‌ରେକର୍ଡ ହୋଇଛି।

from Kanak News
via <a href="https://ifttt.com/?

କନକ ବ୍ୟୁରୋ: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଆଜି ସଂସଦରେ ୨୦୨୧-୨୨ ଆର୍ଥିକ ବର୍ଷ ପାଇଁ ବଜେଟ୍ ଉପସ୍ଥାପନ କରିବେ। ଏଥର ପେପରଲେସ୍‌ ବା କାଗଜବିହୀନ ବଜେଟ୍ ଉପସ୍ଥାପନ କରାଯିବ। ପୂର୍ବାହ୍ନ ୧୧ରେ ବଜେଟ୍ ଉପସ୍ଥାପନ କରାଯିବ। ଏହାକୁ ଲୋକସଭା ଟିଭିରେ ସିଧା ପ୍ରସାରଣ କରାଯିବ। ୟୁଟ୍ୟୁବ୍‌, ଫେସବୁକ୍ ଓ ଟ୍ବିଟର୍‌ରେ ଲାଇଭ୍ ଷ୍ଟ୍ରିମିଂ କରାଯିବ। ଏହା ବ୍ୟତୀତ ବଜେଟର ସିଧାପ୍ରସାରଣକୁ ବିଭିନ୍ନ ନିଉଜ୍ ଚ୍ୟାନେଲରେ ମଧ୍ୟ ଦେଖିହେବ।

କରୋନା ମହାମାରୀ ପରବର୍ତ୍ତୀ ସମୟର ଏହା ପ୍ରଥମ ବଜେଟ୍ ‌ହୋଇଥିବାରୁ ଅନେକ ରିହାତି ମିଳିପାରେ ‌ବୋଲି ସମାଜର ବିଭିନ୍ନ ବର୍ଗ ଅନାଇ ବସିଛନ୍ତି। ‌ ବ୍ୟକ୍ତିଗତ ଆୟକରରେ ରିହାତି ମିଳିବ ବୋଲି ମଧ୍ୟବିତ୍ତ ବର୍ଗ ଓ ବେତନଭୋଗୀମାନଙ୍କର ଆଶା ରହିଛି। ମହାମାରୀ ସମୟରେ ଅନେକ ଲୋକ ଜୀବିକା ହରାଇଥିବାରୁ ନିଯୁକ୍ତି ସୁଯୋଗ ସୃଷ୍ଟିକୁ ନେଇ କିଛି ନୂଆ ଯୋଜନା‌ କିମ୍ବା ସ୍କିମ୍ ଘୋଷଣା ହେବାର ସମ୍ଭାବନା ରହିଛି। ବିଶେ‌ଷ କରି ପ୍ରବାସୀ ଶ୍ରମିକଙ୍କ ପାଇଁ ସ୍ବତନ୍ତ୍ର ଘୋଷଣା ଆଶା କରାଯାଉଛି। ଶିକ୍ଷା, ସ୍ବାସ୍ଥ୍ୟ ଓ ଗ୍ରାମୀଣ ବିକାଶ ପାଇଁ ବ୍ୟୟବରାଦ ବଢ଼ିବାର ସମ୍ଭାବନା ରହିଛି।

କିନ୍ତୁ ବଜେଟରେ ସେମାନଙ୍କର ଆଶା କେତେ ଦୂର ପୂରଣ ହେଉଛି ତାହା ଉପରେ ‌ସମସ୍ତଙ୍କର ନଜର ରହିଛି। ଅନ୍ୟପକ୍ଷରେ କୋଭିଡ୍-୧୯ ଟିକାକରଣ ପାଇଁ ପାଣ୍ଠି ଯୋଗାଡ଼ କରିବାର ବାହାନା କରି ପ୍ରମୁଖ ସ୍କିମ୍‌ର ବ୍ୟୟବରାଦ ହ୍ରାସ କରିବା ଓ କିଛି ସ୍କିମକୁ ସମ୍ପୂର୍ଣ୍ଣ ବନ୍ଦ କରିବା ଉପରେ କେନ୍ଦ୍ର ସରକାର ବିଚାର କରୁଛନ୍ତି। ଏବିଷୟରେ ବଜେଟରେ ଘୋଷଣା ହୋଇପାରେ। କେନ୍ଦ୍ର ବଜେଟର ପ୍ରାୟ ୯% ଅର୍ଥରାଶି (୩.୪ ଲକ୍ଷ କୋଟି ଟଙ୍କା) କେନ୍ଦ୍ର ପ୍ରାୟୋଜିତ ସ୍କିମ୍‌ ପାଇଁ ଆବଣ୍ଟନ କରାଯାଉଛି। ୨୦୧୬-୧୭ ପରଠାରୁ ଏହି ସ୍କିମ୍‌ଗୁଡ଼ିକର ବ୍ୟୟବରାଦ କ୍ରମାଗତ ଭାବେ ହ୍ରାସ ପାଉଛି। କେନ୍ଦ୍ରୀୟ ସ୍କିମ୍‌ର ବ୍ୟୟବରାଦ ମଧ୍ୟ ହ୍ରାସ କରାଯାଉଛି। ପୂର୍ବରୁ ୬୦ଟି କେନ୍ଦ୍ର ପ୍ରାୟୋଜିତ ସ୍କିମ୍ ଥିଲା। ଚର୍ତୁଦଶ ଅର୍ଥ ଆୟୋଗଙ୍କ ସୁପାରିସ ପରେ ଅନେକ ସ୍କିମ୍ ବନ୍ଦ କରାଯାଇଛି।

୨୦୨୧-୨୨ ବର୍ଷ ବଜେଟ୍ ତିଆରି ବେଳେ ବିଭିନ୍ନ ବିଭାଗ ଓ ମନ୍ତ୍ରଣାଳୟଗୁଡ଼ିକୁ କେଉଁ ସ୍କିମ୍ ପାଇଁ କେତେ ଟଙ୍କା ଦରକାର ଜଣାଇବାକୁ କୁହାଯାଇଥିଲା। ପାଣ୍ଠି ଅଭାବ ଯୋଗୁଁ କେଉଁ ସ୍କିମ୍ ବନ୍ଦ କରିହେବ ତାହା ମଧ୍ୟ ଜଣାଇବାକୁ ନିର୍ଦେଶ ଦିଆଯାଇଥିଲା। ସ୍କିମଗୁଡ଼ିକର ବ୍ୟୟବରାଦ ହ୍ରାସ ପାଇଲେ ରାଜ୍ୟଗୁଡ଼ିକ ଆର୍ଥିକ ସ୍ତରରେ ଦୁର୍ବଳ ହୋଇପଡ଼ିବେ। ସେମାନଙ୍କ ପାଖକୁ ପାଣ୍ଠି ଆସିବା କମିଯିବ। କରୋନା ମହାମାରୀ ପ୍ରଭାବ ଦେଇ ଗତି କରୁଥିବା ରାଜ୍ୟଗୁଡ଼ିକ ଏଭଳି ସଙ୍କଟକୁ ସାମ୍ନା କରିବା ସ୍ଥିତିରେ ନଥିବା ଜଣାପଡ଼ିଛି। ଏହାକୁ ନେଇ ରାଜ୍ୟଗୁଡ଼ିକ ଚିନ୍ତାରେ ପଡ଼ିଯାଇଛନ୍ତି। ଯଦି ବଜେଟ୍‌ରେ ସେଭଳି କିଛି ଘୋଷଣା କରାଯିବ ତେବେ ରାଜ୍ୟଗୁଡ଼ିକ ତାହାର ପ୍ରତିବାଦ କରିବେ ବୋଲି ଜଣାପଡ଼ିଛି।

୨୦୨୧-୨୨ ବଜେଟ୍‌ରୁ କରାଯାଉଥିବା‌ ଆଶା ସମ୍ପର୍କରେ ଅର୍ଥନୀତିଜ୍ଞ ଓ ବିଶେଷଜ୍ଞମାନେ କହିଛନ୍ତି ଯେ ଟିକାକରଣ ପାଇଁ କରୋନା ଟିକସ ଘୋଷଣା କରାଯିବାର ଅନେକ ସମ୍ଭାବନା ରହିଛି। ଏହା ବ୍ୟତୀତ ଧନୀମାନଙ୍କ ପାଇଁ ଟିକସ ପରିମାଣ ବୃଦ୍ଧି ପାଇପାରେ। ସ୍ବାସ୍ଥ୍ୟ ସେବା କ୍ଷେତ୍ରର ବ୍ୟୟବରାଦ ବଢ଼ିବ। ଚୀନ୍ ସହିତ ସୀମାରେ ଉତ୍ତେଜନାପୂର୍ଣ୍ଣ ସ୍ଥିତି ରହୁଥିବାରୁ ପ୍ରତିରକ୍ଷା ବାବଦରେ ମଧ୍ୟ ଅଧିକ ବ୍ୟୟବରାଦ ହୋଇଥିବ ବୋଲି ଆଶା କରାଯାଉଛି। ଏହା ବ୍ୟତୀତ ଭିତ୍ତିଭୂମିକୁ ମଧ୍ୟ ବଜେଟ୍‌ରେ ଗୁରୁତ୍ବ ଦିଆଯାଇଥିବ ବୋଲି ଅନୁମାନ କରାଯାଉଛି। ମହାମାରୀ ପରବର୍ତ୍ତୀ ସମୟରେ ଯଦିଓ ଅର୍ଥନୀତିରେ ଦ୍ରୁତ ସୁଧାର ଘଟିଛି କିନ୍ତୁ ସେହି ଧାରା ବଜାୟ ରଖିବା ସରକାରଙ୍କ ପାଇଁ ଏକ ଆହ୍ବାନ ହେବ। ଅଭିବୃଦ୍ଧିକୁ ତ୍ବରାନ୍ବିତ କରିବା ଲାଗି ମଧ୍ୟ ବଜେଟ୍‌ରେ ପଦକ୍ଷେପ ନିଆଯାଇଥିବ। ସରକାର ନିଜର ଆୟ ବଢ଼ାଇବା ଲାଗି ଟିକସ ଉତ୍ସ ସହିତ ପୁଞ୍ଜିପ୍ରତ୍ୟାହାରକୁ ବିଶେଷ ଗୁରୁତ୍ବ ଦେଉଛନ୍ତି। ତେଣୁ ଚଳିତ ବର୍ଷ ବଜେଟରେ ମଧ୍ୟ କିଛି ଲାଭଜନକ ସରକାରୀ ସଂସ୍ଥାର ଅଂଶଧନ ବିକ୍ରି ବିଷୟରେ ଘୋଷଣା ହେବାର ସମ୍ଭାବନା ରହିଛି।

from Kanak News
via <a href="https://ifttt.com/?

କନକ ବ୍ୟୁରୋ : ନିର୍ଜିବ ପଥରରେ ଜୀବନ ଭରି ଦେଉଥିବା ଶିଳ୍ପୀ ଏବେ ଦାଦନ ମୁହାଁ । କରୋନା କାଳରେ ଲକଡାଉନ ଯୋଗୁଁ ବ୍ୟବସାୟ ମାନ୍ଦା ପଡ଼ି ଯାଇଥିବାରୁ କେମିତି ପରିବାର ଚଳାଇବେ ଏହି ଚିନ୍ତାରେ ପଡିଛନ୍ତି କଳାହାଣ୍ଡି ଜିଲ୍ଲା କନ୍ଦାଗଡ଼ ଗାଁର ପଥର ଶିଳ୍ପୀ । ଅନ୍ୟ କିଛି ଉପାୟ ନଥିବାରୁ ବାଧ୍ୟ ହୋଇ ଦାଦନ ଖଟିବାକୁ ବାହାର ରାଜ୍ୟକୁ ଯାଉଛନ୍ତି ।

କଳାହାଣ୍ଡି ଜିଲ୍ଲା ଆମପାଣି ନିକଟରେ କନ୍ଦାଗଡ଼ ଗାଁ । ପଥର ଶିଳ୍ପୀର ଗାଁ କନ୍ଦାଗଡ଼, ପଥର କଳା ପାଇଁ ଏହି ଗାଁର ରହିଛି ସ୍ୱତନ୍ତ୍ର ପରିଚିତି । ଆଦିବାସୀ କାରିଗରଙ୍କ ହାତରେ ପଥରର ମୂର୍ତି ସବୁ କଥା କହୁଥିଲା । କରୋନା ମହାମାରୀ ଯୋଗୁଁ ତାଲାବନ୍ଦ କଟକଣା ଲାଗିବା ପରେ ବଦଳି ଯାଇଥିଲା ସ୍ଥିତି । ବ୍ୟବସାୟ ମାନ୍ଦା ପଡିବାରୁ ଏହି ବୃତିରୁ ପରିବାର ଚଳାଇବା ମୁସ୍କିଲ ହୋଇ ପଡ଼ିଛି । ଏବେ ବାଧ୍ୟ ହୋଇ ଚେନ୍ନାଇ, ବେଙ୍ଗାଲୁରୁକୁ ଅନେକ ପଥର ଶିଳ୍ପୀ ଦାଦନ ଖଟିବାକୁ ଯାଇଥିବା ବେଳେ କିଛି ଏବେ ଗାଈ ଜଗୁଆଳି ।

୧୯୮୫ ମସିହାରୁ ଏହି ଗାଁର ବାସିନ୍ଦା ପଥର ଶିଳ୍ପକୁ ଆଦରି ନେଇଥିଲେ । କାଳକ୍ରମେ ଆଦିବାସୀ ଶିଳ୍ପୀଙ୍କ ହାତକାମ ବେଶ ଆଦୃତ ହୋଇଥିଲା । ଗାଁ ଥିଲା ଚଳଚଂଚଳ, ଏବେ କିନ୍ତୁ ଚାରିଆଡେ ଖାଁ ଖାଁ । ହାତଗଣତି କିଛି ଲୋକ ମୂର୍ତି ଗଢ଼ା କାର୍ଯ୍ୟରେ ଲାଗିଛନ୍ତି । ଅନେକ ପରିବାର ରୋଜଗାରିଆ ପୁଅ ବାହାର ରାଜ୍ୟକୁ ଯାଇଛନ୍ତି, ଘର ଜଗିଛନ୍ତି ବୃଦ୍ଧ ବାପା ମାଆ ।

from Kanak News
via <a href="https://ifttt.com/?

କନକ ବ୍ୟୁରୋ : ପରିିଶ୍ରମ ଓ ଅଧ୍ୟବସାୟ ବଳରେ ଅସାଧ୍ୟକୁ ବି ସାଧ୍ୟ କରିହୁଏ, ଏହି ଉକ୍ତି ସତ କରି ଦେଖାଇଛନ୍ତି କଳାହାଣ୍ଡି ଜିଳ୍ଳା କୋକସରା ବ୍ଳକ ଟେମରା ଗାଁର ମହିଳା ରମା ମାଝୀ । ନିଜର ଉଦ୍ୟମ ଓ ସାଧନା ବଳରେ ହୋଇ ପାରିଛନ୍ତି ଆତ୍ମ ନିର୍ଭରଶୀଳ । ଘର କାମ କରିବା ସହ ସ୍ୱାମୀଙ୍କ ଚାଷ କାମରେ ସହଯୋଗ କରିବା ପରେ ବାକି ସମୟରେ ଛତୁଚାଷ କରି ସଫଳତା ପାଇଛନ୍ତି ରମା ।

ରମା ମାଝୀ, ଶିକ୍ଷାଗତ ଯୋଗ୍ୟତା ଅଷ୍ଟମ ଶ୍ରେଣୀ । ହେଲେ ଆତ୍ମନିର୍ଭରଶୀଳ ହେବା ପାଇଁ ଥିଲା ପ୍ରବଳ ଆଗ୍ରହ । ନିଜ ସ୍ୱପ୍ନକୁ ସାକାର କରିବା ପାଇଁ ୨୦୧୦ ମସିହାରେ ଭୁବନେଶ୍ୱର ଓୟୁଏଟରୁ ୭ ଦିନ ଧରି ଛତୁଚାଷର ପ୍ରଶିକ୍ଷଣ ନେଇଥିଲେ ରମା । ଆଉ ଘରକୁ ଫେରି ଆରମ୍ଭ କରିଥିଲେ ଛତୁଚାଷ । କଠୋର ପରିଶ୍ରମ ଓ ଦୃଢ ଇଚ୍ଛା ଶକ୍ତି ବଳରେ ସଫଳତାର ସହ ଛତୁଚାଷ କରି ସେ ପାଲଟିଛନ୍ତି ଅନ୍ୟମାନଙ୍କ ପାଇଁ ଉଦାହରଣ । ଶିକ୍ଷାଗତ ଯୋଗ୍ୟତା କମ୍, ହେଲେ ନିଜେ କିଛି କରି ଦେଖାଇବା ପାଇଁ ରହିଛି ଦୃଢ ଇଚ୍ଚାଶକ୍ତି । ଛତୁଚାଷ କରି ଏବେ ସେ ବାର୍ଷିକ ୩୫ହଜାରରୁ ଅଧିକ ଟଙ୍କା ରୋଜଗାର କରି ନିଜ ପୁଅ ଝିଅଙ୍କୁ ପାଠ ପଢାଇବା ସହ ନିଜେ ସ୍ୱାବଲମ୍ବୀ ହୋଇପାରିଛନ୍ତି ।

ସ୍ୱାମୀ ହିରାଲାଲ ମାଝୀ ଜଣେ ଚାଷୀ ହୋଇଥିବା ବେଳେ ତାଙ୍କ ଚାଷ କାମରେ ସହଯୋଗ କରି ବାକି ସମୟରେ ଛତୁଚାଷ କରିଥାନ୍ତି ରମା । ଏହି କାମରେ ସ୍ୱାମୀ ମଧ୍ୟ ତାଙ୍କୁ ସହଯୋଗ କରିଥାନ୍ତି । ପ୍ରାୟ ୨ ଡିସ୍ମିଲ ଜମିରେ ଦୀର୍ଘ ୧୦ବର୍ଷ ହେବ ସେ ଛତୁଚାଷ କରି ଆସୁଛନ୍ତି । ସରକାରୀ ସହାୟତା ଅପେକ୍ଷା ନକରି ଚିରାଶାଢୀ ଘେରାଇ ଛତୁ ଚାଷକୁ ସୁରକ୍ଷା ଦେଇଥାନ୍ତି ସ୍ୱାମୀ-ସ୍ତ୍ରୀ । ସରକାରୀ ପ୍ରୋତ୍ସାହନ ମିଳିଲେ ଅଧିକ ଉତ୍ପାଦନ କରିବା ସହ ଅନ୍ୟମାନଙ୍କୁ ସ୍ୱାବଲମ୍ବୀ କରିପାରିବେ ବୋଲି କହିଛନ୍ତି ରମା ।

ପାଲଛତୁ ଓ ଡିଙ୍ଗିରି ଛତୁ ଚାଷ କରି ଆସୁଥିବାବେଳେ ବର୍ତମାନ ଡିଙ୍ଗିରି ଛତୁ ଚାଷ କରିଛନ୍ତି ରମା । ସରକାରୀ ସ୍ତରରେ ଛତୁ ମଞ୍ଜି ମିଳୁ ନ ଥିବାରୁ ଜୟପାଟଣା ବ୍ଲକରୁ ମଞ୍ଜି ଆଣି ଚାଷ କରୁଛନ୍ତି । ଛତୁ ଚାଷରେ ଅଳ୍ପ ପରିଶ୍ରମ ଓ ଅଧିକ ଲାଭ ରହିଛି । ସରକାରୀ ସ୍ତରରେ ମଞ୍ଜି ଯୋଗାଣ ହେଲେ ଛତୁ ଚାଷ ପ୍ରତି ଅନ୍ୟମାନେ ମଧ୍ୟ ଆକୃଷ୍ଟ ହୋଇପାରିବେ । ଏବଂ ମହିଳାମାନେ ଘର କାମ କରିବା ସହ ଏହି ଚାଷ କରି ସ୍ୱାବଲମ୍ବୀ ହୋଇ ପାରବେ ବୋଲି ମତ ଦେଇଛନ୍ତି ରମା ।

from Kanak News
via <a href="https://ifttt.com/?

କନକ ବ୍ୟୁରୋ : ଚାକିରି ଛାଡି ଏକ ନର୍ସରୀ ପ୍ରତିଷ୍ଠା କରି ନିଜେ ଆତ୍ମ ନିର୍ଭରଶିଳ ହେବା ସହିତ ଲକ୍ଷାଧୀକ ଟଙ୍କା ରୋଜଗାର କରୁଛନ୍ତି ଜଣେ ଯୁବ ଇଂଜିନିୟର  । ପ୍ରାୟ ପାଂଚ ହଜାରରୁ ଉର୍ଦ୍ଧ ପ୍ରଜାତିର ଫୁଲ ଫଳ ଗଛ ସହିତ ବିଦେଶରୁ ନୁଆ ନୁଆ ପ୍ରଜାତିର ଗଛ ଆଣି ବିକ୍ରୟ କରିବା ସହିତ ହୋଇ ପାରିଛନ୍ତି ଜଣେ ସଫଳ ବ୍ୟବସାୟୀ  । ନିଜ ନର୍ସର୍ରୀରେ ଗ୍ରାମର କିଛି ଯୁବକଙ୍କୁ ନିଯୁକ୍ତି ଦେବା ସହିତ ଜିଲ୍ଲା ତଥା ଜିଲ୍ଲା ବାହାରୁ ଲୋକ ମାନେ ଆସି ଫୁଲ ଏବଂ ଫଳ ଗଛ ନବୋକୁ ନର୍ସରୀ ଆଗରେ ଜମାଉଛନ୍ତି ଭିଡ  ।

କେନ୍ଦ୍ରାପଡା ଜିଲ୍ଲା ମାର୍ଶାଘାଈ ବ୍ଲକ କୁହୁଡି ପଂଚାୟତ ନେମ୍ବରା ଗ୍ରାମର ଶିବ ନାରାୟଣ ପଢିଆରୀ । ଜଣେ ଇଲୋକ୍ଟ୍ରୋନିକ୍ସ ଇଂଜିନିୟର ଭାବେ ଏକ ଘରୋଇ କମ୍ପାନିରେ ଚାକିର କରୁଥିଲେ  । ହେଲେ ଚାକିରି ଛାଡି ଏକ ନର୍ସର୍ରୀ ପ୍ରତିଷ୍ଠା କରି ଏବେ ସେ ଜଣେ ସଫଳ ବ୍ୟବସାୟୀ ଭାବରେ ନିଜକୁ ପ୍ରତିପାଦିତ କରିପାରିଛନ୍ତି  । ନିଜ ନର୍ସର୍ରୀରେ ବିଭିନ୍ନ ପ୍ରଜାତିର ପ୍ରାୟ ୫୦୦୦ ହଜାରରୁ ଉର୍ଦ୍ଧ ଦେଶି ଏବଂ ବିଦେଶି ଫୁଲଫଳ ଗଛ ସହିତ ବିଭିନ୍ନ  ପ୍ରକାରର କାକ୍ଟସ୍ ଏବଂ ବନ୍ସାଇ ଗଛ ଏବଂ ଚାରା ଉତ୍ପାଦନ କରି ବିକ୍ରୟ କରୁଛନ୍ତି ଆଉ ଏଥିରୁ ବାର୍ଷିକ ଲକ୍ଷାଧୀକ ଟଙ୍କା ରୋଜଗାର ବି କରୁଛନ୍ତି ।

ଡାଲିଆ, ଜିନିଆ, ଗେଣ୍ଡୁ, ଲିଲି ଏବଂ ସେବତୀ ସହିତ ଅନେକ ବିଦେଶରୁ ଆମଦାନି ହୋଇଥିବା ଟ୍ରିଟୋନିଆ, ସାଇକ୍ଲାମିଙ୍ଗ ପ୍ରେଶିଲା ଇତ୍ୟାଦି ଫୁଲ ଚାରା ଏବଂ ଗଛ ନର୍ସର୍ରୀରେ ବିକ୍ରୟ କରୁଛନ୍ତି  । ଏହାସହିତ ଆମ୍ବ, ଅମୃତଭଣ୍ଡା, ପିଜୁଳି, ପଣଷ, ନଡିଆ ଏବଂ କଦଳୀ ପରି ଫଳ ଗଛ ମଧ୍ୟ ଭଲ ସୁଲଭ ଦରରେ ଗ୍ରାହକମାନଙ୍କୁ ଯୋଗାଇ ଦେଉଛନ୍ତି  । ବିଭିନ୍ନ ପ୍ରଜାତିର କାକ୍ଟସ୍ ଏବଂ ବୋନ୍ସାଇ ଗଛ ମଧ୍ୟ ନିଜେ ପ୍ରସ୍ୁତ କରି ବିକ୍ରୟ କରିବା ସହିତ ଭଲ ଦୁଇ ପଇସା ରୋଜଗାର କରିପାରୁଛନ୍ତି  । ଗ୍ରାମର କିଛି ଯୁବକଙ୍କୁ ନିଜ ନର୍ସର୍ରୀରେ ନିଯୁକ୍ତି ଦେବା ସହିତ ଶିବ ନାରାୟଣ ନିଜକୁ ଜଣେ ସଫଳ ବୟବସାୟୀ ଭାବରେ ନିଜକୁ ପ୍ରତିଷ୍ଠିତ କରିପାରିଛନ୍ତି  ।

ଶିବ ନାରାୟଣ  ଇଂଜିନିୟର ଭାବରେ ଏକ ଘରୋଇ କମ୍ପାନୀରେ କାର୍ଯ୍ୟ କରୁଥିଲେ ମଧ୍ୟ ପିଲାଟି ଦିନରୁ ଫୁଲ ଏବଂ ଫୁଲ ଗଛ ପ୍ରତି ତାଙ୍କର ଥିଲା ବେଶ୍ ଦୁର୍ବଳତା  । ପ୍ରଥମେ ସେ ସଉକରେ ଫୁଲ ଏବଂ ବିଭିନ୍ନ ଫଳ ଗଛ ଲଗାଉଥିବା ବେଳେ ତାଙ୍କ ବଗିଚାକୁ ବୁଲିବାକୁ ଆସୁଥିବା ସ୍ଥାନିୟ ଲୋକମାନେ ତାଙ୍କ ନିକଟରୁ ବିଭିନ୍ନ ଚାରା ଏବଂ ଗଛ କିଣି ବାକୁ ଆରମ୍ଭ କରିଥିଲେ  ।

ଫୁଲ ଏବଂ ଫଳ ଚାରା ବିକ୍ରୟ ହେଉଥିବା ଦେଖି ସେ ଏକ ନର୍ସର୍ରୀ ପ୍ରତିଷ୍ଠା କରିବା ପାଇଁ ମନସ୍ଥ କରି ଏବେ ପାଇଛନ୍ତି ସଫଳତା  । ଦିନକୁ ସେ ୩ ହଜାରରୁ ୪ ହଜାର ଟଙ୍କା ପର୍ଯ୍ୟନ୍ତ ଗଛ ଏବଂ ଚାରା ବିକ୍ରୟ କରି ରୋଜଗାର କରୁଛନ୍ତି  । ପ୍ରତିଦିନ ନିଜ ଜିଲ୍ଲା ସହିତ କଟକ, ଭଦ୍ରକ, ଜଗତସିଂହପୁର ପରି ଅନ୍ୟ ଜିଲ୍ଲାରୁ ଲୋକମାନେ ଶିବ ନାରାୟଣଙ୍କ ନର୍ସର୍ରୀରୁ ଫୁଲ ଏବଂ ଫଳ ଗଛ ନେବା ପାଇଁ ଭିଡ ଜମାଉଛନ୍ତି  ।

ଶିବ ନାରାୟଣ ପ୍ରତିଷ୍ଠା କରିଥିବା ନର୍ସରୀରୁ ଭଲ ଦୁଇ ପଇସା ରୋଜଗାର କରି ନିଜେ ଆତ୍ମ ନିର୍ଭରଶୀଳ ହେବାସହିତ ଅନ୍ୟ ମାନଙ୍କ ପାଇଁ ସାଜିଛନ୍ତି ଉଦାହରଣ ଯାହା ସ୍ଥାନିୟ ଅଂଚଳରେ ଚର୍ଚ୍ଚାର ବିଷୟ ପାଲଟିଛି  ।

from Kanak News
via <a href="https://ifttt.com/?

କନକ ବ୍ୟୁରୋ: ଆତଙ୍କବାଦୀଙ୍କ ସହ ପାକିସ୍ତାନର ବରିଷ୍ଠ ନେତାଙ୍କ ପ୍ରତ୍ୟକ୍ଷ ସମ୍ପର୍କ ରହିଥାଏ । କେବଳ ଏତିକି ନୁହେଁ, ଏହି ନେତାମାନେ ଆତଙ୍କବାଦୀଙ୍କଠାରୁ ଟଙ୍କା ପାଆନ୍ତି, ଯାହା ଭାରତର କାଶ୍ମୀରରେ ଜିହାଦ୍ ପାଇଁ ବ୍ୟବହୃତ ହୁଏ | ସଂଯୁକ୍ତ ରାଷ୍ଟ୍ରରେ ପାକିସ୍ତାନର ରାଷ୍ଟ୍ରଦୂତ ରହିଥିବା ଆବିଦା ହୁସେନ୍ ଏକଥା କହିବା ପରେ ପାକିସ୍ତାନ ରାଜନୀତିରେ ହଇଚଇ ଖେଳିଯାଇଛି | ଆବିଦା କହିଛନ୍ତି ଯେ ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫଙ୍କୁ ଅଲ କାଏଦା ଆତଙ୍କବାଦୀ ଓସାମା ବିନ୍ ଲାଡେନ ଆର୍ଥିକ ସହାୟତା କରିଥିଲେ। ପାକିସ୍ତାନର ନୱାଜ ସରିଫ ସରକାରରେ କ୍ୟାବିନେଟ ମନ୍ତ୍ରୀ ଥିବା ଆବିଦା ହୁସେନ୍ ଏହି ସମ୍ବେଦନଶୀଳ ତଥ୍ୟକୁ ପ୍ରକାଶ କରି କହିଛନ୍ତି ଯେ, ନୱାଜ ସରିଫ ଓସାମା ବିନ୍ ଲାଡେନଠାରୁ ଆର୍ଥିକ ସହାୟତା ନେଇଥିଲେ ।

ନୱାଜ ସରିଫ ତିନିଥର ପାକିସ୍ତାନର ପ୍ରଧାନମନ୍ତ୍ରୀ ହୋଇଛନ୍ତି ଆଉ ଆତଙ୍କବାଦୀଙ୍କଠାରୁ ଆର୍ଥିକ ସହାୟତା ନେଉଥିବାର ପୂର୍ବରୁ ଅଭିଯୋଗ ହୋଇଆସୁଥିଲା | ଏହି ପାଣ୍ଠିକୁ କାଶ୍ମୀରରେ ଜିହାଦ୍ ନାମରେ ଆତଙ୍କ ବିସ୍ତାର କରିବାରେ ଖର୍ଚ୍ଚ କରାଯାଉଥିଲା । ଉଲ୍ଲେଖ ଥାଉ କି ୨୦୧୧ ରେ, ପାକିସ୍ତାନର ଆବଟ୍ଟାବାଦରେ ଏକ ସ୍ୱତନ୍ତ୍ର ଅପରେସନରେ ଆମେରିକା ଓସାମା ବିନ୍ ଲାଡେନକୁ ହତ୍ୟା କରିଥିଲା। ସେତେବେଳକୁ ପାକିସ୍ତାନ ଲାଡେନ ତାଙ୍କ ଦେଶରେ ଅଛି ବୋଲି ଅସ୍ୱୀକାର କରିଆସୁଥିଲା। ୨୦୧୬ ରେ ମଧ୍ୟ ଏକ ପୁସ୍ତକରେ ନୱାଜ ସରିଫ, ଅଲକାଏଦା ଠାରୁ ଟଙ୍କା ନେଇଥିବା ବାବଦରେ କୁହାଯାଇଥିଲା |

from Kanak News
via <a href="https://ifttt.com/?

କନକ ବ୍ୟୁରୋ: ଚୀନ ଓ ପାକିସ୍ତାନ ପଟୁ ବିପଦ ବଢୁଥିବାରୁ  ନିଜର ଲଢୁଆ ବିମାନ ଅଭାବ ପୂରଣ କରିବାକୁ ଭାରତୀୟ ବାୟୁସେନା ଅଣ୍ଟାଭିଡ଼ିଛି । ପ୍ରାୟ ୧ ଲକ୍ଷ ୩୦ ହଜାର କୋଟିର ୧୧୪ଟି ଲଢୁଆ ବିମାନ କିଣିବାକୁ ବାୟୁସେନା ନିଷ୍ପତ୍ତି ଗ୍ରହଣ କରିଛି ଓ ଏଥିପାଇଁ ଖୁବଶୀଘ୍ର ଟେଣ୍ଡର ଡକାଯିବ । ଏହି ଲଢୁଆ ବିମାନ ଖରିଦ ପାଇଁ ବାୟୁସେନା ପକ୍ଷରୁ ପ୍ରତିରକ୍ଷା ମନ୍ତ୍ରାଳୟର ଅନୁମତି ଲୋଡ଼ାଯିବ । ଆତ୍ମନିର୍ଭର ଭାରତ ଅଭିଯାନ ଅଧିନରେ ଏସବୁ ବିମାନଗୁଡ଼ିକୁ ଭାରତରେ ନିର୍ମାଣ କରାଯିବ । ଏହା ସହିତ ଟେଣ୍ଡର ଜିତିଥିବା ବିଦେଶୀ କମ୍ପାନି ବିମାନର ଟେକ୍ନୋଲୋଜୀ ହସ୍ତାନ୍ତର ମଧ୍ୟ କରିବ ।

ଭାରତୀୟ ବାୟୁସେନାର ମୋଟ ସ୍କ୍ଵାର୍ଡନ କ୍ଷମତା ହେଉଛି ୪୨ । ବାୟୁସେନା ପାଖରେ ଏବେ ୩୩ଟି ସ୍କ୍ଵାର୍ଡନ ଲଢୁଆ ବିମାନ ରହିଛି । ଗୋଟିଏ ସ୍କ୍ଵାର୍ଡନରେ ୧୬ରୁ ୧୮ଟି ଲଢୁଆ ବିମାନ ରହିଥାଏ । ଲଢୁଆ ବିମାନ ଅଭାବ ପୂରଣ କରିବାକୁ ସରକାର  ଫ୍ରାନ୍ସରୁ ୩୬ଟି ( ୨ ସ୍କ୍ଵାର୍ଡନ) ରାଫେଲ ବିମାନ ଖରିଦ କରିବାକୁ ଚୁକ୍ତି କରିଛନ୍ତି ।  ଏହି ବିମାନଗୁଡ଼ିକ ଆସିବା ପରେ ମଧ୍ୟ ଆହୁରି ୭ଟି ସ୍କ୍ଵାର୍ଡନ ଲଢୁଆ ବିମାନ ଅଭାବ ରହିବ । ଏଣୁ ସରକାର ଅଧିକରୁ ଅଧିକ ଲଢୁଆ ବିମାନ କିଣି ଅଭାବ ପୂରଣ କରିବାକୁ ଯୋଜନା କରୁଛନ୍ତି ।

from Kanak News
via <a href="https://ifttt.com/?