କନକ ବ୍ୟୁରୋ: ବାବୁଙ୍କୁ ଖୁସି କରିବା ପାଇଁ ଦିବ୍ୟାଙ୍ଗ ଯୁବତୀଙ୍କୁ ଭେଟି ଦିଆଯାଉଥିବା ଖବର ଏବେ ସାରା ରାଜ୍ୟରେ ହଇଚଇ ସୃଷ୍ଟି କରିଛି । ଆଜି କିନ୍ତୁ ଆଉ ଏକ ଖବର ଘଟଣାର ଗମ୍ଭୀରତାକୁ ଆହୁରି ବଢ଼ାଇ ଦେଇଛି । ଜଣାପଡିଛି ଏହି ଖବର ଗଣମାଧ୍ୟମକୁ ଆସିବା ପୂର୍ବରୁ ପ୍ରଶାସନ ଓ ସରକାର ପାଖରେ ପହଁଚି ସାରିଥିଲା । କିନ୍ତୁ ଦୁର୍ଭାଗ୍ୟର କଥା ହେଉଛି ସମସ୍ତେ ଜାଣି ଥିଲେ ବି ଚୁପ ଥିଲେ, ଆଉ ଏପଟେ ସେମିତି ନିର୍ଯାତନା ଜାରି ରହିଥିଲା ।

ଗତ ନଭେମ୍ବର ୨୩ ତାରିଖରୁ ଏୟାରପୋର୍ଟ ଥାନାରେ ଅଭିଯୋଗ କରିଥିଲେ ଜଣେ ଯୁବତୀ । କଥା ମନ୍ତ୍ରୀଙ୍କ ଯାଏଁ ବି ଯାଇଥିଲା। ଭିନ୍ନକ୍ଷମ ସଶକ୍ତିକରଣ ମନ୍ତ୍ରୀ ଅଶୋକ ପଣ୍ଡା ସାମନାକୁ ଆସି କହିଛନ୍ତି, ଡିସେମ୍ବର ୫ରେ ଯୌନ ଶୋଷଣ ନେଇ ତାଙ୍କ ନିକଟକୁ ଲିଖିତ ଅଭିଯୋଗ ଆସିଥିଲା । ଡିସେମ୍ବର ୭ରେ ଘଟଣାର ତଦନ୍ତ କରି ରିପୋର୍ଟ ଦେବାକୁ ଖୋର୍ଦ୍ଧା ଡିଷ୍ଟ୍ରିକ୍ଟ ସୋସିଆଲ ସିକ୍ୟୁରିଟି ଅଫିସର-ଡିଏସଏସଏଓଙ୍କୁ ନିର୍ଦ୍ଦେଶ ବି ଦେଇଥିଲେ । ଗତ ଜାନୁଆରୀ ୪ ତାରିଖରେ ସେହି ଅନୁଷ୍ଠାନକୁ ତଥ୍ୟ ମାଗିଥିଲେ ଡିଏସଏସଓ । ହେଲେ ଏପର୍ଯ୍ୟନ୍ତ ରିପୋର୍ଟ ଆସିନାହିଁ ।

ଘଟଣାକୁ ଏ ଭିତରେ ଦେଢ଼ ମାସ ବିତିଗଲାଣି । ତଦନ୍ତ ନିର୍ଦ୍ଦେଶ ଦେଇ ସମସ୍ତେ ନିଜ କାମ ସରିଗଲା ବୋଲି ଭାବି ଚୁପ୍ ବସିଯାଇଛନ୍ତି । ଆଉ ଡିଷ୍ଟ୍ରିକ୍ଟ ସୋସିଆଲ ସିକ୍ୟୁରିଟୀ ଅଫିସରୁ ବି ବେଶ ଆରାମରେ ଫାଇଲକୁ ତଳେ ପକାଇ ତା ଉପରେ ବସି ଯାଇଛନ୍ତି । ଯାହା ଏବେ ସମସ୍ତଙ୍କ ମନରେ ହଜାର ପ୍ରଶ୍ନବାଚୀ ସୃଷ୍ଟି କରିଛି । ତେବେ…

– ୨ ମାସ ହେଲା ଅଭିଯୋଗ ହୋଇଥିଲେ ମଧ୍ୟ କାହିଁକି ଚୁପ୍ ରହିଥିଲା ପ୍ରଶାସନ?

– ଡିଷ୍ଟ୍ରିକ୍ଟ ସୋସିଆଲ ସିକ୍ୟୁରିଟୀ ଅଫିସର କାହିଁକି ଘଟଣାର ତଦନ୍ତ କଲେ ନାହିଁ ?

-ନଭେମ୍ବରରେ ଏୟାରପୋର୍ଟ ଥାନାରେ ଅଭିଯୋଗ ହୋଇଥିଲେ ବି କାହିଁକି ଚୁପ୍ ବସିଥିଲା ପୋଲିସ?

-ଯେଉଁ ସୁରେଶ ବେହେରା ଭିନ୍ନକ୍ଷମ ଯୁବତୀଙ୍କୁ ଏଭଳି ଭେଟି ଭାବରେ ବ୍ୟବହାର କରୁଥିଲେ ?

ତାଙ୍କ ବିରୋଧରେ କେମିତି କାର୍ଯ୍ୟର୍ାନୁଷ୍ଠାନ ଗ୍ରହଣ କରାଯାଇନି?  

– ଘଟଣାକୁ ଚପାଇ ଦେବା ପଛରେ କୌଣସି ନେତାଙ୍କ ହାତ ଅଛି କି?

from Kanak News
via <a href="https://ifttt.com/?

କନକ ବ୍ୟୁରୋ: ମହାପ୍ରଭୁଙ୍କ ଦର୍ଶନ ପାଇଁ ବଡଦାଣ୍ଡରେ ଆଜି ପ୍ରବଳ ଗହଳି ହୋଇଥିଲା । କରୋନାବେଳେ ଏଭଳି ମନ୍ଦିର ଭିଡ ବିପଦଜନକ ମଧ୍ୟ ହୋଇପାରେ । ୨୧ ତାରିଖରୁ ବିନା କୋଭିଡ୍ ରିପୋର୍ଟରେ ଦର୍ଶନ ପାଇଁ ଅନୁମତି ଦେଇଛନ୍ତି ସରକାର ।
ଏହାପରେ ଏବେ ମନ୍ଦିର ଧିରେ ଧିରେ ଭିଡ ବଢ଼ିବାରେ ଲାଗିଛି । କିନ୍ତୁ ଆଜି ଏଭଳି ଭିଡ ହୋଇଥିଲା ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି । କାରଣ କରୋନା ଚାଲିଗଲା ବୋଲି ଭାବିନେବା ଠିକ୍ ନୁହେଁ । ଅବଶ୍ୟ ଗତକାଲି ମନ୍ଦିର ସାନିଟାଇଜେସନ ପାଇଁ ବନ୍ଦ ରହିଥିଲା । ସେଥିପାଇଁ ଆଜି ଭିଡ ପ୍ରବଳ ବଢ଼ି ଯାଇଥିଲା ।

ଓଡିଶାରେ କରୋନା ଆରମ୍ଭ ହେବା ପରଠାରୁ ପୁରୀ ଶ୍ରୀମନ୍ଦିର ସାଧାରଣ ଭକ୍ତଙ୍କ ପାଇଁ ବନ୍ଦ ରହିଥିଲା । କାରଣ କରୋନା ସଂକ୍ରମଣ ବ୍ୟାପିବାର ଆଶଙ୍କା ରହିଥିଲା ତେଣୁ ପୁରୀ ମନ୍ଦିରକୁ ବନ୍ଦ ରଖାଯାଇଥିଲା । ପ୍ରାୟ ୯ ମାସ ପରେ ଗତ ଡିସେମ୍ବର ୨୩ ତାରିଖରେ ପୁରୀ ସହରର ଲୋକଙ୍କ ପାଇଁ ମନ୍ଦିର ଖୋଲଯାଇଥିଲା । ଆଉ କୋଭିଡ୍ ନେଗେଟିଭ୍ ରିପୋର୍ଟ ଦେଖାଇବା ବାଧ୍ୟତାମୂଳକ ଥିଲା । ଗତ ୨୧ ତାରିଖରୁ କୋଭିଡ୍ ରିପୋର୍ଟ ସମ୍ପୂର୍ଣ୍ଣ ଭାବେ ଉଠାଇ ଦିଆଯାଇଥିଲା ।

from Kanak News
via <a href="https://ifttt.com/?

କନକ ବ୍ୟୁରୋ : ଖୋର୍ଦ୍ଧାର ଏକ ଘରୋଇ ଇଂଜିନିୟରିଂ କଲେଜରେ  ଡିପ୍ଲୋମା କରୁଥିବା ରୋଜି ବେହେରାଙ୍କ ଜୀବନ ସଂଘର୍ଷର କାହାଣୀ କନକ ନ୍ୟୁଜରେ ପ୍ରସାରଣ ହୋଇଥିଲା । ଏହି ଖବର କନକ ନ୍ୟୁଜରେ ପ୍ରସାରିତ ହେବା ପରେ ଏବେ ଏହି ଘଟଣାରେ ହସ୍ତକ୍ଷେପ କରିଛି ଓଡିଶା ମୋ ପରିବାର ।

ଏନେଇ ଓଡିଶା ମୋ ପରିବାରର ଅଧ୍ୟକ୍ଷ ଅରୂପ ପଟ୍ଟନାୟକ କହିଛନ୍ତି, କନକ ନ୍ୟୁଜରୁ ଖବର ପ୍ରସାରଣ ପରେ ଅବଗତ ହେଲି । ସାର୍ଟିଫିକେଟ ଅଭାବରୁ ଚାକିରିରୁ ବଞ୍ଚିତ ହୋଇଥିଲେ ରୋଜି । ଘଟଣା ଜାଣିବା ପରେ ଓଡିଶା ମୋ ପରିବାର ସଦସ୍ୟଙ୍କୁ ସତ୍ୟାସତ୍ୟ ଜାଣିବାକୁ ରୋଜିଙ୍କ ଘରକୁ ପଠାଇଥିଲି । ଜିଲ୍ଲାପାଳ ଓ ବିଡିଓଙ୍କ ସହ ଯୋଗାଯୋଗ କରି ଯାହା ହୋଇ ପାରିବ କରିବି ।

ସିଭିଲି ଇଂଜିନିୟରିଂରେ ଡିପ୍ଲୋମା ସରିଥିଲେ ବି ରୋଜିଙ୍କୁ ସାର୍ଟିଫିକେଟ ମିଳିନଥିଲା। କାରଣ କଲେଜର ବକେୟା ୨୫ ହଜାର ଟଙ୍କା  ସେ ଦେଇ ପାରି ନାହାନ୍ତି । ବାପା ମାଆଙ୍କର ସେମାନେ ୫ ଝିଅ, ସମସ୍ତେ ପାଠ ପଢୁଛନ୍ତି, ଆଉ ଖର୍ଚ୍ଚ ତୁଳାଇବା ପରିବାର ପକ୍ଷରେ ସମ୍ଭବ ହୋଇପାରୁନଥିବାରୁ କଲେଜ ଫି ଦେଇ ପାରିନାହାନ୍ତି । ତେଣୁ କଲେଜରେ ଫସିଥିବା ସାର୍ଟିଫିକେଟକୁ ମୁକୁଳାଇବା ପାଇଁ ଏଭଳି ମୁଲ ଲାଗୁଛନ୍ତି ରୋଜି ବେହେରା ।

ତେବେ ଏହି ଘଟଣା ପରେ ରାନୀ ପଣ୍ଡା ମଧ୍ୟ ରୋଜିଙ୍କୁ ସହାୟତା କରିଛନ୍ତି । ରୋଜିଙ୍କ ସାର୍ଟିଫିକେଟ୍ ମୁକୁଳାଇବାକୁ ନିଜ ବ୍ୟାଙ୍କ ଆକାଉଂଟରୁ ଦୁଇଟି କିସ୍ତିରେ ୨୫ ହଜାର ଟଙ୍କା ପଠାଇଛନ୍ତି ରାନୀ ପଣ୍ଡା ।

from Kanak News
via <a href="https://ifttt.com/?

କନକ ବ୍ୟୁରୋ : ଆକାଶ କ୍ଷେପଣାସ୍ତ୍ରର ସଫଳ ପରୀକ୍ଷଣ । ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷଣ କେନ୍ଦ୍ରରୁ ପରୀକ୍ଷଣ ହେଲା ଭୂ-ପୃଷ୍ଠରୁ ଆକାଶକୁ ଲକ୍ଷ୍ୟଭେଦ କରିପାରୁଥିବା ଆକାଶ-ଏନଜି ବା ନୂଆ ପିଢୀର ଆକାଶ କ୍ଷେପଣାସ୍ତ୍ର। ସୋମବାର ଦ୍ୱିପ୍ରହର ୨ଟା ୨୫ମିନିଟରେ ଏହି ପରୀକ୍ଷଣ ହୋଇଥିବା ବେଳେ ସଫଳ ହୋଇଥିବା ସୂଚନା ମିଳିଛି।

DRDO conducted successful maiden launch of Akash-NG (New Generation) Missile from Integrated Test Range off the coast of Odisha today. Akash-NG is a new generation Surface-to-Air Missile meant for use by IAF with an aim of intercepting high manoeuvring aerial threats: DRDO pic.twitter.com/n7qH50GTwt

— ANI (@ANI) January 25, 2021

https://platform.twitter.com/widgets.js

ଆକାଶର ଲକ୍ଷ୍ୟଭେଦ କ୍ଷମତା ୩୦ କିଲୋମିଟର। ଏହାର ଓଜନ ୭୨୦ କିଲୋଗ୍ରାମ, ଲମ୍ବ ୫.୭୮ମିଟର। ଶବ୍ଦର ବେଗଠାରୁ ଅଢେ଼ଇଗୁଣ ଅଧିକ ବେଗରେ ଆକାଶ ସ୍ଥିରୀକୃତ ଟାର୍ଗେଟକୁ ଲକ୍ଷ୍ୟଭେଦ କରିଥିଲା। ଏଥିରେ ୬୦ କିଲୋ ପର୍ଯ୍ୟନ୍ତ ଆଣବିକ ଓ ପାରମ୍ପରିକ ଯୁଦ୍ଧାସ୍ତ୍ର ବ୍ୟବହାର କରାଯାଇପାରିବ। ଖାସକରି ଭାରତୀୟ ବାୟୁସେନା ପାଇଁ ଏହାକୁ ନିର୍ମାଣ କରାଯାଇଛି । ସୀମାରେ ଉତ୍ତେଜନାମୂଳକ ସ୍ଥିତି ଦେଖାଦେଉଥିବା ବେଳେ ‘ଆକାଶ-ଏନଜି’ର ସଫଳ ପରୀକ୍ଷଣ ଭାରତୀୟ ବାୟୁସେନାକୁ ଆହୁରି ଶକ୍ତିଶାଳୀ କରିବ ।

from Kanak News
via <a href="https://ifttt.com/?

କନକ ବ୍ୟୁରୋ: ଜାନୁଆରୀ ୨୬ ତାରିଖରେ ସାରା ଦେଶ ପାଳିବାକୁ ଯାଉଛି ଗଣତନ୍ତ୍ର ଦିବସ । ଭୁବନେଶ୍ୱରର ମହାତ୍ମାଗାନ୍ଧୀ ମାର୍ଗରେ ମଧ୍ୟ ରାଜ୍ୟସ୍ତରୀୟ ଗଣତନ୍ତ୍ର ଦିବସ ପାଳନ ହେବ । ଏଥିପାଇଁ ସମସ୍ତ ପ୍ରକାର ପ୍ରସ୍ତୁତି ଶେଷ ହୋଇଛି । ବିଶେଷକରି ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି ।

ସୋମବାର କମିଶନରେଟ୍ ପୋଲିସ ଏଥିପାଇଁ ଟ୍ରାଫିକ୍ ରୁଟ୍ ଧାର୍ଯ୍ୟ କରିଛି । ପୋଲିସର ସୂଚନା ମୁତାବକ ଆସନ୍ତାକାଲି ସକାଳ ସାଢେ ୬ଟାରୁ ସକାଳ ୯ଟା ପର୍ଯ୍ୟନ୍ତ କୌଣସି ଗାଡି ମହାତ୍ମାଗାନ୍ଧୀ ମାର୍ଗ ଦେଇ ଯିବା ଆସିବା କରିପାରିବ ନାହିଁ । କେବଳ ସ୍ୱତନ୍ତ୍ର ଭାବେ ଅନୁମତି ଥିବା ଗାଡିକୁ ଏହି ରାସ୍ତା ଦେଇ ଛଡାଯିବ ।

ଏହାସହ ଯେଉଁ ଗାଡିଗୁଡିକ ହାଉସିଂ ବୋର୍ଡ ଛକରୁ ରବୀନ୍ଦ୍ର ମଣ୍ଡପ ଆଡକୁ ଯାଉଥିବ ସେଗୁଡିକ କେଶରୀ ହଲରୁ ବାମ କଡ ଦେଇ ଯିବେ। ସେହିପର ଏଜି ଛକରୁ ପିଏଜି ଛକ ଆଡେ ଯାଉଥିବା ଗାଡି ଜୟଦେବ ଭବନରୁ ଇଡକଲ୍ ଅଡିଟୋରିୟମ ରାସ୍ତା ଦେଇ ଯିବେ । ୧୨୦ ବାଟାଲିୟନରୁ ରବୀନ୍ଦ୍ର ମଣ୍ଡପ ଆଡକୁ ଆସୁଥିବା ଗାଡି ଗୁଡିକ ଏମଏଲଏ କଲୋନୀ ଦେଇ ଯିବେ ବୋଲି କମିଶନରେଟ୍ ପୋଲିସ ପକ୍ଷରୁ କୁହାଯାଇଛି । ଏହାବାଦ୍ ଜନପଥରୁ ମହାତ୍ମାଗାନ୍ଧୀ ମାର୍ଗକୁ କୌଣସି ଗାଡିକୁ ଛଡା ଯିବନି।

from Kanak News
via <a href="https://ifttt.com/?

କନକ ବ୍ୟୁରୋ : ପୂର୍ବତନ ବ୍ଲକ ଅଧ୍ୟକ୍ଷ ଦେବରାଜ ସାହୁ ହତ୍ୟା ମାମଲା । ଏହି ହତ୍ୟା ମାମଲାରେ ସମ୍ପୃକ୍ତି ନେଇ ୫ ଜଣଙ୍କୁ ଗିରଫ କରିଛି ଗଞ୍ଜାମ ପୋଲିସ । ଅଭିଯୁକ୍ତଙ୍କଠାରୁ ୩ଟି ବନ୍ଧୁକ, ୬୨ଟି ଅଫୁଟା ଗୁଳି ଓ ୬ଟି ମୋବାଇଲ ଜବତ ହୋଇଛି । ଅଭିଯୁକ୍ତମାନଙ୍କୁ ପୋଲିସ ଗିରଫ କରିବା ସହ ପଚରାଉଚରା ଜାରି ରଖିଛି ।

ଗତ ୨୦ ତାରିଖ ସକାଳ ୯ଟା ସମୟରେ କୌଣସି ଏକ କାମରେ ଦେବରାଜ ସୁମଣ୍ଡଳ ବସଷ୍ଟାଣ୍ଡକୁ ଯାଇଥିଲେ । ବସଷ୍ଟାଣ୍ଡରେ ଥିବା ଚାହା ଦୋକାନରେ ସେ ଚାହା ପିଉଥିବା ବେଳେ ଏକ କାରରେ ୩ରୁ ୪ ଜଣ ଯୁବକ ପହଞ୍ଚି, ତାଙ୍କ ଉପରକୁ ଲଗାତାର ୨୦ ରାଉଣ୍ଡ ଗୁଳିମାଡ କରି ଫେରାର ହୋଇ ଯାଇଛନ୍ତି ।

ଦୁର୍ବୃତ୍ତଙ୍କ ଗୁଳିମାଡରେ ଘଟଣାସ୍ଥଳରେ ଟଳି ପଡିଥିଲେ ବେଗୁନିଆ ପଡାର ପୂର୍ବତନ ବ୍ଲକ ଅଧ୍ୟକ୍ଷ ଦେବରାଜ ସାହୁ । ଖବର ପାଇ ଘଟଣାସ୍ଥଳରେ ପହଞ୍ଚି ଛାନଭିନ ଆରମ୍ଭ କରିଥିଲା କୋଦଳା ପୋଲିସ । ପୂର୍ବ ଶତ୍ରୁତାକୁ ନେଇ ଏହି ହତ୍ୟାକାଣ୍ଡ ଘଟିଥିବା ଚର୍ଚ୍ଚା ହୋଇଥିଲା ।

from Kanak News
via <a href="https://ifttt.com/?

କନକ ବ୍ୟୁରୋ: ଖୁବ୍ ଶୀଘ୍ର ପୁରୁଣା ୫, ୧୦ ଓ ୧୦୦ ଟଙ୍କିଆ ନୋଟ୍‌କୁ ବଜାରରୁ ପ୍ରତ୍ୟାହାର କରିବାକୁ ଆର୍‌ବିଆଇ ଚିନ୍ତା କରୁଥିବା ଜଣାପଡ଼ିଛି ବୋଲି ନିକଟରେ ଗଣମାଧ୍ୟମରେ ଏକ ଖବର ପ୍ରକାଶ ପାଇଥିଲା। ମାତ୍ର ଏହି ଖବରକୁ ଭାରତୀୟ ରିଜର୍ଭ ବ୍ୟାଙ୍କ୍‌ (ଆର୍‌ବିଆଇ) ଗୁଜବ‌ ଅଟେ ବୋଲି ଟ୍ବିଟ୍‌ କରି ସୂଚନା ଦେଇଛି।

ଭାରତୀୟ ରିଜର୍ଭ ବ୍ୟାଙ୍କ୍‌ ଟ୍ବିଟ୍‌ କରି ଲେଖିଛି ଯେ ‘ନିକଟ ଭବିଷ୍ୟତରେ ପୁରୁଣା ୫, ୧୦ ଓ ୧୦୦ ଟଙ୍କିଆ ନୋଟ୍‌ ଅଚଳ ହୋଇଯିବ ବୋଲି ବିଭିନ୍ନ ଗଣମାଧ୍ୟମ ସଂସ୍ଥାରେ ଖବର ପ୍ରକାଶ ପାଇଥିଲା। ଆମେ ନିଶ୍ଚିତ କରୁଛୁ ଯେ ଏହି ଖବର ଏକ ଗୁଜବ‌।’

ଉଲ୍ଲେଖଯୋଗ୍ୟ, ନିକଟ ଅତୀତରେ ବିଭିନ୍ନ ଗଣମାଧ୍ୟମ ସଂସ୍ଥାରେ ପ୍ରକାଶ ପାଇଥିଲା କି ଚଳିତବର୍ଷ ମାର୍ଚ୍ଚ ଓ ଏପ୍ରିଲ୍‌ ସୁଦ୍ଧା ଏହି ପୁରୁଣା ନୋଟ୍‌ଗୁଡ଼ିକ ପୂରାପୂରି ଅଚଳ ହୋଇଯିବ ବୋଲି ପ୍ରସ୍ତାବ ରହିଛି । ଦେଶର ଶୀର୍ଷ ବ୍ୟା‌ଙ୍କ୍‌ ଏହି ପୁରୁଣା ନୋଟ୍‌ଗୁଡ଼ିକୁ ସ୍ଥାୟୀ ଭାବେ ପ୍ରତ୍ୟାହାର କରିବା ପାଇଁ ଯୋଜନା କରୁଛି।

ବିଭିନ୍ନ ଗଣମାଧ୍ୟମ ସଂସ୍ଥାରେ ପ୍ରକାଶ ପାଇଥିବା ରିପୋର୍ଟ ମୁତାବକ, ରିଜର୍ଭ ବ୍ୟାଙ୍କ୍‌ର ଆସିଷ୍ଟାଣ୍ଟ ଜେନେରାଲ୍‌ ମ୍ୟାନେଜର୍‌ (ଏଜିଏମ୍‌) ବି ମହେଶ ଜିଲ୍ଲାସ୍ତରୀୟ ସୁରକ୍ଷା କମିଟି ଏବଂ ଜିଲ୍ଲା ସ୍ତରୀୟ ମୁଦ୍ରା ପରିଚାଳନା କମିଟିର ଏକ ବୈଠକରେ ଚଳିତବର୍ଷ ମାର୍ଚ୍ଚ ଓ ଏପ୍ରିଲ୍‌ ସୁଦ୍ଧା ପୁରୁଣା ୫, ୧୦ ଓ ୧୦୦ ନୋଟ୍‌କୁ ପ୍ରତ୍ୟାହାର କରିବାକୁ ଆର୍‌ବିଆଇ ଯୋଜନା କରୁଥିବା କହିଥିଲେ। ମାତ୍ର ବ‌ାସ୍ତବରେ ରିଜର୍ଭ ବ୍ୟାଙ୍କ୍‌ ପକ୍ଷରୁ ସେପରି କୌଣସି ନିଷ୍ପତ୍ତି ହୋଇ ନାହିଁ ବୋଲି ବ୍ୟାଙ୍କ୍‌ ପକ୍ଷରୁ ସ୍ପଷ୍ଟୀକରଣ ଦିଆଯାଇଛି।

from Kanak News
via <a href="https://ifttt.com/?

କନକ ବ୍ୟୁରୋ : ଆସନ୍ତାକାଲି ଦେଶ ପାଳିବ ୭୨ ତମ ଜନରାଜ୍ୟ ଦିବସ । ଏଥିପାଇଁ ଦିଲ୍ଲୀରୁ ପଲ୍ଲୀ ସବୁଠି ଜୋରସୋରରେ ପ୍ରସ୍ତୁତି ଚାଲିଛି । ହେଲେ ଆଜିର ଦିନରେ ନିଜର ପରିଚୟ ଖୋଜୁଛି ସ୍ୱାଧିନତା ସଂଗ୍ରାମୀଙ୍କ ଏନ୍ତୁଡ଼ିଶାଳର ବାର୍ତ୍ତା ବହନ କରୁଥିବା ରାୟଗଡା ଜିଲ୍ଲାର ଗୋପାଳବାଡ଼ି ।

ରାୟଗଡ଼ା କଲୋନରା ବ୍ଲକ ଅନ୍ତର୍ଗତ ଗୋପାଳବାଡ଼ି ଗାଁ । ସ୍ୱାଧନତା ସଂଗ୍ରାମ ବେଳେ ଏଠି ଏକାଠି ହେଉଥିଲେ ବିନୋବା ଭାବେ, ଜୟ ପ୍ରକାଶ ନାରାୟଣ, ଗୋପବନ୍ଧୁ ଦାସ, ନବକୃଷ୍ଟ ଚୌଧୁରୀ, କୋରାପୁଟିଆ ଗାନ୍ଧି ବିଶ୍ୱନାଥ ପଟ୍ଟନାୟକ, ମାଳତୀ ଦେବୀ, ରମା ଦେବୀ ଏବଂ ଅର୍ଣ୍ଣପୂର୍ଣ୍ଣା ମହାରଣାଙ୍କ ଭଳି ମହାନ ସ୍ୱାଧୀନତା ସଂଗ୍ରାମୀ । ଆଉ ଏଠି ଗୁପ୍ତ ବୈଠକ କରି ଅବିଭକ୍ତ କୋରାପୁଟ ଜିଲ୍ଲା ସାଙ୍ଗକୁ ଦଣ୍ଡକାରଣ୍ୟ ଅଂଚଳରେ ବ୍ରିଟିସରଙ୍କ ବିରୁଦ୍ଧରେ ସଂଗ୍ରାମ ପାଇଁ ନକ୍ସା ପ୍ରସ୍ତୁତ କରୁଥିଲେ । ମୋଟାମୋଟି ଭାବେ ଗୋପାଳବାଡ଼ିକୁ ବିଭକ୍ତ କୋରାପୁଟ ଜିଲ୍ଲାରେ ହେଉଥିବା ସ୍ୱାଧୀନତା ସଂଗ୍ରାମର ଗୁପ୍ତ ବୈଠକ ସ୍ଥଳ ବା ଏନ୍ତୁଡ଼ିଶାଳ ବୋଲି କୁହାଯାଏ ।

ସ୍ୱାଧୀନତାର ବହୁ ପୁର୍ବରୁ ଗୋପାଳବାଡ଼ିରୁ ଅରଟରେ ସୁତା କାଟି ଲୁଗା ତିଆରି କରି ସଂଗ୍ରାମୀଙ୍କ ପାଖକୁ ପଠାଯାଉଥିଲା । ସେତେବେଳେ ଭୁ-ଦାନ ଆନ୍ଦୋଳନ ବ୍ୟାପକ ହେବା ସହ ଗୋଶାଳାମାନ ନିର୍ମାଣ କରାଯାଇଥିଲା । ଯାହା ୧୯୨୨ ଏପ୍ରିଲରେ ନିର୍ମିତ ଏହି ଗୋକୁଣ୍ଡରୁ ସ୍ୱଷ୍ଟ ଜଣାପଡେ । ହେଲେ ରକ୍ଷଣାବେକ୍ଷଣ ଅଭାବରୁ ଉକ୍ରଳ ଖଦି ମଣ୍ଡଳ ଦାୟିତ୍ୱରେ ଥିବା ଗୋପାଳବାଡ଼ିର ସ୍ୱାଧିନତା ସ୍ମାରକୀ ଏବେ ଧ୍ୱଂସ ସ୍ତୁପରେ ପରିଣତ ହୋଇଛି । ୨୭ ଏକର ପରିଧି ଏହି ସ୍ମାରକି ଅନାଥ ଭଳି ଖୋଲା ଆକାଶ ତଳେ ପଡ଼ି ରହିଛି । ଯାହାକୁ ଦେଖି କ୍ଷୋଭ ପ୍ରକାଶ କରନ୍ତି ଭୂ-ଦାନ କର୍ମୀ ।

from Kanak News
via <a href="https://ifttt.com/?

କନକ ବ୍ୟୁରୋ: ଗତବର୍ଷ ଲଦାଖର ଗଲୱାନ ଘାଟିରେ ସହିଦ ହୋଇଥିବା କର୍ଣ୍ଣେଲ ସନ୍ତୋଷ ବାବୁଙ୍କୁ ମିଳିବ ମହାବୀର ଚକ୍ର । ୭୨ ତମ ଗଣତନ୍ତ୍ର ଦିବସ ଅବସରରେ ତାଙ୍କୁ ମରଣୋତ୍ତର ଭାବେ ଏହି ସମ୍ମାନ ପ୍ରଦାନ କରାଯିବ । ତାଙ୍କ ସହ ଆଉ କିଛି ଯବାନଙ୍କୁ ମଧ୍ୟ ବିଭିନ୍ନ ସମ୍ମାନରେ ସମ୍ମାନିତ କରାଯିବ ବୋଲି ସୂଚନା ମିଳିଛି । ସେନାରେ ପରମବୀର ଚକ୍ର ପରେ ମହାବୀର ଚକ୍ରକୁ ସବୁଠୁ ବଡ ସମ୍ମାନ କୁହାଯାଏ । ଆଉ ଏହି ସମ୍ମାନ ଚଳିତ ବର୍ଷ କର୍ଣ୍ଣେଲ ସନ୍ତୋଷ ବାବୁଙ୍କୁ ମିଳିବାକୁ ଯାଉଛି ।

ଗତ ବର୍ଷ ଚୀନ ସୀମାରେ ଉତ୍ତେଜନାପୂର୍ଣ୍ଣ ପରିସ୍ଥିତି ଭିତରେ ଭାରତ- ଚୀନ ସେନା ମୁହାଁମୁହିଁ ହୋଇଥିଲେ । ଯେଉଁଥିରେ ଭାରତର ପ୍ରାୟ ୨୦ ଯବାନ ସହିଦ ହୋଇଥିଲେ । ସେମାନଙ୍କ ଭିତରେ ମୁଖ୍ୟ ଥିଲେ ସନ୍ତୋଷ କୁମାର । ସେ ହି ଁ ସେହି ଟିମର ନେତୃତ୍ୱ ନେଉଥିଲେ । ଚୀନ ସୈନିକ୍ୟଙ୍କ ସହ ମୁହାଁମୁହିଁ ହେଉଥିବାବେଳେ ସେ ବୀରଗତି ପ୍ରାପ୍ତ ହୋଇଥିଲେ । ଏବେ ତାଙ୍କୁ ସାଧାରଣତନ୍ତ୍ର ଦିବସରେ ମରଣୋତ୍ତର ଭାବେ ଏହି ସମ୍ମାନ ମିଳିବ ।

ଚୀନ ସହ ଏହି ସୀମା ବିବାଦ ଏବେ ବି ଅନ୍ତ ଘଟିନି । ଏବେ ବି ସୀମାରେ ସ୍ଥିତି ସରଗରମ ରହିଛି । ଦୁଇ ଦେଶ ଭିତରେ ବହୁ ବୈଠକ ବସିସାରିଥିବାବେଳେ ଏବେ ବି କୌଣସି ନିଷ୍କର୍ସ ବାହାରିପାରିନି ।

from Kanak News
via <a href="https://ifttt.com/?

କନକ ବ୍ୟୁରୋ : ‘ତୁ ଭାରି ବିୟୁଟିଫୁଲ୍’ ଫିଲ୍ମର ୱାର୍ଲ୍ଡ ଟେଲିଭିଜନ ପ୍ରିମିଅର ଆସନ୍ତା ରବିବାର ସନ୍ଧ୍ୟା ୬ଟା୩୦ରେ ମଞ୍ଜରୀ ଟିଭିରେ ପ୍ରସାରିତ ହେବ । ଫିଲ୍ମ ‘ତୁ ଭାରି ବିଉଟିଫୁଲ’ରେ ଦେଖିବାକୁ ମିଳିବ ତ୍ରିକୋଣୀୟ ପ୍ରେମ କାହାଣୀ ଯାହା ଦର୍ଶକଙ୍କୁ ଖୁବ ପସନ୍ଦ ଆସିବ ।

ଏହି ତ୍ରିକୋଣୀୟ ପ୍ରେମ କାହାଣୀକୁ ନେଇ ପ୍ରସ୍ତୁତ ଚଳଚ୍ଚିତ୍ରର ନିର୍ଦ୍ଦେଶନା ଭାର ତୁଲାଇଛନ୍ତି ସଞ୍ଜୟ ନାୟକ ଓ ମୁଖ୍ୟ ଭୂମିକାରେ ନଜର ଆସିବେ ଜ୍ୟୋତି ନାୟକ, ଲିପ୍ସା ମିଶ୍ର ଓ ଅର୍ଚ୍ଚିତା ମହାନ୍ତି । ଏହାବ୍ୟତୀତ କୁନା ତ୍ରିପାଠୀ. ପୁଷ୍ପା ପଣ୍ଡା, ଜୀବନ ପଣ୍ଡା, ସୋମେଶ ମହାନ୍ତି, ପ୍ରେମାଞ୍ଜନ ପରିଡା ଓ ସୁରେଶ ବଳ ଅଭିନୟ କରିଛନ୍ତି ।

ମଳୟ ମିଶ୍ରଙ୍କ ସଙ୍ଗୀତ ନିର୍ଦ୍ଦେଶନାରେ ଇରା ମହାନ୍ତି, ହ୍ୟୁମାନ ସାଗର, ଅସୀମା ପଣ୍ଡା ଓ ଆଶୁତୋଷ ମହାନ୍ତି, ଅରୋଶିଷ୍ ଓ ନେହା ନିହାରିକା ପ୍ରମୁଖ କଣ୍ଠଦାନ କରିଛନ୍ତି । ସୁବାସ ମିଶ୍ର ଓ ମଳୟ ମିଶ୍ର ଏଥିରେ ଗୀତ ରଚନା କରିଛନ୍ତି ।

from Kanak News
via <a href="https://ifttt.com/?