କନକ ବ୍ୟୁରୋ: ସର୍ବନିମ୍ନ ଆବଶ୍ୟକତା ପୂରଣ କ୍ଷେତ୍ରରେ ପଛରେ ପଡ଼ିଛନ୍ତି ଓଡ଼ିଶା, ଝାଡ଼ଖଣ୍ଡ, ପଶ୍ଚିମବଙ୍ଗ ଓ ତ୍ରିପୁରା ଆଦି ରାଜ୍ୟ । ୨୦୧୨ରେ ୧୧ଟି ରାଜ୍ୟର ସ୍ଥିତି ଭଲ ନଥିଲା, ତେବେ ୨୦୧୮ରେ ଏଥିରୁ ୬ଟି ରାଜ୍ୟରେ ଆଖିଦୃଶିଆ ଉନ୍ନତି ଘଟିଛି । ଶୂନ ଦଶମିକ ୫ରୁ କମ୍ ସ୍କୋର କରି ଓଡ଼ିଶା ସମେତ ୫ଟି ରାଜ୍ୟ ପଛରେ ପଡିଛନ୍ତି ।

ଜାତୀୟ ପରିସଂଖ୍ୟନ ସଂସ୍ଥାର ତଥ୍ୟକୁ ନେଇ ସର୍ବନିମ୍ନ ଆବଶ୍ୟକତା ସୂଚୀ ପ୍ରକାଶ କରାଯାଏ । ପିଇବା ପାଣି, ପରିମଳ, ସ୍ୱଚ୍ଛତା, ବିଦ୍ୟୁତ ବ୍ୟବହାର, ଘରେ ଥିବା ମୌଳିକ ସୁବିଧା ସୁଯୋଗକୁ ନେଇ ଏହି ରିପୋର୍ଟ ପ୍ରକାଶ ପାଇଥାଏ । ଏଥିରେ ପଛରେ ପଡ଼ିବା ଅର୍ଥ ହେଉଛି ଜୀବନର ମୌଳିକ ମାନଦଣ୍ଡରେ ପଛରେ ପଡ଼ିବା ।

ପିଇବା ପାଣି, ପରିମଳ, ଘର, ପରିବେଶ ଓ ମିଳୁଥିବା ଅନ୍ୟ ସୁବିଧା ସୁଯୋଗର ୨୬ଟି ସୂଚକକୁ ନେଇ ସର୍ବନିମ୍ନ ଆବଶ୍ୟକତା ସୂଚୀ ବାହାର କରାଯାଏ । ଏହା ସୂଚାଇ ଥାଏ ଲୋକମାନେ କିପରି ଜୀବନ ନିର୍ବାହ କରୁଛନ୍ତି । ଅର୍ଥାତ କେଉଁ ପ୍ରକାର ଘରେ ଲୋକ ରହୁଛନ୍ତି, ପରିବେଶ ପରିମଳ କିପରି ରହିଛି, ପାଇଖାନା ଗୃହ, ଗାଧୁଆ ଘର କେତେ ଲୋକ ବ୍ୟବହାର କରୁଛନ୍ତି, ପିଇବା ପାଇଁ ବିଶୁଦ୍ଧ ପାନୀୟ ଜଳ କେତେ ଜଣକୁ ମିଳୁଛି, ବିଦ୍ୟୁତ ଓ ରନ୍ଧନ ଗ୍ୟାସ ବ୍ୟବହାରକୁ ନେଇ ପ୍ରକାଶ ପାଇଥାଏ ସର୍ବନିମ୍ନ ଆବଶ୍ୟକତା ସୂଚୀ ।

୨୦୧୮ରେ ଗ୍ରାମାଂଚଳରେ ଲୋକଙ୍କ ସର୍ବନିମ୍ନ ଆବଶ୍ୟକତା ମେଂଟାଇବାରେ ଆଗୁଆ ରହିଛନ୍ତି – ପଂଜାବ, କେରଳ, ସିକିମ୍, ଗୋଆ ଓ ଦିଲ୍ଲୀ । ପାନୀୟ ଜଳ, ଘର, ବିଜୁଳି, ସୁରକ୍ଷିତ ରନ୍ଧନ ଇନ୍ଧନ ଭଳି ଜରୁରୀ ଆବଶ୍ୟକତା ପୂରଣ କରିବାରେ ସମଗ୍ର ଦେଶରେ ପଛୁଆ ରହିଛନ୍ତି ଓଡ଼ିଶା, ପଶ୍ଚିମବଙ୍ଗ, ଝାଡ଼ଖଣ୍ଡ ଓ ତ୍ରିପୁରା । ସେହିପରି ଶୁଦ୍ଧ ପିଇବା ପାଣି ଉପଲବ୍ଧ କରାଇବାରେ ଓଡ଼ିଶା ସମେତ ଝାଡ଼ଖଣ୍ଡ ଓ କେରଳ ନିମ୍ନ ସ୍ଥାନରେ ରହିଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ: ବୋର୍ଡ ଅଫ୍ କଣ୍ଟ୍ରୋଲ୍ ଫର କ୍ରିକେଟ୍ ଇନ୍ ଇଣ୍ଡିଆ(ବିସିସିଆଇ)ର ସଂପାଦକ ଜୟ ଶାହା ଏସିଆନ୍ କ୍ରିକେଟ୍ କାଉନସିଲର ସଭାପତି ଭାବରେ ଦାୟିତ୍ବ ଗ୍ରହଣ କରିଛନ୍ତି । ସେ ନାଜମୁଲ ହାସନ ପାପନଙ୍କ ସ୍ଥାନରେ ଅବସ୍ଥାପିତ ହୋଇଛନ୍ତି । ବିସିସିଆଇର କୋଷାଧ୍ୟକ୍ଷ ଅରୁଣ ଧୁମଲ “ଏସିଆନ୍ କ୍ରିକେଟ୍ କାଉନସିଲର ସଭାପତି ଭାବରେ ଦାୟିତ୍ୱ ଗ୍ରହଣ କରିଥିବାରୁ ଟୁଇଟର ଜରିଆରେ ଜୟ ଶାହାଙ୍କୁ ଅଭିନନ୍ଦନ ଜଣାଇଛନ୍ତି।

ସୂଚନାଯୋଗ୍ୟ, ପ୍ରତି ଦୁଇ ବର୍ଷରେ ଏସିଆନ୍ କ୍ରିକେଟ୍ କାଉନସିଲର ସମସ୍ତ ସଦସ୍ୟଙ୍କ ମଧ୍ୟରୁ ଏହି ପଦବୀ ଲାଗି ଜଣଙ୍କୁ ମନୋନୀତ କରାଯାଏ । ଏହା ହେଉଛି ଏସିଆର ଆଞ୍ଚଳିକ ପ୍ରଶାସନିକ ସଂସ୍ଥା ଏବଂ ବର୍ତ୍ତମାନ ୨୪ ସଦସ୍ୟଙ୍କୁ ନେଇ ଗଠିତ । ଚଳିତ ବର୍ଷ ଅନୁଷ୍ଠିତ ହେବାକୁ ଯାଉଥିବା ଏସିଆ କପର ଆୟୋଜନ ଜୟ ଶାହାଙ୍କ ପାଇଁ ସବୁଠାରୁ ବଡ ଆହ୍ବାନ ହେବ ବୋଲି କୁହାଯାଉଛି।

from Kanak News
via <a href="https://ifttt.com/?

କନକ ବ୍ୟୁରୋ: ଆପଣ ଠାକୁର ଘରେ ସୁବାଷ ଘିଅରେ ଦୀପ ଜାଳୁଛନ୍ତି କି, ସତର୍କ ରୁହନ୍ତୁ । ସେ ଘିଅ ନକଲି । କାରଣ ନକଲି ଘିଅ କାରବାର ଅଭିଯୋଗରେ ସୁବାଷ ଘିଅର ମାଲିକ, ସୁବାଷ ମଲିକଙ୍କୁ ଗିରଫ କରିଛି ଜଗତପୁର ପୁଲିସ । ଅନ୍ୟମାନେ ଲୁଚା ଛପାରେ ନକଲି କାରବାର ଚଳାଉଥିବା ବେଳେ ସୁବାଷ ଘିଅ ଏକ ଲୋକାଲ ବ୍ରାଣ୍ଡ ପାଲଟିଯାଇଥିଲା । ଗ୍ରାହକଙ୍କ ବିଶା୍ୱସ ଜିତିବା ପାଇଁ ପ୍ରତିଷ୍ଠିତ କଳାକାରଙ୍କୁ ନେଇ ଟିଭିରେ ବିଜ୍ଞାପନ ପ୍ରସାରଣ କରୁଥିଲା । ଲୋକେ ବି ସୁବାଷ ଘିଅକୁ ଅସଲି ମନେ କରି କିଣି ନେଉଥିଲେ । ହେଲେ ଲୋକଙ୍କ ବିଶ୍ୱାସରେ ବିଷ ଦେଇ ଅସଲି ବ୍ରାଣ୍ଡରେ ନକଲି କାରବାର କରୁଥିଲା ଏହି ସଂସ୍ଥା ।

ଡବା ଅସଲି, ଘିଅ ନକଲି 

ନକଲି ଗହଳିରେ ଅଚିହ୍ନା ଅସଲି 

ଅସଲି ବଜାରରେ ନକଲି ଜାଲ । ନକଲି ହଳଦୀ ଗୁଣ୍ଡ, ନକଲି ଲଙ୍କା ଗୁଣ୍ଡ, ନକଲି ସସ୍, ନକଲି ସିମେଂଟ ଆଉ ନକଲି ଘିଅ । ବଜାରରେ ଏମିତି କେତେ କଣ ନକଲି ସାମଗ୍ରୀ ବିକ୍ରି ହେଉଛି ଯେ, କିଏ ଅସଲି କିଏ ନକଲି ଜାଣିବା ମୁସ୍କୁଲ ହୋଇପଡିଛି । କଟକରେ ନକଲି ସାମଗ୍ରୀ ଉପରେ କଡା ନଜର ରଖିଥିବା ପୁଲିସ ମର୍କତନଗର ଅଂଚଳରେ ଏକ ନକଲି ଘିଅ କାରଖାନା ଠାବ କରି ୨୭ଟି ନକଲି ଘିଅ ଟିଣ ଜବତ କରିଛି ।

ଗତ କିଛି ମାସ ଧରି କେବଳ କଟକ ନୁହେଁ ଭୁବନେଶ୍ୱର ସମେତ ବହ୍ମପୁର ଓ ଅନୁଗୁଳରେ ମଧ୍ୟ ନକଲି ସାମଗ୍ରୀ ପ୍ରସ୍ତୁତ କାରଖାନା ସାମ୍ନାକୁ ଆସିଛି । ଅନୁଗୁଳ ପୁଲିସର ସ୍ପେଶାଲ ସ୍କ୍ୱାର୍ଡ ଓ ଜନସ୍ୱାସ୍ଥ୍ୟ ବିଭାଗ ଚଢ଼ାଉ ବେଳେ ସଦର ମହକୁମାରେ ନକଲି ପାମୋଲିନ ତେଲ କାରଖାନା ଠାବ ହୋଇଛି । ଆଉ ଜଣାପଡିଛି ଏଠାରେ ମଧ୍ୟ ନକଲି କାରବାର ପାଇଁ କୋଲକାତାରୁ ଆସୁଥିଲା ଅପମିଶ୍ରିତ ତେଲ ।

from Kanak News
via <a href="https://ifttt.com/?

କନକ ବ୍ୟୁରୋ: ୨୬ ତାରିଖ, ଝାଡ଼େଶ୍ୱର ବସରେ ଜୟଦେବ ବିହାରରୁ ଚଢ଼ିବା ପରେ ବାଣୀବିହାରରେ ଓହ୍ଲାଇଯାଇଥିଲା ଝରାଫୁଲ । ବାଣୀବିହାରେ ଓହ୍ଲାଇବା ପରେ ମୋତେ ଫୋନ୍ କରିଥିଲା । ମୁଁ ଅପେକ୍ଷା କରିବା ପାଇଁ କହିବା ଭିତରେ ବାଣୀବିହାରରୁ ରୁପାଲି ଛକ ଯାଏଁ ଆସିଯାଇଥିଲା । ମୁଁ ଝରାଫୁଲ ପାଖରେ ପହଂଚିବା ପରେ ଦେହଭଲ ଲାଗୁ ନାହିଁ ବୋଲି କହିଥିଲା । କିଛି ସମୟ ଧରି ବୁଲାବୁଲି କରିବା ପରେ ଆମେ ଯାଇ ଫାଷ୍ଟଫୁଡ୍ ଖାଇଥିଲୁ । ଦେହଭଲ ଲାଗୁନଥିବାରୁ ପ୍ରଥମେ ସେ ଫାଷ୍ଟଫୁଡ୍ ଖାଇବାକୁ ମନା କରିଥିଲା । ବୁଲାବୁଲି କରିବା ପରେ ଝରାଫୁଲ କହିଥିଲା, ମୁଁ ଆଜି ଆଉ ଘରକୁ ଫେରିବିନି । ପରେ ଗେଷ୍ଟହାଉସ୍ ବୁକ୍ କରି ଯାଇଥିଲୁ । ଗେଷ୍ଟହାଉସରେ ୨ଟା ଯାଏଁ ଗପସପ କରିଥିଲୁ । ଆଉ ତା ପରେ ଆମେ ଶୋଇଯାଇଥିଲୁ । ସକାଳୁ ଉଠି ଦେଖିଲା ବେଳକୁ ଝରାଫୁଲ ପାଟିରୁ ଫେଣ ବାହାରୁଥିଲା । ଅଚେତ ଥିବା ଦେଖି ମୁଁ ସକାଳେ ମୋର ସାଙ୍ଗକୁ ଫୋନ୍ କରିଥିଲି । ସାଙ୍ଗ ଆସିବା ପରେ ଆମେ ଏସସିବି ନେଇଯିବାକୁ ଚିନ୍ତା କରି ସ୍କୁଟିରେ ନେଇଯାଇଥିଲୁ । ହେଲେ, ଏସସିବି ନେବା ବଦଳରେ ଆନନ୍ଦପୁରରେ ଥିବା ଝରାଫୁଲର ସମ୍ପର୍କୀୟ ଘରକୁ ନେବା ପାଇଁ ଆଗକୁ ବଢ଼ିଥିଲୁ । ହେଲେ, ଯିବା ରାସ୍ତାରେ ଝରାଫୁଲର ଗୋଡ଼ ବାରମ୍ବାର ସ୍କୁଟି ତଳକୁ ଲାଗିଯାଉଥିଲା । ରାସ୍ତାରେ ଯାଉଥିବା କାର, ତଥା ଅନ୍ୟଗାଡ଼ି ସବୁ ଆମକୁ ବାରମ୍ବାର କହୁଥିଲେ । ଝିଅର କ’ଣ ହୋଇଛି । ଆମେ ଡରି ଯାଇଥିଲୁ । ଆଉ ଶେଷରେ କୁଆଖିଆ ନିକଟରେ ଝରାଫୁଲକୁ ରାସ୍ତାକଡ଼ରେ ଫୋପାଡି ଦେଇଥିଲୁ । ପୋଲିସ ଆଗରେ ଏପରି କିଛି କଥା କହିଛି ରମାଦେବୀ ଛାତ୍ରୀ ଝରାଫୁଲ ମୃତ୍ୟୁ ମାମଲାରେ ଗିରଫ ହୋଇଥିବା ରାକେଶ ।

ରମାଦେବୀ ଛାତ୍ରୀ ଝରାଫୁଲଙ୍କ ମୃତ୍ୟୁକୁ ନେଇ ରହସ୍ୟ ବଢ଼ିବାରେ ଲାଗିଛି । କେମିତି ଓ କେଉଁ ପରିସ୍ଥିତିରେ ତାଙ୍କ ମୃତ୍ୟୁ ହେଲା ତାକୁ ନେଇ ଯେତିକି ସନ୍ଦେହ ରହିଛି, ତାଠୁ ଅଧିକ ମୃତ୍ୟୁ ପଛର କାରଣ ତାଠୁ ଅଧିକ ସନ୍ଦିହାନ କରିଦେଉଛି । ଏହା ଏକ ସୁଚିନ୍ତିତ ହତ୍ୟା ନା’ ମୃତ୍ୟୁ ପଛରେ ଆଉ କଣ କାରଣ ରହିଛି, ତାହା ଏବେ ସୁଦ୍ଧା ସ୍ପଷ୍ଟ ହୋଇପାରିନାହିଁ ।

ଝରାଫୁଲର କାହାଣୀ ପୁଲିସକୁ ବି ଦ୍ୱନ୍ଦରେ ପକାଇ ଦେଇଛି । କାରଣ, ଗେଷ୍ଟହାଉସରେ ତାଙ୍କ ସହ କେହି ନଥିଲେ । କ’ଣ ଘଟିଥିଲା, ତାହା କେବଳ ଅଭିଯୁକ୍ତ ରାକେଶ ସ୍ୱାଇଁ ହିଁ ଦେଖିଛି । ବଡ଼ କଥା ହେଉଛି, ଝରାଫୁଲ ଦେହରେ କୌଣସି ଆହତରେ ଚିହ୍ନ ନାହିଁ । ଆଉ ଏହାରି ଭିତରେ ମୃତ୍ୟୁ ପଛରେ ଗୁମର ଖୋଲିବା ପାଇଁ ପୋଷ୍ଟମର୍ଟମ ରିପୋର୍ଟ ଓ ଭିସେରା ରିପୋର୍ଟ ମୃତ୍ୟୁ ପଛର ପ୍ରକୃତ କାରଣ ସାମ୍ନାକୁ ଆଣିବ ବୋଲି ଆଶା କରାଯାଉଛି ।

ବଡ଼ କଥା ହେଉଛି, ଅଭିଯୁକ୍ତ ଯାହା ବୟାନ ଦେଇଛି, ଉଣାଅଧିକେ ତାହା ସତ ପ୍ରମାଣିତ ହେଉଛି । ପୋଷ୍ଟମର୍ଟମ୍ ରିପୋର୍ଟ ଓ ଭିସେରା ରିପୋର୍ଟକୁ ଅପେକ୍ଷା କରାଯାଇଥିବା ବେଳେ କୁଆଖିଆ ପୁଲିସ ଓ ସାଇନଟିଫିକ୍ ଟିମ୍ ଘଟଣାର ଅଧିକ ତଦନ୍ତ କରୁଛି । ଆଉ ଚୂଡ଼ାନ୍ତ ରିପୋର୍ଟ ଉପରେ ରହିଛି ସମସ୍ତଙ୍କ ନଜର ।
ଏପଟେ ଅଭିଯୁକ୍ତକୁ ରାକେଶ ସ୍ୱାଇଁର ବନ୍ଧୁକୁ ଚିହ୍ନଟ କରିଛି ପୁଲିସ୍ । କୁଆଖିଆ ପୁଲିସ୍ ଓ ସାଇନ୍ଟିଫିକ୍ ଟିମ୍ ଘଟଣା ସ୍ଥଳର ପାରିପାଶ୍ୱିକ ସ୍ଥିତି ଓ ସିସିଟିଭି ଆଧାରରେ ଛାନଭିନ୍ କରୁଛନ୍ତି । ଏହାରି ଭିତରେ ଯାଜପୁର ଉପ-କାରକାରରେ ଥିବା ରାକେଶକୁ ୫ ଦିନିଆ ରିମାଣ୍ଡରେ ନେବା ପାଇଁ ଆବେଦନ ହୋଇଛି । ଆସନ୍ତା ୧ ତାରିଖରେ ଏହାର ଶୁଣାଣି ହେବ ।

from Kanak News
via <a href="https://ifttt.com/?

କନକ ବ୍ୟୁରୋ : ଭାରତକୁ ଆସିପାରନ୍ତି ବିଶ୍ୱର ସବୁଠୁ ଦୁର୍ଦ୍ଦଷ ଗୁଇନ୍ଦା ଏଜେନ୍ସି ମୋସାଦ । ଯିଏ ଶତ୍ରୁଙ୍କୁ ଖୋଜିବା ସହ ହତ୍ୟା କରିବାକୁ ପଛାଇ ନଥାଏ । ଇସ୍ରାଏଲ ଦୂତାବାସ ବାହାରେ ଗତକାଲି ହୋଇଥିବା ବୋମା ବିସ୍ଫୋରଣ ଘଟଣାରେ ଏହାକୁ ଗୁରୁତ୍ୱର ସହ ନେଇଛି ଇସ୍ରାଏଲ । କୁହାଯାଉଛି ଯେ ଏହି ଘଟଣାର ତଦନ୍ତ କରିବାକୁ ଭାରତ ଆସିବାକୁ ପ୍ରସ୍ତୁତ ହେଉଛି ବିଶ୍ୱର ସବୁଠାରୁ ଦୁର୍ଦ୍ଧଷ ଗୁଇନ୍ଦା ଏଜେନ୍ସି ମୋସାଦ । ଏହି ଘଟଣାରେ ଏବେ ଭାରତ ପକ୍ଷରୁ ଯାଞ୍ଚ କରାଯାଉଥିଲେ ମଧ୍ୟ ମୋସାଦ ନଜରରେ ମଧ୍ୟ ଏହି ଘଟଣା ଥିବା କୁହାଯାଉଛି । ଯେଉଁ ଦେଶରେ କୌଣସି ଇସ୍ରାଏଲ ନାଗରିକଙ୍କ ଉପରେ ଆକ୍ରମଣ ହୋଇଥାଏ ଏହି ଏଜେନ୍ସି ଗୁପ୍ତ ଭାବରେ ସେଠାରେ ପହଂଚି ତଦନ୍ତ କରିଥାଏ ମୋସାଦ । ଇସ୍ରାଏଲ ନାଗରିକଙ୍କ ସୁରକ୍ଷାକୁ ପ୍ରାଥମିକତା ଦେଉଥିବା ଏହି ଏଜେନ୍ସିର ଚର୍ଚ୍ଚିତ ଇତିହାସ ପୂରା ବିଶ୍ୱକୁ ଜଣା ।

ମୋସାଦ ବିଶ୍ୱର ସବୁଠାରୁ ଘାତକ ଗୁଇନ୍ଦା ଏଜେନ୍ସି ଭାବେ ବେଶ ପରିଚିତ । ଶତ୍ରୁଙ୍କୁ ନାଶ କରିବାରେ ବେଶ ପାରଙ୍ଗମ ଏହି ଗୁଇନ୍ଦା ସଂସ୍ଥାର ଅଧିକାରୀ ।   ୧୯୭୨ ମସିହାରେ ମ୍ୟୁନିଖ ଅଲମ୍ପିକରେ ଯେତେବେଳେ ଇସ୍ରାଏଲର ୧୧ ଜଣ ଖେଳାଳିଙ୍କୁ ଆତଙ୍କବାଦୀମାନେ ହତ୍ୟା କରିଥିଲେ , ସେତେବେଳେ ମୋସାଦ ଦୀର୍ଘ ୨୦ ବର୍ଷ ଧରି ଗୁପ୍ତ ଅପରେସନ କରି ଆତଙ୍କବାଦୀଙ୍କୁ ଖୋଜି ଖୋଜି ମାରିଥିଲା । ଯେଉଁ ଅପରେସନର ନାମ ‘ରେଥ ଅଫ ଗଡ଼’ ରଖାଯାଇଥିଲା । ଏହି ଅପରେସନରେ ମୋସାଦର ଏଜେଣ୍ଟମାନେ ସାରା ବିଶ୍ୱର କୋଣ ଅନୁକୋଣରେ ବୁଲି ବୁଲି ଆତଙ୍କବାଦୀଙ୍କୁ ଖୋଜି ବାହାର କରିବା ସହ ମାରିଥିଲେ । କୁହାଯାଏ ମୋସାଦ ନଜରରେ ଥରେ ଆସିଗଲେ, ଆଉ ବଞ୍ଚିବା ସହଜ ନୁହେଁ ।

ମୋସାଦର ପ୍ରକୃତ ନାମ ହେଉଛି ଇନଷ୍ଟିଚ୍ୟୁଟ ଫର ଇଣ୍ଟେଲିଜେନ୍ସ ଆଣ୍ଡ ସ୍ପେଶାଲ ଅପରେସନ । ଏହା ଇସ୍ରାଏଲର ନ୍ୟାସନାଲ ଇଣ୍ଟେଲିଜେନ୍ସ ଏଜେନ୍ସି ହୋଇଥିବାବେଳେ ୧୯୪୯ ମସିହାରେ ଏହାର ପ୍ରତିଷ୍ଠା କରାଯାଇଥିଲା । ଆଉ ପୂରା ବିଶ୍ୱ ମୋସାଦ ବାବଦରେ ସେତେବେଳେ ଅବଗତ ହେଲା ଯେତେବେଳେ ଏଜେନ୍ସି ପକ୍ଷରୁ ରେଥ୍ ଅଫ୍ ଗଡ ଅପରେସନ କରାଯାଇଥିଲା ।  ‘ରେଥ ଅଫ ଗଡ଼’ ଅପରେସନ ସମୟରେ ମୋସାଦର ଏଜେଣ୍ଟମାନେ ଫୋନ ବମ, ବିଷ ଛୁଞ୍ଚି, କାର ବମ ବ୍ୟବହାର କରି ଆତଙ୍କବାଦୀଙ୍କୁ ହତ୍ୟା କରିଥିଲେ। ୨୦ ବର୍ଷ ଧରି ଚାଲିଥିବା ଏହି ଅପରେସନରେ ୯ ଜଣ ଫିଲିସ୍ତାନ ଆତଙ୍କବାଦୀଙ୍କୁ ହତ୍ୟା କରାଯାଇଥିଲା । ୨୦୧୨ ମସିହାରେ ମଧ୍ୟ ନୂଆଦିଲ୍ଲୀର ଇସ୍ରାଇଲ ଦୂତାବାସ ବାହାରେ ଯେତେବେଳେ କାର ଯୋଗେ ଆକ୍ରମଣ କରାଯାଇଥିଲା, ସେତେବେଳେ ମୋସାଦ ମଧ୍ୟ ନିଜର ଯାଞ୍ଚ କରିଥିଲା । ଆଉ ଏହି ଆକ୍ରମଣ ପଛରେ ଇରାନର ରିଭୋଲ୍ୟୁସନରି ଗାର୍ଡସ କର୍ପସ ର ହାତ ଥିବା ମୋସାଦ ଜାଣିବାକୁ ପାଇଥିଲା ।

from Kanak News
via <a href="https://ifttt.com/?

କନକ ବ୍ୟୁରୋ: ଶରଣକୁଳ ଥାନା ଅନ୍ତର୍ଗତ ଗୋଡିପଡାରେ ଆଜି ଏକ ଅଭାବନୀୟ ଘଟଣା ଘଟିଛି। ଏଠାରେ ଜଣେ ସ୍କୁଲ ଶିକ୍ଷୟିତ୍ରୀଙ୍କ ତଣ୍ଟି କାଟିଦେଇଛି ଜଣେ ଯୁବକ। ଶିକ୍ଷୟିତ୍ରୀଙ୍କ ତଣ୍ଟି କାଟିବା ପରେ ଅଭିଯୁକ୍ତ ଯୁବକ ନିଜର ତଣ୍ଟି କାଟି ଆତ୍ମହତ୍ୟା ଉଦ୍ୟମ କରିଛି। ଉଭୟଙ୍କୁ ନୟାଗଡ଼ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି।

ସୂଚନା ଅନୁସାରେ ଆଜି ଅପରାହ୍ଣ ୪ଟାରେ ଗୋଡ଼ିପଡ଼ାର ସର୍ଦ୍ଦାର ପଟେଲ ବିଦ୍ୟାପୀଠର ଶିକ୍ଷୟିତ୍ରୀ ଲିଲିମା ବେହେରାଙ୍କ ତଣ୍ଟି କାଟି ଦେଇଥିଲା ଜଣେ ଯୁବକ। ଲିଲିମାଙ୍କ ଘର ପୁରୀ ଜିଲ୍ଲାର ଆଳୁପାଟଣା ହୋଇଥିବା ବେଳେ ସେ ନୟାଗଡ଼ରେ ୮ ବର୍ଷ ହେବ ଚାକିରି କରୁଥିଲେ। ଲିଲିମାଙ୍କ ତଣ୍ଟି କାଟିବା ପରେ ଯୁବକ ନିଜ ତଣ୍ଟି ବି କାଟିଛି। ସ୍ଥାନୀୟ ଲୋକେ ଉଭୟଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି।

from Kanak News
via <a href="https://ifttt.com/?

କନକ ବ୍ୟୁରୋ: ମଧ୍ୟପ୍ରଦେଶ ଫେରିଯିବ ବାଘୁଣୀ ସୁନ୍ଦରୀ । ସୁନ୍ଦରୀକୁ ମଧ୍ୟପ୍ରଦେଶ ଫେରାଇ ନେବା ପାଇଁ ମଧ୍ୟପ୍ରଦେଶ ବନ ବିଭାଗ ପକ୍ଷରୁ ପ୍ରକ୍ରିୟା ଆରମ୍ଭ ହୋଇଛି । ଏନେଇ ଓଡ଼ିଶା ପିସିସିଏପ୍ ହରିଶଙ୍କର ଉପାଧ୍ୟାୟ ସୂଚନା ଦେଇଛନ୍ତି ।

ବାଘୁଣୀ ସୁନ୍ଦରୀକୁ ମଧ୍ୟପ୍ରଦେଶ ନିଆଯାଇ ସେଠାରେ କାହ୍ନା ଅଭୟାରଣ୍ୟରେ ରଖାଯିବ । ସେଠାରେ ତାର ଜଙ୍ଗଲୀ ସ୍ୱଭାବକୁ ଫେରାଇ ଆଣିବାକୁ ପ୍ରୟାସ କରାଯିବ ବୋଲି କୁହାଯାଇଛି । ଦୁଇ ବର୍ଷ ତଳେ ସୁନ୍ଦରୀକୁ ସାତକୋଶିଆ ଅଭୟାରଣ୍ୟରେ ଛଡ଼ା ଯାଇଥିଲା । ହେଲେ ସେଠାରେ ତାର ରହିବାକୁ ନେଇ ବିବାଦ ଦେଖା ଦେଇଥିଲା । ଏହାପରେ ମଧ୍ୟପ୍ରଦେଶ ହାଇକୋର୍ଟ ବାଘୁଣୀ ସୁନ୍ଦରୀକୁ କାହ୍ନା ଅଭୟାରଣ୍ୟକୁ ନେବାକୁ ନିର୍ଦ୍ଦେଶ ଦେଇଥିଲେ । ଯାହା ପରେ ଏବେ ସୁନ୍ଦରୀକୁ ଫେରାଇ ନେବାକୁ ପ୍ରକ୍ରିୟା ଆରମ୍ଭ ହୋଇଛି ।

from Kanak News
via <a href="https://ifttt.com/?

କନକ ବ୍ୟୁରୋ : ଚାଷୀଙ୍କୁ କାଳ ହେଲା ଅଦିନିଆ ବର୍ଷା । ଟାର୍ଗେଟ୍ ନଥିବା କହି ମଣ୍ଡିରେ ଧାନ କିଣୁନାହାନ୍ତି ଚାଷୀ । ଏଣେ ରାତି ଅଧରେ ବର୍ଷା ଚାଷୀଙ୍କ ସମସ୍ୟାକୁ ଦ୍ୱିଗୁଣିତ କରିଛି । ଗତକାଲି ବିଳମ୍ବିତ ରାତିରେ ହୋଇଥିବା ବର୍ଷାରେ ଭିଜିଯାଇଛି ମଣ୍ଡିରେ ଥିବା ଧାନ ବସ୍ତା । ସମ୍ବଲପୁର କୁଚିଣ୍ଡା ଓ ଗଜପତିରୁ ଆସିଛି ଓଦା ଧାନ ମଣ୍ଡିର ଦୃଶ୍ୟ ।

ସରିଗଲା ଟାର୍ଗେଟ, ଧାନ କିଣିଲେନି ମିଲର୍ସ । ଧାନ ମଣ୍ଡିରେ ଚାଷୀ ଦୁରାବସ୍ଥାର ଚିତ୍ର ସମସ୍ତଙ୍କୁ ବ୍ୟଥିତ କରିଛି । ସମ୍ବଲପୁର ଜିଲ୍ଲା କୁଚିଣ୍ଡା ଉପଖଣ୍ଡର ବିଭିନ୍ନ ମଣ୍ଡିରେ ହଜାର ହଜାର ଧାନ ବସ୍ତା ପଡିରହିଛି । ବିଭିନ୍ନ ଆଳ ଦେଖାଇ ମିଲର୍ସ ଧାନ କିଣୁନଥିବା ବେଳେ ଶୁକ୍ରବାର ରାତିରେ ହୋଇଥିବା ଅଦିନିଆ ବର୍ଷା ଚାଷୀଙ୍କ ଦୁଃଖକୁ ଦ୍ୱିଗୁଣିତ କରିଦେଇଛି । ଜମନକିରା ବ୍ଲକର ସୁବର୍ଣ୍ଣପାଲି ମଣ୍ଡିରେ ପଡିଥିବା ଧାନ ସବୁ ଓଦା ହୋଇଯାଇଛି । ଚାଷୀ ମଣ୍ଡିରେ ଓଦା ବସ୍ତା ବଦଳାଇବା ସହ ସୁଖିଲା ଓ ସୁରକ୍ଷିତ ସ୍ଥାନରେ ଧାନ ବସ୍ତାକୁ ସାଇତି ରଖୁଛନ୍ତି । ଆଉ ଅପେକ୍ଷା କରିଛନ୍ତି, କେବେ ସରକାର ଟୋକନ ଅବଧି ସହ ଟାର୍ଗେଟ୍ ବଢାଇବେ ଏବଂ ଧାନ ବିକ୍ରି ହେବ, ଚାଷୀ ହାତକୁ ଦୁଇ ପଇସା ଆସିବ ।

ମଣ୍ଡିରେ ଧାନ ବିକ୍ରିକୁ ନେଇ ଅବ୍ୟବସ୍ଥା ସଂପର୍କୀତ ଖବର ପ୍ରାୟ ସବୁ ଦିନ ସାରା ରାଜ୍ୟରୁ ଆସୁଛି । ସେହିପରି ଗଜପତି ଜିଲ୍ଲାରେ ଅଦିନିଆ ବର୍ଷାରେ ଭିଜି ଯାଇଛି ଚାଷୀଙ୍କ କଷ୍ଟ ଉପାର୍ଜିତ ଅମଳ । ଧାନ ଅମଳ ହେବାର ୧ ମାସ ପରେ ମିଲର୍ସ ନକିଣିବାରୁ ମଣ୍ଡିରେ ଓ ଖଳାରେ ଗଦା ହୋଇ ରହିଥିଲା । ଆଉ ଅଦିନରେ ବର୍ଷା ଆସି ଚାଷୀଙ୍କ ଧାନକୁ ଭିଜେଇ ଦେଇଗଲା । ଆଗରୁ ଭଲ ଧାନ କିଣୁନଥିବା ମିଲର୍ସ ଓଦା ଧାନକୁ କିଣିବ ନାହିଁ ତାକୁ ନେଇ ଆଶା ଆଶଙ୍କାରେ ଅଛନ୍ତି ଗଜପତି ଜିଲ୍ଲାର ଚାଷୀ ।

ବିଗତ ବର୍ଷମାନଙ୍କରେ ମଧ୍ୟ ମଣ୍ଡି ସମସ୍ୟାରେ ଘାଣ୍ଟି ହୋଇଥିଲେ ଚାଷୀ । ଧାନ କିଣାବିକାରେ ଅବ୍ୟବସ୍ଥା ଯୋଗୁଁ ଚାଷୀ କ୍ଷତିଗ୍ରସ୍ତ ହୋଇଥିଲେ । ତେଣୁ ଏହାର ସ୍ଥାୟୀ ସମାଧାନର ଆବଶ୍ୟକତା ରହିଛି ।

from Kanak News
via <a href="https://ifttt.com/?

କନକ ବ୍ୟୁରୋ: ପଶ୍ଚିମବଙ୍ଗରେ ବିଧାନସଭା ନିର୍ବାଚନ ପୂର୍ବରୁ ନେତାମାନଙ୍କ ଦଳ ବଦଳ ପ୍ରକ୍ରିୟା ଏବେ ଜୋର ଧରିଛି । ବିଶେଷକରି ତୃଣମୂଳ କଂଗ୍ରେସରୁ ତମାମ ନେତା ଆସି ବିଜେପିରେ ସାମିଲ ହେଉଛନ୍ତି । ଯାହା ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ପାଇଁ ମୁଣ୍ଡବିନ୍ଧାର କାରଣ ସାଜିଛି । ଏହାରି ଭିତରେ ଦିଦିଙ୍କ ବିଶ୍ୱସ୍ତ କୁହାଯାଉଥିବା ତୃଣମୂଳ କଂଗ୍ରେସ ନେତା ରାଜୀବ ବାନାର୍ଜୀ କେନ୍ଦ୍ରୀୟ ନେତାଙ୍କୁ ଭେଟିବାକୁ ଦିଲ୍ଲୀ ଯାଇଛନ୍ତି । କୁହାଯାଉଛି ଯେ, ସେ ବିଜେପିରେ ସାମିଲ ହେବେ ।

କିଛି ଦିନ ପୂର୍ବରୁ ରାଜୀବ ମମତା କ୍ୟାବିନେଟରୁ ଇସ୍ତଫା ଦେଇଥିଲେ । ଆଜି ସେ ବିଧାୟକ ପଦରୁ ଇସ୍ତଫା ଦେଇ ଦିଲ୍ଲୀ ଯାଇଛନ୍ତି । ତେଣୁ ସେ ବିଜେପିରେ ସାମିଲ ହେବା ଏକ ପ୍ରକାର ପକ୍କା ବୋଲି ସୂଚନା ମିଳୁଛି । ତାଙ୍କ ସହ ତୃଣମୂଳ କଂଗ୍ରେସ ବିଧାୟକ ବୈଶାଳୀ ଡାଲମିଆ, ପ୍ରବୀର ଘୋଷାଲ ମଧ୍ୟ ଦିଲ୍ଲୀ ଯାଇଛନ୍ତି । ଏହି ନେତାମାନଙ୍କ ସହ ପଶ୍ଚିମବଙ୍ଗ ବିଜେପ ପ୍ରଭାରୀ କୈଳାସ ବିଜୟବର୍ଗୀୟ ମଧ୍ୟ ଦିଲ୍ଲୀ ଯାଇଛନ୍ତି । ତେଣୁ ଏହି ଟିଏମସି ନେତା ଆଜି କିମ୍ବା କାଲି ବିଜେପିରେ ସାମିଲ ହୋଇପାରନ୍ତି।

ଏହାପୂର୍ବରୁ ଟିଏମସି ନେତା ଶୁଭେନ୍ଦୁ ଅଧିକାରୀ ଦିଦିଙ୍କ ଶିବିର ଛାଡି ପଦ୍ମ ଧରିଥିଲେ । ତାଙ୍କ ପରେ ପରେ ଏକାଧିକ ନେତା ବିଜେପି ଶିବିରରେ ଯୋଗଦେବା ସହିତ ଦିଦିଙ୍କୁ ବାଏ ବାଏ କହିଥିଲେ । ପଶ୍ଚିମବଙ୍ଗରେ ଆଗକୁ ବିଧାନସଭା ନିର୍ବାଚନ ହେବାକୁ ଥିବାରୁ ନେତାମାନଙ୍କ ଏହି ଦଳବଦଳ ପ୍ରକ୍ରିୟାକୁ ନେଇ ରାଜନୀତି ଜୋର୍ ଧରିଛି ।

from Kanak News
via <a href="https://ifttt.com/?

କନକ ବ୍ୟୁରୋ: ପ୍ରାଚୀନ ମନ୍ଦିରର ସୁରକ୍ଷା ଓ ପୁନଃରୁଦ୍ଧାର ପାଇଁ ଚିଠି ଲେଖିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ପ୍ରଭୁ ଲିଙ୍ଗରାଜ ଓ ଶୁକଶାରୀ ମନ୍ଦିର ଚାରିପାଖେ ଥିବା ମନ୍ଦିରର ପୁନଃରୁଦ୍ଧାର ପାଇଁ କେନ୍ଦ୍ର ସଂସ୍କୃତି ଓ ପର୍ଯ୍ୟଟନ ମନ୍ତ୍ରୀ ପ୍ରହ୍ଲାଦ ସିଂହ ପଟେଲଙ୍କୁ ଚିଠି ଲେଖିଲେ ଧର୍ମେନ୍ଦ୍ର । ଏସଏସଆଇର ବିଶେଷଜ୍ଞ ଦଳକୁ ଭୁବନେଶ୍ୱର ପଠାଇବାକୁ ନିର୍ଦ୍ଦେଶ ଦେବା ସହ ଏହି କ୍ଷେତ୍ରର ଖନନ କରି ଏହାର ଗବେଷଣା କରିବା ଦିଗରେ ହସ୍ତକ୍ଷେପ କରିବାକୁ ଉଲ୍ଲେଖ କରିଛନ୍ତି କେନ୍ଦ୍ରମନ୍ତ୍ରୀ ।

ଶୁକଶାରୀ ମନ୍ଦିର ନିକଟ ୨ ଏକର ଜମିରେ ଖନନ କାମ ଚାଲିଥିବା ବେଳେ ଶାରୀ ମନ୍ଦିରର ଉତ୍ତର-ପଶ୍ଚିମ କୋଣରେ ଥିବା ସୋମବଂଶୀ ସମୟର ଦଶମ ଶତାବ୍ଦୀ ଏବଂ ଏକାଦଶ ଶତାବ୍ଦୀର ଅମୂଲ୍ୟ ଭଗ୍ନାବଶେଷ ବାହାରିଛି । ତେବେ ଶୁକଶାରୀ ମନ୍ଦିର ଓ ଲିଙ୍ଗରାଜ ମନ୍ଦିରର ପୂରାତନ କିର୍ତ୍ତିରାଜି ଏବଂ ପ୍ରତ୍ନତତ୍ୱ ବିଭାଗ ଓ ଭଗ୍ନାବଶେଷ ଆଇନ ଅଧୀନରେ ଏଏସଆଇ ଦ୍ୱାରା ସୁରକ୍ଷିତ ରଖାଯାଇଛି । ପାରିପାଶ୍ୱକ ସ୍ଥିତିରୁ ଜଣାପଡୁଛି ମନ୍ଦିର ଭୂମି ତଳେ ଅନେକ ଐତିହାସିକ ଢାଞ୍ଚା ରହିଛି ତେଣୁ ଏହାର ପୁନରୁଦ୍ଧାର ଆବଶ୍ୟକ ।

from Kanak News
via <a href="https://ifttt.com/?