କନକ ବ୍ୟୁରୋ: ଆଜିଠାରୁ ଆରମ୍ଭ ହୋଇଛି ସଂସଦର ବଜେଟ ଅଧିବେଶନ । ପରମ୍ପରା ଅନୁସାରେ ରାଷ୍ଟ୍ରପତିଙ୍କ ଅଭିଭାଷଣରୁ ଆରମ୍ଭ ହୋଇଛି ବଜେଟ ଅଧିବେଶନ । ଆଜି ଉଭୟ ଗୃହର ମିଳିତ ଅଧିବେଶନକୁ ସମ୍ବୋଧିତ କରିଛନ୍ତି ମହାମହିମ ରାଷ୍ଟ୍ରପତି ରାମନାଥ କୋବିନ୍ଦ । ପ୍ରଥମ ଥର ପାଇଁ ରାଷ୍ଟ୍ରପତିଙ୍କ ଅଭିଭାଷଣ ସମୟରେ ସବୁ ସାଂସଦ, ସଂସଦର ସେଂଟ୍ରାଲ ହଲ ଛଡା ଲୋକସଭା ଓ ରାଜ୍ୟସଭାରେ ମଧ୍ୟ ବସିଥିଲେ ।
ତେବେ ଏହି ଅବସରରେ ରାଷ୍ଟ୍ରପତି ସମ୍ବୋଧିତ କରି କହିଛନ୍ତି କି, ସରକାର ସ୍ୱାମୀନାଥନ କମିଟି ରିପୋର୍ଟ ଲାଗୁ କରିବା ସହ ଫସଲ ମୂଲ୍ୟର ଦେଢଗୁଣା ଏମଏସପି ଦେବାକୁ ନିଷ୍ପତ୍ତି ନେଇଛନ୍ତି । ୨୦୧୩-୧୪ରେ ୪୨ ଲକ୍ଷ ହେକ୍ଟର ଚାଷ ଜମିରେ ମାଇାକ୍ରୋ ଜଳସେଚନର ସୁବିଧା ଥିବା ବେଳେ ଏବେ ୫୬ ଲକ୍ଷ ହେକ୍ଟରରୁ ଅଧିକ ଚାଷ ଜମିକୁ ଜଳସେଚିତ କରାଯାଉଛି । ସମୟ ଆସିଛି ଛୋଟ ଓ ସୀମାବର୍ତ୍ତୀ ଚାଷୀଙ୍କ ଉପରେ ଧ୍ୟାନ ଦେବାକୁ ।ଦେଶର ୮୦ ପ୍ରତିଶତ ଚାଷୀ ଛୋଟ ଚାଷୀ, ଯେଉଁମାନଙ୍କର ସଂଖ୍ୟା ୧୦ କୋଟିରୁ ଅଧିକ । ଆଉ ଏହ ଚାଷୀଙ୍କୁ ସହାୟତା ପାଇଁ ପିଏମ କିଷାନ ନିଧି ସମ୍ମାନ ଯୋଜନାରେ ପାଖାପାଖି ୧,୧୩,୦୦୦ କୋଟି ଟଙ୍କା ଚାଷୀଙ୍କ ଆକାଉଣ୍ଟକୁ ଟ୍ରାନ୍ସଫର କରାଯାଇଛି ।
ସେହିଭଳି ସଂସଦର ମିଳିତ ଅଧିବେଶନରେ ଅଭିଭାଷଣ ପ୍ରଦାନ କରିବା ବେଳେ ଗଣଟିକାକରଣ ଉଦ୍ୟମକୁ ଭୁରି ଭୁରି ପ୍ରଶଂସା କରିଛନ୍ତି ମହିମହିମ ରାଷ୍ଟ୍ରପତି । ଅଭିଭାଷଣ ଦେବା ବେଳେ ସେ ଦିବଂଗତ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ପ୍ରତି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ। ରାଷ୍ଟ୍ରପତି ରାମନାଥ କୋବିନ୍ଦ କହିଲେ, ଭାରତ ବିଶ୍ୱରେ ସବୁଠୁ ବଡ଼ ଟିକାକରଣ ଅଭିଯାନ ଚଳାଇବା ଗୌରବର ବିଷୟ। ଏହି ଅଭିଯାନରେ ଦିଆ ଯାଉଥିବା ଦୁଇଟିଯାକ ଟିକା ଭାରତରେ ନିର୍ମିତ। ଏହି ସଙ୍କଟ ସମୟରେ ଭାରତ ମାନବତ୍ୱର ଦାୟିତ୍ୱ ବହନ କରି ଅନ୍ୟ କେତେକ ଦେଶକୁ ମଧ୍ୟ ଲକ୍ଷ ଲକ୍ଷ ଡୋଜ୍ ଟିକା ଯୋଗାଇ ଦେଉଛି। ରାଷ୍ଟ୍ରପତି ଆହୁରି ମଧ୍ୟ କହିଲେ, ଏହି ମହାମାରୀ ବିରୋଧୀ ସଂଗ୍ରାମରେ ଆମେ ଅନେକ ନାଗରିକଙ୍କୁ ହରାଇଛନ୍ତି। କୋଭିଡ୍-୧୯ ସମୟରେ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କର ଦେହାନ୍ତ ହେଲା। କୋଭିଡ୍ ଯୋଗୁଁ ୬ଜଣ ସାଂସଦ ଆମକୁ ଅକାଳରେ ଛାଡ଼ିଗଲେ। ମୁଁ ସେମାନଙ୍କ ପ୍ରତି ଶ୍ରଦ୍ଧାଞ୍ଜଳି ଜ୍ଞାପନ କରୁଛି।
from Kanak News
via <a href="https://ifttt.com/?
News Bytes 