କନକ ବ୍ୟୁରୋ: ଗଞ୍ଜେଇ ପାଇଁ ଓଡିଶାରେ ଛାନଭିନ । ଜୟପୁରରୁ ନାଗପୁର ଯାଉଛି ଗଞ୍ଜଇ । ମାଫିଆର ଲିଙ୍କ୍ ଖୋଜି ଖୋଜି ଜୟପୁରରେ ପହଁଚିଛି ମୁମ୍ୱାଇ ଆଂଟି ଟେରରିଜିମ୍ ସ୍କୁଆଡ୍ । ଗଂଜେଇ ଚାଲାଣକାରୀ ମାଫିଆକୁ ସ୍ଥାନୀୟ ପୋଲିସ ସହାୟତାରେ ଗିରଫ କରାଯାଇଛି । ଗିରଫ ଗଂଜେଇ ମାଫିଆ ଜୟପୁର ସହର ନିକଟ କଲାକୁଡାର ଖଗାପତି ପାଙ୍ଗି ବୋଲି ପୋଲିସ ସୂଚନା ଦେଇଛି ।

ତେବେ ଜୟପୁରରୁ ନାଗପୁରକୁ ଗଂଜେଇ ଚୋରା ଚାଲାଣ ପଛରେ ତାହାର ଲିଙ୍କ୍ ଥିବା ମୁମ୍ୱାଇ ଆଂଟି ଟେରରିଜିମ୍ ସ୍କୁଆଡ୍ ଜାଣିବା ପରେ , ତାକୁ ଧରିବା ପାଇଁ ଜୟପୁରରେ ପହଁଚିଥିଲା । ଗିରଫ ପରେ ଗଂଜେଇ ମାଫିଆ ଖଗାପତି ପାଙ୍ଗିକୁ ମୁମ୍ୱାଇ ନେବ ଆଂଟି ଟେରରିଜମ୍ ସ୍କୁଆଡ୍ ।

from Kanak News
via <a href="https://ifttt.com/?

କନକ ବ୍ୟୁରୋ : ଭୋଟ ପାଇଁ ଯୋଜନା ନା ବିକାଶ ପାଇଁ ଯୋଜନା । ଗୋଟିଏ ପଟେ ସରକାର କୃଷକ ମାନଙ୍କ ଆର୍ଥିକ ସ୍ଥିତିରେ ଉନ୍ନତି ଆଣିବାକୁ ଯୋଜନା ପରେ ଯୋଜନା ପ୍ରଣୟନ କରିବାରେ ଲାଗିଛନ୍ତି । ଏହି ଯୋଜନାର ସଫଳ ରୂପାୟନ ପାଇଁ ରାଜକୋଷରୁ ହଜାର ହଜାର କୋଟି ଟଙ୍କାର ସହାୟତା କୃଷକ ମାନଙ୍କୁ ଦିଆଯାଉଛି ବୋଲି ବିଭିନ୍ନ ସଭା ଓ ସମାବେଶରେ ନେତାମାନେ ଗଳା ଫଟାଇ ଚିକ୍ରାର କରୁଛନ୍ତି । ହେଲେ ଯୋଜନା ହେଉଛି କାହା ପାଇଁ ଆଉ ଯୋଜନାର ପ୍ରକୃତ ଲାଭ ପାଉଛି କିଏ ? । ଏନେଇ ସୂଚନା ଅଧିକାର କର୍ମୀ ଏକ ବଡ ଖୋଲାସା କରିଛନ୍ତି । ଯାହା ଶୁଣିଲେ ଆପଣ ବି କହିବେ ମୋ କର ଟଙ୍କା କ’ଣ ସତରେ ଏତେ ଅଦରକାରୀ କ୍ଷେତ୍ରରେ ବ୍ୟବହାର ହେଉଛି !

କେନ୍ଦ୍ର ସରକାର କୃଷକ ମାନଙ୍କ ଆର୍ଥିକ ସ୍ଥିତିର ପରିବର୍ତ୍ତନ ଆଣିବାକୁ ୨୦୧୯ ରେ ଆରମ୍ଭ କରିଥିଲେ ପ୍ରଧାନମନ୍ତ୍ରୀ କିଷାନ ଯୋଜନା । ଏହି ଯୋଜନା ଅଧିନରେ ହିତାଧିକାରୀଙ୍କ ପ୍ରତି ୪ ମାସରେ ୨ ହଜାର ଟଙ୍କା ପ୍ରଦାନ କରାଯାଉଛି । ଅର୍ଥାତ ବାର୍ଷିକ ଜଣେ କୃଷକ ଖାତାକୁ କେନ୍ଦ୍ର ସରକାର ୬ ହଜାର ଟଙ୍କା ସହାୟତା ରାଶି ପ୍ରଦାନ କରୁଛନ୍ତି । ହେଲେ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ସରକାର ଯାହାକୁ କୃଷକ ବୋଲି କହି ଟଙ୍କା ପ୍ରଦାନ କରୁଛନ୍ତି ସେମାନଙ୍କ ମଧ୍ୟରୁ ଦେଶରେ ୨୦ ଲକ୍ଷ ୪୮ ହଜାର ଅଯୋଗ୍ୟ ହିତାଧିକାରୀଙ୍କ ଖାତାକୁ ଏହି ଟଙ୍କା ଯାଉଛି । ଯାହା ଫଳରେ କେନ୍ଦ୍ର ଅର୍ଥକୋଷରୁ ୧,୩୬୪ କୋଟି ଟଙ୍କା ପାଣିରେ ପଡିଛି । ସୂଚନା ଅଧିକାର ଆଇନ ବଳରେ ମଗାଯାଇଥିବା ତଥ୍ୟ ଉପରେ କେନ୍ଦ୍ର କୃଷି ମନ୍ତ୍ରଣାଳୟ ଏଭଳି ସୂଚନା ଦେଇଛି ।

ମିଳିଥିବା ସୂଚନା ମୁତାବକ ଏହି ଅଯୋଗ୍ୟ ହିତାଧିକାରୀଙ୍କ ମଧ୍ୟରୁ ୫୫.୫୮ ପ୍ରତିଶତ ଆୟକର ଦାତା ଶ୍ରେଣୀଭୂକ୍ତ ଅଟନ୍ତି । ସେହିଭଳି ୪୪.୪୧ ପ୍ରତିଶତ ଅଯୋଗ୍ୟ ହିତାଧିକାରୀ ଆବଶ୍ୟକ ଯୋଗ୍ୟତା ପୂରଣ କରୁନଥିବା ରିପୋର୍ଟରେ ସୂଚିତ କରାଯାଇଛି । କମନେଓଲଥ୍ ହ୍ୟୁମାନ ରାଇଟସ୍ ଇନସିପଟିଭ୍ ଅନ୍ତର୍ଗତ ସୂଚନା ଅଧିକାର କର୍ମୀ ଭେଙ୍କଟସ୍ ନାୟକଙ୍କ ଦ୍ୱାରା କରାଯାଇଥିବା ଆବେଦନର ଉତ୍ତରରେ କୃଷି ମନ୍ତ୍ରଣାଳୟ ପକ୍ଷରୁ ଏହି ରିପୋର୍ଟ ପ୍ରଦାନ କରାଯାଇଛି । ଅନ୍ୟପଟେ ରିପୋର୍ଟରେ କୁହାଯାଇଛି କି ଯେଉଁ ଅଯୋଗ୍ୟ ହିତାଧିକାରୀଙ୍କ ଖାତାକୁ ଏହି ସହାୟତା ରାଶି ଯାଇଛି ଏବେ ସେମାନଙ୍କ ଠାରୁ ଏହି ଟଙ୍କା ଫେରସ୍ତ ଅଣାଯିବା ପ୍ରକ୍ରିୟା ଏବେ ଆରମ୍ଭ ହୋଇଛି ।

from Kanak News
via <a href="https://ifttt.com/?

କନକ ବ୍ୟୁରୋ : ରାଜ୍ୟକୁ କରୋନା ଟିକା ଆସିଲେ କିପରି କରାଯିବ ଟିକାକରଣ । ଏନେଇ ସୂଚନା ଦେଇଛନ୍ତି ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ । ସରକାରଙ୍କ ନିର୍ଦ୍ଦେଶ ଅନୁସାରେ ରାଜ୍ୟରେ ୧୬୦ଟି ସେସନ ସାଇଟରେ କରାଯିବ ଟିକାକରଣ । ସେସନ ସାଇଟ୍ ନିର୍ଦ୍ଧାରଣ କରାଯାଇସାରିଛି । ସରକାରୀ ଡାକ୍ତରଖାନା, ସିଏଚସି, ପିଏଚସି ଏବଂ ଘରୋଇ ଡାକ୍ତରଖାନାକୁ ମିଶାଇ ମୋଟ୍ ୧୬୦ଟି ସ୍ଥାନରେ କରାଯିବ ଟିକାକରଣ ।

ରାଜ୍ୟ ସ୍ତରରେ କିପରି ଟିକାକରଣ କରାଯିବ ସେ ନେଇ ଚର୍ଚ୍ଚା ଚାଲିଛି । ଟିକାକରଣ ପାଇଁ ରାଜ୍ୟକୁ ପର୍ଯ୍ୟାୟକ୍ରମେ ଉପକରଣ ସବୁ ଆସୁଛି । ଏବେ ଯାହା ଉପକରଣ ଆସିଛି ପ୍ରଥମ ପର୍ଯ୍ୟାୟ ଟିକାକରଣ ପାଇଁ ଅସୁବିଧା ହେବନାହିଁ ବୋଲି ସେ କହିଛନ୍ତି । ପ୍ରତି ସ୍ଥାନରେ ୧୦୦ ଜଣ ଲେଖାଏଁ ସ୍ୱାସ୍ଥ୍ୟକର୍ମୀଙ୍କୁ ଦିଆଯିବ କରୋନା ଟିକା । ତେବେ କେବେ ଦିଆଯିବ ତାହା ସ୍ପଷ୍ଟ ହୋଇନାହିଁ । କିନ୍ତୁ ଖୁବ୍ ନିକଟରେ ରାଜ୍ୟରେ ଟିକାକରଣ କରାଯିବ ବୋଲି ସୂଚନା ଦେଇଛନ୍ତି ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ । କମ୍ପାନୀ ପାଖରୁ ଟିକା ଆସିବା ପରେ ଷ୍ଟେଟ୍ ଭ୍ୟାକ୍ସିନ୍ ସେଂଟରକୁ ପ୍ରଥମେ ଟିକା ଆସିବ ।

from Kanak News
via <a href="https://ifttt.com/?

କନକ ବ୍ୟୁରୋ : କ୍ଷୀର ଖୋଲିଦେଲା ଭାଗ୍ୟ । କରୋନା କାଳର କୋଟିପତି ମାଉସୀ । ଲକଡାଉନ୍ ସମୟରେ କ୍ଷୀର ବିକ୍ରି କରି କୋଟିପତି ବନିଲେ ବୃଦ୍ଧା । କୁହାଯାଏ, କୌଣସି ବି କାମ ଛୋଟ କିମ୍ବା ବଡ ହୋଇନଥାଏ । ଆପଣଙ୍କୁ କେବଳ ସେହି କାମର ମହତ୍ୱ ଜାଣିବା ଆବଶ୍ୟକ । ସବୁ କାମର ଆରମ୍ଭ ସବୁବେଳେ ଛୋଟରୁ ହିଁ ହୋଇଥାଏ । ଯଦି ସେହି କାମ ପ୍ରତି ଆପଣଙ୍କ ଭଲପାଇବା ଆଉ ଏକାଗ୍ରତା ରହିଥାଏ, ତେବେ ସଫଳତା ନିଶ୍ଚିତ ମିଳିଥାଏ । ଆଜି ଆମେ ଆପଣଙ୍କୁ ସେମିତି ଏକ କାହାଣୀ କହିବୁ, ଯାହା ଜାଣିଲେ ଆପଣଙ୍କ ମନୋବଳ ବି ଦୃଢ ହେବ, ଆଉ ଆତ୍ମବିଶ୍ୱାସ ଦୁଇଗୁଣ ହୋଇଯିବ ।

କରୋନା ମହାମାରୀ ଭିତରେ ଯେତେବେଳେ ସରକାର ଲକଡାଉନ୍ ଘୋଷଣା କଲେ, ସେତେବେଳେ ଅନେକ ଲୋକ ସେମାନଙ୍କ ଚାକିରି ହରାଇଥିଲେ, ଆଉ ବାହାରେ କାମ କରୁଥିବା ଲୋକମାନେ କାମ ଛାଡି ଗାଁକୁ ଫେରିଆସି ଚାଷ କାମ କରୁଥିବାର ମଧ୍ୟ ଦେଖିବାକୁ ମିଳିଥିଲା । ଆଉ ଏହାରି ଭିତରେ ଜଣେ ୬୨ ବର୍ଷୀୟା ବୃଦ୍ଧା ପଶୁପାଳନ ଏବଂ ଦୁଗ୍ଧ ଉତ୍ପାଦନ କରି କୋଟିପତି ବନିଛନ୍ତି । ଆଉ ବ୍ୟବସାୟ କ୍ଷେତ୍ରରେ ନୂଆ କୀର୍ତିମାନ ସ୍ଥାପନ କରିଛନ୍ତି ।

ଇଏ ହେଉଛନ୍ତି ସେହି ୬୨ ବର୍ଷୀୟା ବୃଦ୍ଧା ନାଭାଲବେନ୍ । ଗୁଜୁରାଟର ବନାସକଂଠା ଜିଲ୍ଲାର ନଗାନା ଗ୍ରାମରେ ବସବାସ କରନ୍ତି । ଲକଡାଉନ୍ ସମୟରେ ନିଜ ଶକ୍ତି ସାମର୍ଥ୍ୟରେ ପଶୁପାଳନ କରିବା ସହ ଦୁଗ୍ଧ ଉତ୍ପାଦନ କରି ସେ ନୂଆ ରେକର୍ଡ ସୃଷ୍ଟି କରିଛନ୍ତି । ଗତ ବର୍ଷ ଅର୍ଥାତ ୨୦୨୦ରେ ସେ ୧କୋଟି ୧୦ଲକ୍ଷ ଟଙ୍କାର ଦୁଗ୍ଧ ବିକ୍ରି କରିଛନ୍ତି ।

ନାଭାଲବେନଙ୍କ ପାଖରେ ଏବେ ସୁଦ୍ଧା ୪୫ଟି ଗାଈ ଏବଂ ୮୦ଟି ମଇଁଷି ରହିଛି । ଆଉ ଏମାନଙ୍କ ଠାରୁ ପ୍ରତିଦିନ ପାଖାପାଖି ୧୦୦୦ ଲିଟର ଦୁଗ୍ଧ ସଂଗ୍ରହ କରିଥାନ୍ତି ନାଭାଲବେନ୍ । ଏହି ଦୁଗ୍ଧକୁ ବିକ୍ରି କରି ବୃଦ୍ଧାଜଣଙ୍କ ମାସକୁ ୩ ଲକ୍ଷ ୫୦ ହଜାର ଟଙ୍କା ରୋଜଗାର କରିଥାନ୍ତି । ୨୦୧୯ରେ ସେ ପାଖାପାଖି ୮୮ ଲକ୍ଷ ଟଙ୍କାର ଦୁଗ୍ଧ ବିକ୍ରି କରିଥିଲେ ।

ଏହି ୬୨ ବର୍ଷୀୟା ବୃଦ୍ଧାଜଣଙ୍କ ପାଠ ପଢିନାହାନ୍ତି । କିନ୍ତୁ ଏହା ସତ୍ୱେ ମଧ୍ୟ ନିଜର କଠିନ ପରିଶ୍ରମ ବଳରେ ସେ ନିଜେ ଆତ୍ମନିର୍ଭରଶୀଳ ହେବା ସହ ୧୧ଜଣଙ୍କୁ ରୋଜଗାର ଯୋଗାଇଛନ୍ତି । ଆଉ ଏଥିପାଇଁ ତାଙ୍କୁ ମୁଖ୍ୟମନ୍ତ୍ରୀ ୨ଟି ଲକ୍ଷ୍ମୀ ପୁରସ୍କାର ଓ ୩ଟି ପାଦରି ପୁରସ୍କାରରେ ପୁରସ୍କୃତ କରିଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ : ସୁବର୍ଣ୍ଣପୁରରେ ଚାଲିଛି ଖୁଲମଖୁଲା ବାଲି ଚୋରାଚାଲାଣ । ଦିନ ଦ୍ୱିପହରରେ ମହାନଦୀ ପଠାରୁ ମାଫିଆ ଲୁଟି ନେଉଛନ୍ତି ଟ୍ରକ ଟ୍ରକ୍ ବାଲି । ସବୁ ଚାଲାଣ ହେଉଛି ବାହାର ଜିଲ୍ଲାକୁ । ସବୁକିଛି ଦିନରେ ଚାଲିଥିଲେ ମଧ୍ୟ ବୀରମହାରାଜପୁର ତହସିଲଦାର ଏହାକୁ ରୋକିବାରେ ବିଫଳ ହୋଇଥିବା ଅଭିଯୋଗ ଆସିଛି ।

ମହାନଦୀ ପଠାରେ ଲାଗିଛି ଜେସିବି । ଭର୍ତ୍ତି ଚାଲିଛି ଟ୍ରକ ଟ୍ରକ ବାଲି । ଏମିତି ପ୍ରତିଦିନ ଶହ ଶହ ଟ୍ରକ ବାଲି ଚୋରାଚାଲାଣ ହେଉଛି ବାହାର ଜିଲ୍ଲାକୁ । ବୀରମହାରାଜପୁର ନିକଟ ମହାନଦୀ ପଠାରୁ ମାଫିଆ ବାଲିକୁ ଚାଲାଣ କରୁଛନ୍ତି ଅନୁଗୁଳ, ସମ୍ବଲପୁର ତଥା ବୌଦ୍ଧ ଜିଲ୍ଲାକୁ । ସବୁକିଛି ଚାଲିଛି ବିନା ଟେଣ୍ଡରରେ । ମାଫିଆ ଏହିପରି ବାଲି ଚୋରାଚାଲାଣ କରି ମାଲାମାଲ୍ ହେଉଥିବା ବେଳେ ପ୍ରଶାସନ ଏଥିରେ ରୋକ୍ ଲଗାଇବାରେ ବିଫଳ ହୋଇଥିବା ଅଭିଯୋଗ ଆସିଛି ।

ବୀରମହାରାଜପୁର ତହସିଲ ଅଞ୍ଚଳରେ ଥିବା ଦୁରଦୁରାର ୨ଟି ବାଲିଘାଟ ନିଲାମ ପାଇଁ ବିଜ୍ଞପ୍ତି ପ୍ରକାଶ ପାଇଛି । ଏଥିରେ ୫ ଜଣ ଭାଗ ନେଇଥିଲେ । ଏହା ଉପରେ ହାଇକୋର୍ଟଙ୍କ ରହିତାଦେଶ ଥିବା ବେଳେ ଦିନ ଦ୍ୱିପହରରେ କିପରି ବାଲି ଚୋରାଚାଲାଣ ଚାଲିଛି ତାହା ସୃଷ୍ଟି କରିଛି ପ୍ରଶ୍ନବାଚୀ । ତୁରନ୍ତ ସମାଧାନ ରାସ୍ତା ବାହାର କରି ବାଲି ଚୋରାଚାଲଣ ବନ୍ଦ କରାଯିବ ବୋଲି କହିଛନ୍ତି ଅତିରିକ୍ତ ଜିଲ୍ଲାପାଳ । ବିନା ଟେଣ୍ଡରରେ ଏପରି ବାଲି ଚୋରାଚାଲାଣକୁ ନେଇ ସ୍ଥାନୀୟ ତହସିଲଦାରଙ୍କ ଭୂମିକାକୁ ନେଇ ସନ୍ଦେହ ପ୍ରକାଶ ପାଇଛି ।

from Kanak News
via <a href="https://ifttt.com/?

କନକ ବ୍ୟୁରୋ : ପବନ ହୋଇଯିବ ପାଣି । ଏହି କଥା ଶୁଣିକି ହୁଏତ ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିବ । କିନ୍ତୁ ଆଜି ଆମେ ଆପଣଙ୍କୁ ସେମିତି ଏକ ଡିଭାଇସ୍ ବିଷୟରେ କହିବୁ, ଯାହା ସାହାଯ୍ୟରେ ବାୟୁକୁ ପାଣିରେ ପରିବର୍ତନ କରାଯାଇପାରିବ । ବିଶ୍ୱରେ ଦିନକୁ ଦିନ ଜନସଂଖ୍ୟା ବଢି ବଢି ଚାଲିଥିବା ବେଳେ ଜଳସଙ୍କଟ ବଡ ସମସ୍ୟା ହୋଇ ସାମ୍ନାକୁ ଆସିଛି । ଆଉ ଏତିକି ବେଳେ ଜଣେ ୯ ବର୍ଷର କୁନି ଝିଅ, ଏମିତି ଏକ ଡିଭାଇସ୍ ଡିଜାଇନ୍ କରିଛନ୍ତି, ଯେଉଁଥିରେ ପବନକୁ ପାଣିରେ ପରିବର୍ତନ କରାଯାଇପାରିବ ।

ଏହି କୁନି ଝିଅଟିର ନାଁ ଲିସିପ୍ରିୟା କାଙ୍ଗୁଜାମ୍ । ଘର ମଣିପୁରରେ । ତେବେ ଏହି ସ୍ୱତନ୍ତ୍ର ଡିଭାଇସ୍ ତିଆରି କରିବା ପାଇଁ ସୋଲାର ଶକ୍ତିର ସାହାଯ୍ୟ ନେଇଛନ୍ତି ଲିସିପ୍ରିୟା । ତେବେ ଏହି କୁନି ଝିଅର ଦାବି ହେଉଛି ଯେ, ଏହି ଉଦ୍ଭାବନ ପରେ ଦୁନିଆରେ ଜଳ ସମସ୍ୟାର ସମାଧାନ ହୋଇପାରିବ ।

ଲିସିପ୍ରିୟା ଏହି ଡିଭାଇସର ନାଁ ରଖିଛନ୍ତି, ସୁକିଫ୍ -୨ । ତେବେ ଏହି ଡିଭାଇସର ବିଶେଷତ୍ୱ ହେଉଛି, ଏହାକୁ ଯେକୌଣସି ସ୍ଥାନରେ ବ୍ୟବହାର କରାଯାଇପାରିବ । ପାଖାପାଖି ୧ ଘଂଟା ଭିତରେ ୧୫୦ ମିଲିଲିଟର ପାଣି ତିଆରି କରିପାରିବ ଏହି ଡିଭାଇସ୍ । ଏବଂ ଗୋଟିଏ ଲିଟର ପାଣି ପ୍ରସ୍ତୁତ କରିବାକୁ ପାଖାପାଖି ୭ରୁ ୮ ଘଂଟା ସମୟ ଲାଗୁଛି ।

ଦିନକୁ ଦିନ ଜଳ ସଙ୍କଟ ଉତ୍କଟ ରୂପ ଧାରଣ କରୁଥିବା ବେଳେ, ଅନେକ ସ୍ଥାନରେ ଭୂତଳ ଜଳର ଅବସ୍ଥା ବିଗିଡି ଯାଇଛି । ନିତି ଆୟୋଗ ରିପୋର୍ଟ ଅନୁଯାୟୀ, ଆଗାମୀ ଦିନରେ ଦେଶର ୬୦୦ ନିୟୁତ ଲୋକ ଏହି ସମସ୍ୟା ଦ୍ୱାରା ଗୁରୁତର ଭାବରେ ପ୍ରଭାବିତ ହୋଇପାରନ୍ତି । ଆଉ ଏଭଳି ସମସ୍ୟା ଭିତରେ କୁନି ଝିଅଟିର ଏବି ଆବିଷ୍କାରକୁ ସମସ୍ତେ ପ୍ରଂଶସା କରୁଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ : ସୁରିନାମ ଗଣରାଜ୍ୟର ରାଷ୍ଟ୍ରପତି ଚନ୍ଦ୍ରିକା ପ୍ରସାଦ ସନ୍ତୋଖୀ ୨୬ ଜାନୁଆରୀରେ ଭାରତୀୟ ଗଣତନ୍ତ୍ର ଦିବସ ପ୍ୟାରେଡରେ ମୁଖ୍ୟ ଅତିଥି ଭାବେ ଯୋଗ ଦେବେ ବୋଲି ପ୍ରଧାନମନ୍ତ୍ରୀଙ୍କ କର୍ଯ୍ୟାଳୟ ସହ ଯୋଡି ହୋଇଥିବା ସୂତ୍ରରୁ ସୂଚନା ମିଳିଛି ।  ସୂଚନା ଥାଉକି ବ୍ରିଟେନ ପ୍ରଧାନମନ୍ତ୍ରୀ ବୋରିସ୍ ଜନସନ ଗଣତନ୍ତ୍ର ଦିବସରେ ମୁଖ୍ୟ ଅତିଥି ଭାବେ ଯୋଗ ଦେବାର କାର୍ଯ୍ୟକ୍ରମ ରହିଥିଲା । ମାତ୍ର ବ୍ରିଟେନରେ ନୂଆ କରୋନା ଷ୍ଟେନକୁ ନଜରରେ ରଖି ସେ ଭାରତ ଯାତ୍ରା ବାତିଲ୍ କରିଥିଲେ । ଏହାପରେ ଭାରତ ସରକାରଙ୍କ ପକ୍ଷରୁ ସୁରିନାମର ରାଷ୍ଟ୍ରପତିଙ୍କୁ ନିମନ୍ତ୍ରଣ ପଠା ଯାଇଥିଲା । ଏହି ନିମନ୍ତ୍ରଣକୁ ସେ ସ୍ୱଇଚ୍ଛାରେ ଗ୍ରହଣ କରିଥିବା ଜଣାପଡିଛି ।

ସୁରିନାମର ରାଷ୍ଟ୍ରପତି ଚନ୍ଦ୍ରିକା ପ୍ରସାଦ ସନ୍ତୋଖୀ ଏହା ପୂର୍ବରୁ ଶନିବାର ଦିନ ପ୍ରବାସୀ ଭାରତୀୟ ଦିବସରେ ସାମିଲ ହୋଇଥିଲେ । ଯେଉଁଠାରେ କି ସେ ଭାରତ ଓ ସୁରିନାମ ମଧ୍ୟରେ ମୁକ୍ତ ଗମନା ଗମନ ନେଇ ଭାରତ ସରକାରଙ୍କୁ ଏକ ପ୍ରସ୍ତାବ ଦେଇଥିଲେ । ଏହାସହ ସେ ଦ୍ୱିପାକ୍ଷୀକ ବାଣିଜ୍ୟ ଓ ସାଂସ୍କୃତିକ ସଂପର୍କକୁ ନେଇ ଭାରତକୁ ସମ୍ପୁର୍ଣ୍ଣ ସମର୍ଥନ ଦେଇଥିଲେ । ଏନେଇ ଡିଜିଟାଲ ମାଧ୍ୟମରେ ଆୟୋଜିତ ହୋଇଥିବା କାର୍ଯ୍ୟକ୍ରମରେ ସେ କହିଥିଲେ କି ସୁରିନାମରୁ ଭାରତ ଆସୁଥିବା ଯାତ୍ରୀ ମାନଙ୍କ ପାଇଁ ମୁକ୍ତ ଭିସା ଅନୁମତି ପାଇଁ ସେ ପ୍ରସ୍ତୁତ ରହିଥିବା କଥା ସୂଚନା ଦେଇଥିଲେ । ଏହା ସହ ଉଭୟ ଦେଶ ବାଣିଜ୍ୟ ଓ ପର୍ଯ୍ୟଟନ କ୍ଷେତ୍ରରେ ଉଭୟଙ୍କୁ ସହଯୋଗ କରିବାକୁ ସେ ପ୍ରସ୍ତାବ ରଖିଥିଲେ ।

ଅନ୍ୟପଟେ ଏଥର ରୋଚକ ହୋଇପାରେ ଦିଲ୍ଲୀରେ ଗଣତନ୍ତ୍ର ଦିବସର ପ୍ୟାରେଡ । ଜାନୁଆରୀ ୨୬ ମଧ୍ୟରେ କେନ୍ଦ୍ର ସରକାର ଯଦି କୃଷକ ମାନଙ୍କର ଦାବି ମାନି ନ ନିଅନ୍ତି ତାହେଲେ ଗଣତନ୍ତ୍ର ଦିବସରେ ଦିଲ୍ଲୀ ରାଜପଥରେ କୃଷକ ମାନେ ଟ୍ରାକ୍ଟର ଓ ଟ୍ରଲିରେ ପ୍ୟାରେଡ କରିବେ ବୋଲି ଆଗୁଆ ସୂଚନା ଦେଇ ସାରିଛନ୍ତି ।

from Kanak News
via <a href="https://ifttt.com/?

from Kanak News
via <a href="https://ifttt.com/?

କନକ ବ୍ୟୁରୋ: କୋହଳ ହେଲା କାଳିଆ ଦର୍ଶନ କଟକଣା । । ଏଥିପାଇଁ ଆଜି ଶ୍ରୀମନ୍ଦିର କାର୍ଯ୍ୟାଳୟରେ ଆଲୋଚନା ଆରମ୍ଭ ହୋଇଛି । ଦର୍ଶନ ବ୍ୟବସ୍ଥା ସଂପର୍କରେ ପୁଂଖାନୁପୁଂଖ ଆଲୋଚନ ହୋଇଛି । ଜାନୁୟାରୀ ୨୧ରୁ ମନ୍ଦିରରେ ଜଗା ଦର୍ଶନ ପାଈଁ କରୋନା ରିପୋର୍ଟ ଆବଶ୍ୟକ ନାହିଁ ।

ବିଶେଷ କରି ସାଧାରଣ ଭକ୍ତି କିଭଳି ସୁବିଧାରେ ଦର୍ଶନ ପାଇ ପାରିବେ ତାହା ଏହି ବୈଠକରେ ଫୋକସରେ ରହିବ । କୋଭିଡ଼ ରିପୋର୍ଟ ପାଇଁ ଅର୍ଥ ଯୋଗାଡ଼ କରିପାରୁନଥିବା ଭକ୍ତ ଯେଭଳି ସୁବିଧା ଦର୍ଶନ କରି ଫେରିବେ, ତାହା ଉପରେ ପୁଂଖାନୁପୁଂଖ ଆଲୋଚନା ହେବ ।

ଦୀର୍ଘ ୯ ମାସ ପରେ ଡ଼ିସେମ୍ବର ୨୩ ତାରିଖରୁ ଶ୍ରମନ୍ଦିର ଖୋଲିଛି । କରୋନା କଟକଣା ଭିତିରେ ଦର୍ଶନ କରୁଛନ୍ତି ଶ୍ରଦ୍ଧାଳୁା କୋଭିଡ଼ ରିପୋର୍ଟର କଟକଣା ଭକ୍ତ ଓ ଭଗବାନଙ୍କ ଭିତରେ ପାଚେରୀ ଠିଆ କରିଛି । ଦର୍ଶନ ପାଇଁ ଲାଗିଥିବା ବ୍ୟାରିକେଟ ଅପେକ୍ଷା ବାହାରେ ପ୍ରବଳ ଭିଡ଼ ହେଉଛି ।

from Kanak News
via <a href="https://ifttt.com/?

କନକ ବ୍ୟୁରୋ: ସିଡନୀ ଟେଷ୍ଟରୁ ଆସିଛି କ୍ରିକେଟ ପାଇଁ ଲଜ୍ଜାଜନକ ଘଟଣା । ତୃତୀୟ ଦିନରେ ଭାରତୀୟ ଖେଳାଳିଙ୍କୁ ଜାତିଆଣ ଆକ୍ଷେପ କରିଥିବା ଅଭିଯୋଗ ପରେ ଘଟଣା ଏବେ ଚର୍ଚା ସୃଷ୍ଟି କରିଛି । ଗତକାଲି ଅନ୍ତିମ ସେସନ୍ ଖେଳ ସମୟରେ ଷ୍ଟାଡିୟମରୁ ଅଷ୍ଟ୍ରେଲିଆ ଫ୍ୟାନ ଭାରତୀୟ ଖେଳାଳିଙ୍କୁ ଜାତିଆଣ ଆକ୍ଷେପ କରିଥିଲେ । ମହମ୍ମଦ ସିରାଜ ଫିଲ୍ଡିଂ କରୁଥିବା ସମୟରେ ଏହାର ଶିକାର ବନିଥିଲେ । କ୍ୟାପଟେନ୍ ରାହାଣେଙ୍କୁ ଏହା ଜଣାଇବା ପରେ ଫିଲ୍ଡ ଅମ୍ପାୟାରଙ୍କ ନଜରକୁ ଅଣାଯାଇଥିଲା ଘଟଣା ।

ଏହି ଘଟଣା ସାମ୍ନାକୁ ଆସିବା ପରେ ବିଶୃଂଖଳିତ ଦର୍ଶକଙ୍କୁ ସୁରକ୍ଷାକର୍ମୀଙ୍କ ଜରିଆରେ ଗ୍ୟାଲେରୀରୁ ବାହାର କରିଦିଆଯାଇଥିଲା । ତେବେ ଭାରତୀୟ ଟିମ ଏନେଇ କ୍ରିକେଟ୍ ଅଷ୍ଟ୍ରେଲିଆ ନିକଟରେ ଅଭିଯୋଗ କରିଛି । ଘଟଣାକୁ ଗମ୍ଭୀରତାର ସହ ଗ୍ରହଣ କରି କାର୍ଯ୍ୟାନୁଷ୍ଠାନ ପ୍ରତିଶ୍ରୁତି ରଖିଛି କ୍ରିକେଟ୍ ଅଷ୍ଟ୍ରେଲିଆ । ପୋଲିସ ତଦନ୍ତ କରି ଘଟଣାରେ ଦୋଷୀ ବ୍ୟକ୍ତିଙ୍କୁ ଦଣ୍ଡିତ କରାଯିବ ବୋଲି କୁହାଯାଇଛି । ସେହିପରି ଏହି ଘଟଣା ପରେ ପରେ ବିସିସିଆଇ ନିକଟରେ କ୍ଷମା ପ୍ରାର୍ଥନା କରିଛି କ୍ରିକେଟ ଅଷ୍ଟ୍ରେଲିଆ । ବହୁ ବର୍ଷ ପରେ କ୍ରିକେଟରେ ଏପରି ଜାତିଆଣ ଆକ୍ଷେପ ଆସିବା ପରେ ବରିଷ୍ଠ କ୍ରିକେଟର ଏହାକୁ ଗଭୀର ସମାଲୋଚନା କରିଛନ୍ତି ।

from Kanak News
via <a href="https://ifttt.com/?