କନକ ବ୍ୟୁରୋ : ପ୍ରଥମ ଥର ପାଇଁ ଅନଲାଇନରେ ଚାଲିବ ବିଧାନସଭାର ପ୍ରଶ୍ନକାଳ । ବିଧାନସଭା ବଜେଟ ଅଧିବେଶନରେ ପ୍ରଶ୍ନୋତ୍ତର କାଳକୁ ପେପରଲେସ କରିବା ପାଇଁ ଏପରି ନିଷ୍ପତ୍ତି ନିଆଯାଇଛି । ବଜେଟ ଅଧିବେଶନରେ ସମସ୍ତ ବିଧାୟକମାନେ ଅନଲାଇନରେ ପ୍ରଶ୍ନ ପଚାରିବେ ଓ ବିଧାୟକଙ୍କ ପ୍ରଶ୍ନର ଉତ୍ତର ମନ୍ତ୍ରୀ ଅନଲାଇନରେ ଦେବେ । ବିଧାୟକଙ୍କ ମୋବାଇଲକୁ ସିଧା ଉତ୍ତର ପଠାଇ ଦିଆଯିବ । ନାଭା ଆପ ଜରିଆରେ ବିଧାନସଭାରେ ପ୍ରଶ୍ନୋତ୍ତର ଅନଲାଇନରେ ହେବ ବୋଲି ସୂଚନା ଦେଇଛନ୍ତି ବାଚସ୍ପତି ଡକ୍ଟର ସୂର୍ଯ୍ୟ ନାରାୟଣ ପାତ୍ର ।

from Kanak News
via <a href="https://ifttt.com/?

କଟକ ଜିଲ୍ଲାର ମାହାଙ୍ଗା ଥାନା ଅନ୍ତର୍ଗତ ଇଟାମୁଣ୍ତଳି ଗ୍ରାମରେ ଜଣେ ମହିଳାଙ୍କ ପିଲା ନ ହେବାରୁ ତାଙ୍କ ଶାଶୁଘର ଲୋକେ ନିର୍ଯାତନା ଦେବା ସହ ଶ୍ବଶୁର ଦୁଷ୍କର୍ମ ଉଦ୍ୟମ କରିବା ନେଇ ଥାନାରେ ପୀଡ଼ିତା ବୋହୂ ଅଭିଯୋଗ କରିଛନ୍ତି। ସୂଚନାଯୋଗ୍ୟ, ଇଟାମୁଣ୍ତଳି ଗ୍ରାମର ଚୌଧୁରୀ ମହେନ୍ଦ୍ର ଦାସ ନିଜ ବୋହୂ ସ୍ବର୍ଣ୍ଣଲତା ସାହୁଙ୍କୁ ଦୀର୍ଘଦିନ ହେବ ପିଲା ନ ହେବାରୁ ଶାରୀରିକ, ମାନସିକ ଯନ୍ତ୍ରଣା ଦେଇ ଆସୁଥିଲେ।

ଆଜି ଶ୍ବଶୁର ବୋହୂ ସ୍ବର୍ଣ୍ଣଲତାଙ୍କୁ ପାଖକୁ ଡ଼କାଇ ଘରେ ପୁରାଇ ଜୋର ଜବରଦସ୍ତି ମାଡ଼ ମାରୀ ଦୁଷ୍କର୍ମ ଉଦ୍ୟମ କରିଛନ୍ତି । ନିଜକୁ ବଞ୍ଚାଇବାକୁ ଯାଇ ଜୋ‌ରରେ ପାଟି କରିବାରୁ ଘଟଣାସ୍ଥଳରେ ତାଙ୍କ ସ୍ବାମୀ ସାରଦା ପ୍ରସାଦ ପହଞ୍ଚିଥିଲେ । ପରେ ଶ୍ବଶୁର ଉଭୟ ପୁଅ ବୋହୂଙ୍କୁ ମାଡ଼ ମାରିଥିଲେ ବୋଲି ଥାନାରେ ଅଭିଯୋଗ କରିବା ସହ ନ୍ୟ‌ାୟ ନ ମିଳିଲେ ଉଭୟ ସ୍ବାମୀ ସ୍ତ୍ରୀ ଆତ୍ମାହୁତି ଦେବେ ବୋଲି ଚେତାବନୀ‌ ଦେଇଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ : ବୁଡିଯାଉଥିବା କଂଗ୍ରେସର ମଙ୍ଗ ସମ୍ଭାଳିବ କିଏ । ଏହି ପ୍ରଶ୍ନଉତ୍ତର ଆସନ୍ତା ମେ ମାସରେ ମିଳିବାକୁ ଯାଉଛି । କାରଣ ଆସନ୍ତା ମେ ମାସରେ କଂଗ୍ରେସ ଅଧ୍ୟକ୍ଷ ନିର୍ବାଚନ ହେବ । କଂଗ୍ରେସ କାର୍ଯ୍ୟକାରିଣୀ କମିଟି ବୈଠକରେ ଏହି ଘୋଷଣା କରିଛନ୍ତି କଂଗ୍ରେସର ବର୍ତ୍ତମାନର ଅଧ୍ୟକ୍ଷ ସୋନିଆ ଗାନ୍ଧ । ସୋନିଆଙ୍କ ଏହି ଘୋଷଣା ପରେ ଚର୍ଚ୍ଚା ହେଉଛି ଚଳିତ ବର୍ଷ ହେବାକୁ ଥିବା ବିଧାନସଭା ନିର୍ବାଚନ ପରେ ପୁଣି ରାହୁଲଙ୍କୁ ମିଳିପାରେ ବଡ ଦାୟିତ୍ୱ ।

କାରଣ କଂଗ୍ରେସର କମାଣ ସମ୍ଭାଳିବାକୁ ଆଉ କେହି ଯୋଗ୍ୟ ନେତା ମିଳୁ ନାହାନ୍ତି । ପୂର୍ବରୁ ମଧ୍ୟ କଂଗ୍ରେସ କାର୍ଯ୍ୟକାରିଣୀ ବୈଠକରେ ରାହୁଲଙ୍କୁ ଦାୟିତ୍ୱ ଦେବା ପାଇଁ ଅନେକ ବଡ ନେତା ଦାବି କରିଆସିଛନ୍ତି । ବିଭିନ୍ନ ନିର୍ବାଚନରେ ବାରମ୍ବାର କଂଗ୍ରେସର ଶୋଚନୀୟ ପରାଜୟ ପରେ ଦଳରେ ନେତୃତ୍ୱର ଅଭାବକୁ ଅନୁଭବ କରୁଛନ୍ତି ରାଜ୍ୟସ୍ତରୀୟ ସଂଗଠନ ଓ କର୍ମୀ ।

from Kanak News
via <a href="https://ifttt.com/?

ଭାରତ ଓ ଯୁକ୍ତରାଷ୍ଟ୍ର ମଧ୍ୟରେ ଥିବା ଦୀର୍ଘ ଦିନର ରାଜିନାମା ଏବଂ ସଫଳ ସମ୍ପର୍କକୁ ରାଷ୍ଟ୍ରପତି ଜୋ ବାଇଡେନ୍‌ ସମ୍ମାନ ପ୍ରଦର୍ଶନ କରିଥିବା କଥା ହ୍ଵାଇଟ୍‌ ହାଉସ୍‌ର ପ୍ରେସ୍‌ ସଚିବ ଜେନ୍‌ ସାକି ଦୈନିକ ସାମ୍ବାଦିକ ସମ୍ମିଳନୀରେ ସାମ୍ବାଦିକମାନଙ୍କୁ କହିଛନ୍ତି ।

ବାଇଡେନ୍‌ଙ୍କ ଶାସନରେ ଭାରତ-ଯୁକ୍ତରାଷ୍ଟ୍ର ଆମେରିକା ସମ୍ପର୍କ ପ୍ରସଙ୍ଗରେ ପ୍ରଶ୍ନ ଉଠିବାରୁ ସାକି କହିଲେ, ରାଷ୍ଟ୍ରପତି ବାଇଡେନ୍‌ ଅନେକ ଥର ଭାରତ ଯାଇଛନ୍ତି । ଭାରତ ଓ ଯୁକ୍ତରାଷ୍ଟ୍ର ଆମେରିକାର ନେତାଙ୍କ ମଧ୍ୟରେ ହୋଇଥିବା ଦୀର୍ଘ ଦିନର ରାଜିନାମା ଓ ସଫଳ ସମ୍ପର୍କକୁ ସେ ସମ୍ମାନ ପ୍ରଦର୍ଶନ କରିବା ସହ ତାହାର ଗୁରୁତ୍ୱ ମଧ୍ୟ ବୁଝନ୍ତି । ଆଗାମୀ ଦିନରେ ମଧ୍ୟ ତାହା ପୂର୍ବ ଭଳି ଚାଲିବ ।

ଏହି ସମ୍ପର୍କକୁ ଭାରତୀୟ ବଂଶୋଦ୍ଭବ କମଳା ହାରିସ୍‌ ଆହୁରି ସୁଦୃଢ଼ କରିଛନ୍ତି ବୋଲି ସେ କହିଛନ୍ତି । ରାଷ୍ଟ୍ରପତି ତାଙ୍କୁ ମନୋନୀତ କରିଥିଲେ ଏବଂ ଗତକାଲି ସେ ଶପଥ ନେଇଛନ୍ତି । ଏହା ଆମ ସମ୍ପର୍କକୁ ଆହୁରି ସୁଦୃଢ଼ କରିବ ବୋଲି ସାକି ଗୁରୁବାର ଦିନ କହିଛନ୍ତି ।

ଗତ ନଭେମ୍ବର ମାସରେ ଆମେରିକାର ରାଷ୍ଟ୍ରପତି ନିର୍ବାଚନ ଶେଷ ହେବା ପରଠାରୁ ରାଷ୍ଟ୍ରପତି ବାଇଡେନ୍‌ଙ୍କ ସହ ପ୍ରଧାନମନ୍ତ୍ରୀ ମୋଦୀ ଅନ୍ୟୂନ ଥରଟିଏ କଥାବାର୍ତ୍ତା କରିଛନ୍ତି।

୨୦୧୪ରେ ଆମେରିକାର ଉପରାଷ୍ଟ୍ରପତି ଥିବାବେଳେ ବାଇଡେନ୍‌ ବୈଦେଶିକ ବିଭାଗରେ ଭାରତର ପ୍ରଧାନମନ୍ତ୍ରୀଙ୍କୁ ମଧ୍ୟାହ୍ନ ଭୋଜନ ସଭାରେ ଆପ୍ୟାୟିତ କରିଥିଲେ। କିନ୍ତୁ, ସେ ସମୟରେ ନବରାତ୍ର ଉପବାସ କରୁଥିବା ମୋଦୀ ଉକ୍ତ ଭୋଜନ ଏଡ଼ାଇ ଦେଇଥିଲେ।

from Kanak News
via <a href="https://ifttt.com/?

କନକ ବ୍ୟୁରୋ : ୪ଫୁଟ ଉପରକୁୁ ଉଠିଲା ଘର । କଥାଟି ଅସମ୍ଭବ ମନେ ହେଉଥିଲେ ବି କେନ୍ଦୁଝରରେ ଏଭଳି ଏକ ଘଟଣା ଦେଖିବାକୁ ମିଳିଛି । ମାଟି ଦବି ତଳୁଆ ହୋଇପଡିଥିବା ଘରକୁ ଜ୍ୟାକ ସାହାର୍ଯ୍ୟରେ ଉପରକୁ ଉଠାଯାଇଛି । ସୂଚନା ମୂତାବକ, କେନ୍ଦୁଝର ସ୍ପଞ୍ଜ କଲୋନୀର ବାସିନ୍ଦା ମହେଶ୍ୱର ନାୟକଙ୍କ ଘର ତଳକୁ ତଳ ଦବି ଯାଉଥିଲା । ବିପର୍ଯ୍ୟସ୍ଥ ଡ୍ରେନେଜ ବ୍ୟବସ୍ଥା ଯୋଗୁଁ ବର୍ଷା ହେଲେ ପାଣିରେ ସମ୍ପୂର୍ଣ୍ଣ ଭାବେ କଲୋନୀଟି ବୁଡିଯାଏ ଆଉ ଘରେ ଘରେ ପାଣି ପଶିଯାଏ । ରାସ୍ତାର ଉଚ୍ଚତା ଅନୁସାରେ ଘରର ଉଚ୍ଚତା ବହୁ ତଳେ ରହିଥିବାରୁ ଏହି ଅସୁବିଧା ସୃଷ୍ଟି ହେଉଥିଲା ।

ତେବେ ୟୁଟ୍ୟୁବରୁ ଘରକୁ ଉଚ୍ଚସ୍ଥାନକୁ ଉଠାଇହେଉଥିବାର ଏକ ଭିଡିଓ ଦେଖିବା ପରେ ସେହି ସଂସ୍ଥା ସହ ଯୋଗାଯୋଗ କରିଥିଲେ ମହେଶ୍ୱରଙ୍କ ପୁଅ ମନୋଜ । ବିଭିନ୍ନ ସ୍ଥାନରେ ଏହି ସଂସ୍ଥା କାମ କରୁଥିବା ଦେଖିବା ପରେ ମନୋଜ ଏହି ସଂସ୍ଥାକୁ ନିଜ ଘରର କାମ ପାଇଁ ଦାୟିତ୍ୱ ଦେଇଥିଲେ । ୧୨ଜଣ କୁଶଳୀ ଶ୍ରମିକଙ୍କୁ ନେଇ କାମ ଆରମ୍ଭ ହୋଇଛି । ୧୧ଶହ ବର୍ଗଫୁଟର ଘରକୁ ଉପରକୁ ଉଠାଇବାକୁ ଲାଗିଛି ୧୮୦ଟି ଜ୍ୟାକ । ୪ଫୁଟ ଉପରକୁ ଉଠିବାକୁ ୧ମାସ ସମୟ ଲାଗୁଥିବାବେଳେ ୧୫ଦିନରେ ଘରଟି ୨ଫୁଟ ଉପରକୁ ଉଠି ସାରିଲାଣି । ଆଉ ୨ ଫୁଟ ଉପରକୁ ଉଠାଇବା କାମ ଜାରି ରହିଛି । ଏଥିପାଇଁ ପାଖାପାଖି ୧୦ଲକ୍ଷରୁ ଅଧିକ ଟଙ୍କା ଖର୍ଚ୍ଚ ହେବ ବୋଲି ଘର ମାଲିକ କହିଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ : ଏ ବର୍ଷ ମାଟ୍ରିକ୍ ପରୀକ୍ଷାର୍ଥୀମାନେ ନିଜେ ପଢ଼ୁଥିବା ସ୍କୁଲରେ ପରୀକ୍ଷା ଦେବେ । ଏନେଇ ବିଧିବଦ୍ଧ ଭାବେ ଘୋଷଣା କରିଛନ୍ତି ବୋର୍ଡ ସଭାପତି ।

ମାଟ୍ରିକ୍ ପରୀକ୍ଷାର୍ଥୀମାନେ ନିଜ ସ୍କୁଲରେ ପରୀକ୍ଷା ଦେଲେ ବି ସେହି ସ୍କୁଲର ଶିକ୍ଷକମାନେ ପରୀକ୍ଷା ନିରୀକ୍ଷକ ହୋଇପାରିବେ ନାହିଁ । ଅନ୍ୟ ସ୍କୁଲର ଶିକ୍ଷକମାନେ ପରୀକ୍ଷା ନିରୀକ୍ଷକ ଭାବେ ନିୟୋଜିତ ହେବେ । ଖାଲି ସେତିକି ନୁହେଁ, ଏଥର ମାଟ୍ରିକ୍ ପରୀକ୍ଷାର ଅବଧି ମଧ୍ୟ ହ୍ରାସ କରି ଦିଆଯାଇଛି। ଛାତ୍ରଛାତ୍ରୀମାନେ ଅଢ଼େଇ ଘଣ୍ଟା ବଦଳରେ ଚଳିତ ଥର ୨ ଘଣ୍ଟାର ପରୀକ୍ଷା ଦେବେ । କରୋନାକୁ ଆଖି ଆଗରେ ରଖି ମାଟ୍ରିକ୍ ପରୀକ୍ଷାର୍ଥୀମାନଙ୍କ ସୁବିଧା ପାଇଁ ଏଭଳି ନିଷ୍ପତ୍ତି ନିଆଯାଇଥିବା କୁହାଯାଉଛି । ତା’ଛଡ଼ା ଏହାଦ୍ବାରା ପରୀକ୍ଷାର୍ଥୀମାନଙ୍କ ଯାତାୟତ ଓ ରହଣିରେ ଅସୁବିଧା ହେବ ନାହିଁ।

from Kanak News
via <a href="https://ifttt.com/?

କନକ ବ୍ୟୁରୋ : ଢେଙ୍କାନାଳ ଜିଲ୍ଲା କାମାକ୍ଷନଗର କଲେଜରେ ମନ୍ତ୍ରୀ ପ୍ରଫୁଲ୍ଲ ମଲ୍ଲିକଙ୍କ ବୋହୂଙ୍କୁ ଅନୁକମ୍ପା ଘଟଣାରେ ପ୍ରତିକ୍ରିୟା ରଖିଛନ୍ତି ନିଜେ ଲିପ୍‌ସା ପ୍ରଧାନ । ପ୍ରଥମଥର ପାଇଁ ସାମ୍ନାକୁ ଆସି ତାଙ୍କ ବିରୋଧରେ ଆସିଥିବା ଅଭିଯୋଗକୁ ଭିତ୍ତିହୀନ ବୋଲି କହିଛନ୍ତି । ଆରଟିଆଇ ତଥ୍ୟରୁ ନେଇ ଯେଉଁ ରାଜନୀତି କରାଯାଉଛି ତାହା ମିଛ । ତାଙ୍କ ପାଖରେ ସମସ୍ତ ତଥ୍ୟର ରେକର୍ଡ ରହିଥିବା ସେ ଦାବି କରିଛନ୍ତି ।

ଉତ୍କଳ ବିଶ୍ୱବିଦ୍ୟାଳୟରେ ସେ ପ୍ରି-ପିଏଚଡି କରିଛନ୍ତି । ଏପରିକି ସେ କଲେଜକୁ ନିୟମିତ ଭାବରେ ଯାଆନ୍ତି ଓ କଲେଜରେ ଉପସ୍ଥାନ ରହିଥିବା ସେ କହିଛନ୍ତି । ବେଆଇନ ଭାବେ ଦରମା ଟଙ୍କା ଉଠାଇ ନଥିବା ସେ ସଫେଇରେ କହିଛନ୍ତି । ତେଣୁ ସୂଚନା ଅଧିକାର କର୍ମୀ ତାଙ୍କ ନାଁରେ ଆଣିଥିବା ଅଭିଯୋଗ ଭିତ୍ତିହୀନ ବୋଲି ସେ କହିଛନ୍ତି । ସୂଚନା ଅଧିକାର ଆଇନ ବଳରେ କାମାକ୍ଷାନଗର କଲେଜରେ ଚାଲିଥିବା ଏହି ଦୁର୍ନୀତି ନେଇ ଓଡିଶା ଲୋକାୟୁକ୍ତଙ୍କ ନିକଟରେ ଅଭିଯୋଗ ହୋଇଛି । ଖଣି ଓ ଇସ୍ପାତ ମନ୍ତ୍ରୀ ପ୍ରଫୁଲ୍ଲ ମଲ୍ଲିକଙ୍କ ବୋହୁ ଲିପ୍‌ସା ପ୍ରଧାନଙ୍କ ନାଁରେ ସାଂଘାତିକ ଅଭିଯୋଗ ଆଣିଛନ୍ତି ସୂଚନା ଅଧିକାର କର୍ମୀ ଜୟକୃଷ୍ଣ ବେହେରା ।

ଅଭିଯୋଗ ଅନୁସାରେ, ୨୦୧୬-୧୮ଶିକ୍ଷାବର୍ଷ ମଧ୍ୟରେ ଲିପ୍‌ସାଙ୍କର ଉପସ୍ଥାନ ରେକର୍ଡ କଲେଜରେ ନାହିଁ। କିନ୍ତୁ, ତାଙ୍କ ନାଁରେ କଲେଜରୁ ମାସକୁ ମାସ ଦରମା ଉଠିଛି । କଲେଜକୁ ନ ଆସି କେମିତି ଲିପ୍‌ସାଙ୍କୁ ଦରମା ଦିଆଗଲା ତା’ ଉପରେ ପ୍ରଶ୍ନ କରିବାକୁ କଲେଜ କର୍ତୃପକ୍ଷ ପିଏଚ୍‌ଡିର ଆଳ କରିଛନ୍ତି । ସୂଚନା ଅଧିକାର ଆଇନ ବଳରେ କଲେଜ ଦର୍ଶାଇଛି, ଲିପ୍‌ସା ଏହି ସମୟରେ ଉତ୍କଳ ବିଶ୍ବବିଦ୍ୟାଳୟରେ ପିଏଚ୍‌ଡି କରିବାକୁ ଯାଇଥିଲେ । ତେଣୁ, ପାଠପଢ଼ାଜନିତ ଛୁଟିରେ ରହିଥିଲେ। କିନ୍ତୁ, ଉତ୍କଳ ବିଶ୍ବବିଦ୍ୟାଳୟ ଲିପ୍‌ସାଙ୍କ ପ୍ରସଙ୍ଗରେ ଭିନ୍ନ ଉତ୍ତର ରଖିଛି ।

ସୂଚନା ଅଧିକାର ଆଇନ ବଳରେ ବିଶ୍ବବିଦ୍ୟାଳୟ ତଥ୍ୟ ଦେଇଛି, ୨୦୧୫-୧୬ ଏବଂ ୨୦୧୬-୧୭ ଶିକ୍ଷାବର୍ଷରେ ଉତ୍କଳ ବିଶ୍ବବିଦ୍ୟାଳୟର ପ୍ରାଣୀ ବିଜ୍ଞାନ ବିଭାଗରେ ଲିପ୍‌ସା ନାମରେ କୌଣସି ମହିଳା ପିଏଚ୍‌ଡି କରିନାହାନ୍ତି କି ନାମ ପଞ୍ଜୀକରଣ ବି କରିନାହାନ୍ତି। ଗୋଟିଏ ପଟେ ମନ୍ତ୍ରୀଙ୍କ ବୋହୂଙ୍କର ପିଏଚ୍‌ଡି କଥାକୁ ବିଶ୍ବବିଦ୍ୟାଳୟ କର୍ତୃପକ୍ଷ ମନା କରୁଥିବା ବେଳେ କଲେଜ କର୍ତୃପକ୍ଷ ପିଏଚ୍‌ଡି ନାଁରେ ସବେତନ ଛୁଟି କଥା କେମିତି ଦର୍ଶାଉଛନ୍ତି ବୋଲି ସୂଚନା ଅଧିକାର କର୍ମୀ ଶ୍ରୀ ବେହେରା ପ୍ରଶ୍ନ କରିବା ସହିତ ୨୦୨୦ମସିହା ଜାନୁଆରି ୧୦ତାରିଖ ଦିନ ଓଡ଼ିଶା ଲୋକାୟୁକ୍ତଙ୍କ ଦ୍ବାରସ୍ଥ ହୋଇଥିଲେ ।

from Kanak News
via <a href="https://ifttt.com/?

କନକ ବ୍ୟୁରୋ : ଚାଷୀଙ୍କ ପ୍ରତି ଅନ୍ୟାୟକୁ ବରଦାସ୍ତ କରାଯିବ ନାହିଁ। ସେମାନଙ୍କ ପାଇଁ ବିଜେପି ରାସ୍ତାରୁ ନେଇ ବିଧାନସଭା ପର୍ଯ୍ୟନ୍ତ ସବୁଠି ଲଢ଼େଇ କରିବ। ପ୍ରତିଟି ଚାଷୀକୁ ତାର କଷ୍ଟୋପାର୍ଜିତ ଫସଲର ଶେଷ ବସ୍ତାର ମୂଲ୍ୟ ନ ମିଳିବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ। ଗୁରୁବାର ସମ୍ବଲପୁରରେ ଆୟୋଜିତ ‘ଚାଷୀ ଅଧିକାର’ ରାଲିରେ ଏଭଳି ଗର୍ଜନ କରିଛନ୍ତି ବିଜେପି ନେତା ଓ କର୍ମୀ।

ପଶ୍ଚିମ ଓଡ଼ିଶାର ୩୭ଟି ବିଧାନସଭା କ୍ଷେତ୍ରରୁ ପ୍ରାୟ ୧୦ ହଜାର ନେତା ଓ କର୍ମୀ ଏକତ୍ରିତ ହୋଇଥିଲେ ସମ୍ବଲପୁରରେ। ଅଇଁଠାପାଲି ପିଏଚ୍‌ଡି ପଡ଼ିଆରେ ପ୍ରଥମେ ବିଶାଳ ସମାବେଶ ଆୟୋଜିତ ହୋଇଥିଲା। ଏଥିରେ ଉଦ୍‌ବୋଧ‌ନ ଦେଇ ପ୍ରାୟ ସମସ୍ତ ନେତା ବରଗଡ଼ରେ ଜଣେ ଚାଷୀଙ୍କ ମୃତ୍ୟୁ ପାଇଁ ରାଜ୍ୟ ସରକାରଙ୍କ ବେପରୁଆ ନୀତିକୁ ଦାୟୀ କରିଥିଲେ । ଏହାପରେ ସମସ୍ତେ ପିଏଚ୍‌ଡି ପଡ଼ିଆରୁ ଏକ ବିଶାଳ ଶୋଭାଯାତ୍ରାରେ ବାହାରି ସହର ମଧ୍ୟ ଦେଇ ଆସି ଉତ୍ତରାଞ୍ଚଳ ରାଜସ୍ବ ଆୟୁକ୍ତଙ୍କ କାର୍ଯ୍ୟାଳୟ ନିକଟରେ ପହଞ୍ଚିଥିଲେ। ପୂର୍ବରୁ ପ୍ରସ୍ତୁତ ପୁଲିସ୍‌ ଉକ୍ତ ଅଞ୍ଚଳକୁ ସଂପୂର୍ଣ୍ଣ ଆବଦ୍ଧ କରି ରଖିଥିଲା । ଶୋଭାଯାତ୍ରା ପହଞ୍ଚିବା ପରେ ରାଜ୍ୟ ସରକାର ଓ ମୁଖ୍ୟମନ୍ତ୍ରୀଙ୍କ ବିରୋଧୀ ସ୍ଳୋଗାନରେ ସମଗ୍ର ଅଞ୍ଚଳ ପ୍ରକମ୍ପିତ ହୋଇଥିଲା । ପୁଲିସ୍‌ ସହ ବିଜେପି କର୍ମୀଙ୍କର ପ୍ରବଳ ଧସ୍ତାଧସ୍ତି ହୋଇଥିଲା । କିଛି କର୍ମୀ ପାଚେରି ଉପରକୁ ଉଠି ଆର୍‌ଡିସି କାର୍ଯ୍ୟାଳୟକୁ ଯିବାକୁ ଉଦ୍ୟମ କରିଥିଲେ । କିନ୍ତୁ ପୁଲିସ୍‌ ବହୁ ପ୍ରମୁଖ ନେତାଙ୍କୁ ଗିରଫ କରିବା ସହ କୌଣସି ପ୍ରକାରେ ଜନ ସମୁଦ୍ରକୁ ପ୍ରତିରୋଧ କରିଥିଲା ।

ଆର୍‌ଡିସି ସେମାନଙ୍କୁ ନଭେଟିବା ଓ ଦାବିପତ୍ର ଗ୍ରହଣ ନକରିବା ପ୍ରତିବାଦରେ ଗିରଫ ହୋଇ ଆସିଥିବା ବିଜେପି ନେତୃବୃନ୍ଦଙ୍କ ସହ ବହୁ ନେତା ଓ କର୍ମୀ ସମ୍ବଲପୁର ଟାଉନ୍‌ ଥାନାରେ ଧାରଣାରେ ବସି ରହିଥିଲେ। ଆର୍‌ଡିସି ଆସି ଆଲୋଚନା ନ କରିବା ପର୍ଯ୍ୟନ୍ତ ସେମାନେ ସେଠାରୁ ଉଠିବେ ନାହିଁ ବୋଲି ଜିଦ୍‌ ଧରିଥିଲେ । ରାତି ପର୍ଯ୍ୟନ୍ତ ସେମାନେ ବସି ରହିଥିଲେ । କେନ୍ଦ୍ରୀୟ ପର୍ଯ୍ୟବେକ୍ଷକ ଭାବେ ଆସିଥିବା ରାଜ୍ୟସଭା ସାଂସଦ ବିଜୟପାଲ୍ ସିଂହ‌ ତୋମାର ରାତିରେ ଥାନା ପରିସରରେ ସାମ୍ବାଦିକ ସମ୍ମିଳନୀ ଡାକି କହିଲେ ଯେ ଏତେ ବଡ଼ ସମାବେଶ ସତ୍ତ୍ବେ କୌଣସି ସରକାରୀ ଅଧିକାରୀ ଆମ ପ୍ରତିନିଧିଙ୍କୁ ନ ଭେଟିବା ସରକାରଙ୍କ ଅହଂକାରର ପରିଚୟ ଦିଏ । ତେବେ ରାଜ୍ୟ ସରକାରଙ୍କ ଏକଚାଟିଆ ନୀତିରେ ବିଜେପି ଦବି ଯିବନାହିଁ । ମଣ୍ଡିରୁ ଚାଷୀଙ୍କ ଶେଷ ମୁଠା ଧାନ ନ ଉଠିବା ଯାଏ ଆମ ଆନ୍ଦୋଳନ ଜାରି ରହିବ ବୋଲି ସେ ଘୋଷଣା କରିଥିଲେ ।

 

from Kanak News
via <a href="https://ifttt.com/?

ଦୁଇ ଦିବ୍ୟାଙ୍ଗଙ୍କ ନିଆରା ବିବାହ । ବାଜା ବଜାଇ ବର ଆସିଲା । ବନ୍ଧୁବାନ୍ଧବ ଓ ସାହିପଡୋଶୀ ଆସି ଥିଲେ ବରଯାତ୍ରୀରେ । ସେପଟେ କନିଆ ବଧୂ ବେଶରେ ସଜ ହୋଇ ମନ୍ଦିରରେ ଅପେକ୍ଷା କରି ଥିଲା ତାର ଜନ୍ମ ଜନ୍ମର ସାଥୀକୁ । ଏପରି ଏକ ନିଆରା ବିବାହ ହୋଇଛି ଡିହସାହି, କୈଳପଡା ପଞ୍ଚାୟତର ମଠସାହି ଗ୍ରାମରେ। ସମସ୍ତେ ସାମିଲ ହୋଇ ଦୁଇ ଦିବ୍ୟାଙ୍ଗଙ୍କ ବିବାହ କରାଇଛନ୍ତି । ବର ଓ କନିଆ ଦୁହେଁ ଦୁନିଆର ଆଲୋକ ଦେଖି ପାରୁନଥିବା ବେଳେ ଆଜି ବିବାହର ପବିତ୍ର ବନ୍ଧନରେ ବାନ୍ଧି ହୋଇଛନ୍ତି । ଗ୍ରାମବାସୀଙ୍କ ଉଦ୍ୟମରେ ଏହି ବିବାହ ଗ୍ରାମର ରାଧାମାଧବ ମନ୍ଦିରରେ ଆୟୋଜନ କରାଯାଇଥିଲା ।

ମଠସାହି ଗ୍ରାମର ସ୍ବର୍ଗତ ଗତିକୃଷ୍ଣ ନାୟକଙ୍କ ପୁଅ ମୁନା ନାୟକଙ୍କ ସହିତ ସେହି ଗ୍ରାମର ଦିବାକର ନାୟକଙ୍କ ଝିଅ ରିନୁ ନାୟକଙ୍କର ବିବାହ ଅନୁଷ୍ଠିତ ହୋଇଛି । ଜନ୍ମର ୩ରୁ ୫ ବର୍ଷ ମଧ୍ୟରେ ଦୁଇଙ୍କ ଠାରେ ଦୃଷ୍ଟିଶକ୍ତି କମିବାର ସମସ୍ୟା ଦେଖାଦେଲା। ଦୁଇ ପରିବାର ପକ୍ଷରୁ ସେମାନଙ୍କ ଚିକିତ୍ସା‌ ପ‌ାଇଁ ଉଦ୍ୟମ କରାଗଲା । ମାତ୍ର ପରିବାରର ଆର୍ଥିକ ସ୍ଥିତି ଭଲ ନଥିବାରୁ ଅଧିକ ଚିକିତ୍ସା ହୋଇ ପାରିଲା ନାହିଁ । ଦୁହିଁଙ୍କ ଠାରେ ୬୦ରୁ ୭୦ ପ୍ରତିଶତ ଦୃଷ୍ଟି ଶକ୍ତି ସମସ୍ୟା ରହିଛି । ମୁନା ୯ମ ଶ୍ରେଣୀ ପର୍ଯ୍ୟନ୍ତ ପଢିଥିବା ବେଳେ ରିନୁ ମାଟ୍ରିକ ପାସ୍‌ କରିଛନ୍ତି । ଭୁବନେଶ୍ବର ୧ନଂ ମାର୍କେଟରେ ମୁନା ଚାବି ରିଂର ଏକ ଛୋଟ ଦୋକାନ ଦେଇଥିଲେ । ମାତ୍ର କରୋନା ପାଇଁ ତାହା ଏବେ ବନ୍ଦ ହୋଇଯାଇଛି । ଦୁଇ ଜଣଙ୍କ ବିଷୟରେ ପରିବାରର ସଦସ୍ୟ ଚିନ୍ତାରେ ଥିବା ବେଳେ ଗ୍ରାମର କିଛି ବ୍ୟକ୍ତି ଦୁହିଁଙ୍କ ବିବାହ କରାଇବାକୁ ଯୋଜନା କରିଥିଲେ । ଦୁଇ ପରିବାରର ସଦସ୍ୟଙ୍କ ସହିତ ଏନେଇ ଆଲୋଚନା କରିଥିଲେ । ପ୍ରଥମେ ବର ଓ କନିଆ ଉଭୟଙ୍କୁ ଏ ବିଷୟରେ ପଚରା ଯାଇଥିଲା । ଉଭୟ ବିବାହ କଲେ ସେମାନଙ୍କ ପିଲାଙ୍କ ଠାରେ ବି ଦୃଷ୍ଟିଶକ୍ତି ସମସ୍ୟା ଦେଖାଯିବ ବୋଲି ସେମାନେ ଆଶଙ୍କା କରିଥିଲେ । କିନ୍ତୁ ଏ ବିଷୟରେ ଗ୍ରାମର ମୁରବି ଡାକ୍ତରଙ୍କ ପରାମର୍ଶ ନେଇଥିଲେ । ବାପା ଓ ମା’ଙ୍କ ଦୃଷ୍ଟି ସମସ୍ୟା ଥିଲେ ପିଲାଙ୍କ ଠାରେ ଏହାର କୌଣସି ପ୍ରଭାବ ପଡିବ ନାହିଁ ବୋଲି ଡାକ୍ତର କହିଥିଲେ । ଏହାପରେ ଦୁଇଜଣ ବିବାହ କରିବାକୁ ରାଜି ହୋଇଥିଲେ । ଗ୍ରାମର ପ୍ରଦୀପ କୁମାର ବିଶ୍ବାଳ, ଶ୍ରୀକାନ୍ତ ଚୌଧୁରୀ, ମନ୍ଦାକିନୀ ନାୟକ ପ୍ରମୁଖ ବିବାହ ଆୟୋଜନରେ ପ୍ରମୁଖ ଭୂମିକା ଗ୍ରହଣ କରିଥିଲେ । ଟାଙ୍ଗୀ–ଚୌଦ୍ବାର ପଂଚାୟତ ସମିତି ଉପାଧ୍ୟକ୍ଷ ଜାନକୀ ପରିଡ଼ା ବି ନବ ଦମ୍ପତିଙ୍କୁ ଆଶୀର୍ବାଦ ପ୍ରଦାନ କରିଥିଲେ ।

from Kanak News
via <a href="https://ifttt.com/?

କନକ ବ୍ୟୁରୋ : କାଲିମେଳାରୁ ବିପୁଳ ପରିମାଣର ବିସ୍ଫୋରକ ଜବତ । ୭୬ ବାଟାଲିୟନ ବିଏସଏଫ ଯବାନଙ୍କ ଦ୍ୱାରା ମରିଗେତା ଜଙ୍ଗଲର ଏକ ପାହାଡ଼ ଖୋଲରୁ ଏହି ବିସ୍ଫୋରକ ଜବତ କରାଯାଇଛି । ଯବାନଙ୍କୁ ଟାର୍ଗେଟ କରି ପାହାଡ଼ ଖୋଲରେ ନକ୍ସଲ ବିସ୍ଫୋରକ ଲୁଚାଇଥିବା ସନ୍ଦେହ କରାଯାଉଛି । ବିସ୍ଫୋରକ ମଧ୍ୟରେ ଅଛି ବିପୁଳ ପରିମାଣର ଜିଲୋଟିନ ଷ୍ଟ୍ରିକ, ଡିଟୋନେଟର ଓ ତାର । ନକ୍ସଲ ଏହି ବିସ୍ଫୋରକକୁ ବ୍ୟବହାର କରି ଯବାନଙ୍କୁ ଏବଂ ପୁଲିସକୁ ଟାର୍ଗେଟ କରିଥାନ୍ତେ । ତେବେ ବିଏସଏଫ ଯବାନଙ୍କ ଏହି ସଫଳତା ପରେ ଏକ ବଡ ଦୁର୍ଘଟଣାକୁ ଏଡାଇ ଦିଆଯାଇଥିବା କୁହାଯାଇଛି ।

ଓଡିଶା ଛତିଶଗଡ ବଡର ଅଂଚଳରେ ନକ୍ସଲ ଏଭଳି ବ୍ୟାପକ ବିସ୍ଫୋରକଗୁଡିକ ଲୁଚାଇ ରଖିଥିବା ଅନୁମାନ । ପୂର୍ବରୁ ମାଲକାନଗିରି ପୁଲିସ ସ୍ବାଭିମାନ ଅଂଚଳକୁ ଲାଗି ରହିଥିବା ଜଂଗଲରୁ ବ୍ୟାପକ ବିସ୍ଫୋରକ ସହ ମାଓ ସାମଗ୍ରୀ ଜବତ କରିସାରିଛନ୍ତି । ତେବେ ନକ୍ସଲଙ୍କ ଯୋଜନା ପଣ୍ଡ ହୋଇଥିବାରୁ ସାଧାରଣରେ ପ୍ରଶଂସା କରାଯାଇଛି ।

from Kanak News
via <a href="https://ifttt.com/?