ବ୍ରିଟେନରେ କରୋନା ନୂଆ ଷ୍ଟ୍ରେନ ଚିହ୍ନଟ ହେବା ପରେ ଚିନ୍ତା ବଢିଯାଇଛି । ଏପରି ସମୟରେ ଜଣେ ବ୍ରିଟେନ ଫେରନ୍ତା ପଜିଟିଭ ଚିହ୍ନଟ ହେବା ପରେ ସତର୍କ ହୋଇଛନ୍ତି ସରକାର । ରାଜ୍ୟ ସ୍ୱାସ୍ଥ୍ୟ ପରିବାର କଲ୍ୟାଣ ବିଭାଗ ପକ୍ଷରୁ ଗତ ୧୪ ଦିନ ଭିତରେ ୟୁକେରୁ ଓଡିଶାକୁ ଆସିଥିବା ୪୩ ଜଣ ଯାତ୍ରୀଙ୍କ ତାଲିକା ଜାରି କରାଯାଇଛି । ବ୍ରିଟେନ ଫେରନ୍ତାଙ୍କ ଉପରେ ପ୍ରଶାସନ ପକ୍ଷରୁ ନଜର ରଖାଯାଇଛି । ସ୍ୱାସ୍ଥ୍ୟ ବିଭାଗର ସୂଚନା ଅନୁସାରେ ବ୍ରିଟେନରୁ ଭୁବନେଶ୍ୱରକୁ ସର୍ବାଧିକ ଯାତ୍ରୀ ଆସିଛନ୍ତି । ବ୍ରିଟେନରୁ ଭୁବନେଶ୍ୱରକୁ ୨୧ଜଣ, କଟକକୁ ଆସିଛନ୍ତି ୫ ଜଣ, କୋରାପୁଟକୁ ୩ ଜଣ, ବ୍ରହ୍ମପୁରକୁ ୩ ଜଣ, ନୟାଗଡକୁ ୨ ଜଣ, ନବରଙ୍ଗପୁର ୨ ଜଣ ଆସିଛନ୍ତି । ସେହିପରି ସମ୍ବଲପୁର, ରାଜଗାଙ୍ଗପୁର, ଖୋର୍ଦ୍ଧା, ଜଗତସିଂହପୁର, ସାକ୍ଷୀଗୋପାଳ, ବଲାଙ୍ଗିର, ନୟାଗଡ ଓ ଯାଜପୁରକୁ ଜଣେ ଲେଖାଏଁ ଯାତ୍ରୀ ଆସିଛନ୍ତି । ବ୍ରିଟେନରେ ଚିହ୍ନଟ ହୋଇଥିବା କରୋନାର ନୂଆ ଷ୍ଟ୍ରେନ ୫୦ରୁ ୭୦ ପ୍ରତିଶତ ଅଧିକ ବେଗରେ ସଂକ୍ରମଣ କରୁଥିବା ଜଣାପଡିବା ପରେ ବ୍ରିଟେନ ଫେରନ୍ତାଙ୍କ ଉପରେ ନଜର ରଖିଛନ୍ତି ସରକାର ।

from Kanak News
via <a href="https://ifttt.com/?

କନକ ବ୍ୟୁରୋ: ଦିଲ୍ଲୀରେ ଚାଷୀଙ୍କ ଆନ୍ଦୋଳନ ୨୯ଦିନରେ ପହଂଚିଥିବା ବେଳେ ରାଷ୍ଟ୍ରପତିଙ୍କୁ ଭେଟିଛନ୍ତି କଂଗ୍ରେସ ନେତୃତ୍ୱ । ନୂଆ କୃଷି ଆଇନ ପ୍ରତ୍ୟାହାର କରିବା ନେଇ ରାଷ୍ଟ୍ରପତିଙ୍କୁ ୨ କୋଟି ଚାଷୀଙ୍କ ଦସ୍ତଖତ ଥିବା ସ୍ମାରକ ପତ୍ର ପ୍ରଦାନ କରିଛନ୍ତି । ପ୍ରଧାନମନ୍ତ୍ରୀ ଆଇନକୁ ପ୍ରତ୍ୟାହାର କରିବା ସହ ସରକାର ସଂସଦର ଯୁଗ୍ମ ଅଧିବେଶନ ଡାକନ୍ତୁ ଓ ଆଇନକୁ ପ୍ରତ୍ୟାହାର କରନ୍ତୁ ବୋଲି କହିଛନ୍ତି ରାହୁଲ ଗାନ୍ଧୀ ।
ତେବେ କଂଗ୍ରେସ ବିଜୟ ଚୌକରୁ ରାଷ୍ଟ୍ରପତି ଭବନ ଯାଏଁ ପଦଯାତ୍ରା କରୁଥିବା ବେଳେ ଅଧ ବାଟରେ ଅଟକାଇଥିଲା ପୋଲିସ । କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧୀ ଭଦ୍ରାଙ୍କୁ ଅନ୍ୟ କର୍ମୀଙ୍କ ସହ ଅଟକ ରଖାଯାଇଥିଲା । ତେବେ କୃଷି ଆଇନ ନେଇ କେନ୍ଦ୍ର ସରକାରଙ୍କୁ କଡ଼ା ସମାଲୋଚନା କରିଛନ୍ତି ପ୍ରିୟଙ୍କା । ସେ କହିଛନ୍ତି ଯେ, କେନ୍ଦ୍ର ସରକାର ଚାଷୀଙ୍କ କଥା ବୁଝିବାକୁ ଚାହୁଁ ନାହିଁ । ଏହାସହ ଗଣତାନ୍ତ୍ରିକ ଉପାୟରେ କଂଗ୍ରେସ ପ୍ରତିନିଧି ଦଳ ରାଷ୍ଟ୍ରପତିଙ୍କୁ ଭେଟିବାକୁ ଯିବା ବେଳେ ପୁଲିସ୍ କାହିଁକି ଅଟକାଇଲା ବୋଲି ସେ ପ୍ରଶ୍ନ କରିଛନ୍ତି ।

ସେପଟେ ଆନ୍ଦୋଳନକାରୀ ଚାଷୀଙ୍କୁ ପୁଣି ଏକ ଚିଠି ଲେଖିଛନ୍ତି କେନ୍ଦ୍ର ସରକାର । ଆଗାମୀ ଆଲୋଚନା ପାଇଁ ତାରିଖ ଓ ସମୟ ସ୍ଥିର କରିବାକୁ ଏଥିରେ ଚାଷୀମାନଙ୍କୁ କୁହାଯାଇଛି । ଏହାସହ ଚାଷୀଙ୍କ ସମସ୍ୟା ସମାଧାନ କରିବାକୁ କେନ୍ଦ୍ର ସରକାର ପ୍ରତିଶ୍ରୁତିବଦ୍ଧ ବୋଲି ଚିଠିରେ ଉଲ୍ଳେଖ ରହିଛି । ରାଜଧାନୀ ଦିଲ୍ଲୀରେ ୨୯ ଦିନରେ ପହଂଚିଛି ଚାଷୀଙ୍କ ଆନ୍ଦୋଳନ । ସରକାର ଓ ଚାଷୀ ସଂଗଠନ ମଧ୍ୟରେ ଆଲୋଚନା ପରେ ବି ସମାଧାନ ବାଟ ଫିଟୁନାହିଁ । ଏହାରି ଭିତରେ ପୁଣି ଚାଷୀଙ୍କୁ ଆଲୋଚନା ପାଇଁ ଡାକିଛନ୍ତି କେନ୍ଦ୍ର କୃଷି ମନ୍ତ୍ରୀ । ଏସବୁ ଭିତରେ ଆସନ୍ତାକାଲି ୬ଟି ରାଜ୍ୟର ଚାଷୀଙ୍କ ସହ ଭିଡିଓ କନଫରେସିଂ ମାଧ୍ୟମରେ ଆଲୋଚନା କରିବେ ପ୍ରଧାନମନ୍ତ୍ରୀ ମୋଦୀ ।

from Kanak News
via <a href="https://ifttt.com/?

କନକ ବ୍ୟୁରୋ: ଆନ୍ଦୋଳନକାରୀ ଚାଷୀଙ୍କୁ ପୁଣି ଏକ ଚିଠି ଲେଖିଛନ୍ତି କେନ୍ଦ୍ର ସରକାର । ଆଗାମୀ ଆଲୋଚନା ପାଇଁ ତାରିଖ ଓ ସମୟ ସ୍ଥିର କରିବାକୁ ଏଥିରେ ଚାଷୀମାନଙ୍କୁ କୁହାଯାଇଛି । ଏହାସହ ଚାଷୀଙ୍କ ସମସ୍ୟା ସମାଧାନ କରିବାକୁ କେନ୍ଦ୍ର ସରକାର ପ୍ରତିଶ୍ରୁତିବଦ୍ଧ ବୋଲି ଚିଠିରେ ଉଲ୍ଳେଖ ରହିଛି ।

ରାଜଧାନୀ ଦିଲ୍ଲୀରେ ୨୯ ଦିନରେ ପହଂଚିଛି ଚାଷୀଙ୍କ ଆନ୍ଦୋଳନ । ସରକାର ଓ ଚାଷୀ ସଂଗଠନ ମଧ୍ୟରେ ଆଲୋଚନା ପରେ ବି ସମାଧାନ ବାଟ ଫିଟୁନାହିଁ । ଏହାରି ଭିତରେ ପୁଣି ଚାଷୀଙ୍କୁ ଆଲୋଚନା ପାଇଁ ଡାକିଛନ୍ତି କେନ୍ଦ୍ର କୃଷି ମନ୍ତ୍ରୀ । ଏସବୁ ଭିତରେ ଆସନ୍ତାକାଲି ୬ଟି ରାଜ୍ୟର ଚାଷୀଙ୍କ ସହ ଭିଡିଓ କନଫରେସିଂ ମାଧ୍ୟମରେ ଆଲୋଚନା କରିବେ ପ୍ରଧାନମନ୍ତ୍ରୀ ମୋଦୀ । ନୂଆ କୃଷି ଆଇନ ସମ୍ପର୍କରେ ବୁଝାଇବାକୁ ଚେଷ୍ଟା କରିପାରନ୍ତି ପ୍ରଧାନମନ୍ତ୍ରୀ  । ପୂର୍ବରୁ ସରକାର ଓ ଚାଷୀଙ୍କ ସହ ୫ ପର୍ଯ୍ୟାୟ ଆଲୋଚନା ପରେ ବି ଏଯାଏଁ ସମାଧାନର ବାଟ ବାହାରିନାହିଁ । ନିଜ ଜିଦରେ ଅଟଳ ଥିବା ଚାଷୀ  ହାଡଭଙ୍ଗା ଶୀତରେ ଖୋଲା ଆକାଶ ତଳେ, ଶୀତ କାକରରେ ଆନ୍ଦୋଳନ ଜାରି ରଖିଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ: କିଏ ହେବ ପରବର୍ତ୍ତୀ ମୁଖ୍ୟ ଶାସନ ସଚିବ ଏନେଇ ପାୱାର କରିଡରରେ ଚର୍ଚ୍ଚା । ଅସିତ ତ୍ରିପାଠୀଙ୍କ ଜାଗା କିଏ ନେବ ସେନେଇ ଆରମ୍ଭ ହୋଇଯାଇଛି ଚର୍ଚ୍ଚା ଆଲୋଚନା । ମୁଖ୍ୟ ଶାସନ ସଚିବ ରେସରେ ଅଛନ୍ତି ୧୯୮୬ ବ୍ୟାଚର ବରିଷ୍ଠ ଆଇଏଏସ ଅଫିସର ତଥା ବର୍ତମାନର ଉନ୍ନୟନ କମିଶନର ସୁରେଶ ମହାପାତ୍ର । ଗତକାଲି ସାଧାରଣ ପ୍ରଶାସନ ବିଭାଗ ପକ୍ଷରୁ ଅସିତ ତ୍ରିପାଠୀଙ୍କୁ ଡିସେମ୍ବର ୩୧ରେ ଅବସର ନେବା ଲାଗି ବିଜ୍ଞପ୍ତି ପ୍ରକାଶ ପାଇଛି ।

ତେବେ ମିଳିଥିବା ସୂଚନା ଅନୁସାରେ ୨ରୁ ୩ଦିନ ଭିତରେ ନୂଆ ମୁଖ୍ୟଶାସନ ସଚିବ କିଏ ହେବ ସେ ନେଇ ବିଜ୍ଞପ୍ତି ପ୍ରକାଶ ପାଇବାର ଅଛି । ସେପଟେ ସୁରେଶ ମହାପାତ୍ରଙ୍କ ସ୍ଥାନ ବା ଉନ୍ନୟନ କମିଶନର କିଏ ହେବ ସେନେଇ ଦୁଇଟି ନାଁ ଚର୍ଚ୍ଚାରେ ଅଛି । ଜଣେ ହେଉଛନ୍ତି ୧୯୮୭ ମସିହାର ଆଇଏଏସ ତଥା ବର୍ତମାନର କୃଷି ଉତ୍ପାଦ କମିଶନର ରାଜ କୁମାର ଶର୍ମାଙ୍କ ନାଁ ଏବଂ ୧୯୮୮ ବ୍ୟାଚର ଆଇଏଏସ ତଥା ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ ମହାପାତ୍ରଙ୍କ ନାଁକୁ ନେଇ ଚର୍ଚ୍ଚା ହେଉଛି ।

from Kanak News
via <a href="https://ifttt.com/?

କନକ ବ୍ୟୁରୋ: କୋକେଇରେ ବାପା, ଷ୍ଟେଥୋ ପକାଇ ନିଶ୍ୱାସ ଖୋଜୁଛି ପୁଅ । କାଳେ ବାପା ବଞ୍ଚିଥିବେ ସେଇ ଆଶାରେ ବାପାଙ୍କ ଛାତିରେ ଜୀବନ ଅଣ୍ଡାଳୁଛି ଡାକ୍ତରୀ ପୁଅ । ପୂରା କାହାଣୀ ଜାଣିଲେ ଆପଣଙ୍କ ଆଖିର ଲୁହ ଝରିପଡ଼ିବ । ଏପରି ଏକ ହୃଦୟ ବିଦାରକ ଦୃଶ୍ୟ ଦେଖିବାକୁ ମିଳିଛି ମିଳିଛି ରାୟଗଡ଼ା ଜିଲ୍ଳା ପଦ୍ମପୁର ବ୍ଳକ୍ର ଗୁଡ଼ିଆ ବନ୍ଧ ଗାଁରେ ।

କୋକେଇରେ ରହିଛି ବାପାଙ୍କ ମୃତଦେହ, ଷ୍ଟେଥୋସ୍କୋପ ପକାଇ ଚିକିତ୍ସା କରୁଛନ୍ତି ଡାକ୍ତରୀ ପଢ଼ୁଥିବା ପୁଅ । ବାପାଙ୍କ ଇଚ୍ଛା ଥିଲା, ପୁଅ ଡାକ୍ତର ହେବ, ଲୋକଙ୍କ ସେବା କରିବ । ପୁଅକୁ ଡାକ୍ତରୀ ପାଠ ପଢ଼ାଇଲେ, ଆଉ କିଛି ଦିନ ପରେ ପୁଅର ପାଠପଢ଼ା ସରିଥାନ୍ତା, ହେଲେ ପୁଅକୁ ଡାକ୍ତର ହୋଇ ସେବା କରିବା ଦେଖିବା ପୁର୍ବରୁ ଆରପାରିକୁ ଚାଲିଗଲେ ବାପା । ବାପା ଲାଡ଼ି ସୋମେଶ୍ୱର ରାଓ, ପୂର୍ବତନ ଜିଲ୍ଳା ପରିଷଦ ସଭ୍ୟ । ଜିଲ୍ଳାର ଜଣେ ଜଣା ଶୁଣା ବ୍ୟକ୍ତି । ତାଙ୍କର ସ୍ୱପ୍ନ ଥିଲା ପୁଅ ତାଙ୍କର ଗରିବଙ୍କ ସେବା କରିବ, ସେଥିପାଇଁ ପୁଅକୁ ଡାକ୍ତର କରିବାକୁ ଲାଗି ପଡ଼ିଥିଲେ ସେ । ହେଲେ ଡିସେମ୍ବର ୧୮ ତାରିଖରେ ହୃଦଘାତରେ ସୋମେଶ୍ୱରଙ୍କର ମୃତ୍ୟୁ ହୋଇଗଲା । ବାପାଙ୍କ ଶେଷ ଇଚ୍ଛାକୁ ପୂରଣ କରିବାକୁ ଯାଇ ବାପାଙ୍କ ଶେଷଶଯ୍ୟାରେ ଚିକିତ୍ସା କରିଥିଲେ ପୁଅ । ଆଉ ଏହି ଦୃଶ୍ୟ, ସମସ୍ତଙ୍କ ହୃଦୟକୁ ଚହଲାଇ ଦେଇଥିଲା ।

from Kanak News
via <a href="https://ifttt.com/?

କନକ ବ୍ୟୁରୋ: ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀଙ୍କ ଜନସଂପର୍କ ପଦଯାତ୍ରାରେ ଦେଖିବାକୁ ମିଳିଛି ଏଭଳି ବିରୋଧ ପ୍ରଦର୍ଶନ । ରାଜଧାନୀ ଉପକଣ୍ଠ ଭରତପୁରରେ ସାଂସଦ ଅପରାଜିତା ଜନସଂପର୍କ ପଦ ଯାତ୍ରା କରୁଥିବା ବେଳେ କିଛି ସ୍ଥାନୀୟ ବିଜେପି କର୍ମୀ ଅପରାଜିତାଙ୍କୁ ଗୋ ବ୍ୟା ଗୋ ବ୍ୟାକ ଅର୍ଥାତ ଫେରିଯାଅ ବୋଲି ନାରା ଦେଉଥିଲେ ।

ଏପଟେ ଠିକ ସେହି ସମୟରେ ଭରତପୁରରେ ପ୍ରବେଶ କରିଥିଲା ଅପରାଜିତାଙ୍କ ପଦଯାତ୍ରା । ନିଜ କର୍ମୀଙ୍କ ସହ ଯାଇ ଲୋକଙ୍କ କଥା ବୁଝୁଥିଲେ ବିଜେପି ନେତ୍ରୀ । ଅପରାଜିତାଙ୍କୁ କାହିଁକି ବିରୋଧ ଏବଂ ବିରୋଧ ପଛରେ ଅନ୍ୟ କଣ କାରଣ ଥାଇପାରେ କି , ଏ ସଂପର୍କରେ ବିସ୍ତୃତ ତଥ୍ୟ ଜଣାପଡି ନାହିଁ ।  କିନ୍ତୁ ବିଜେପି ଭଳି ଏକ ଶୃଙ୍ଖଳିତ ଦଳରେ ଏଭଳି ଘଟଣା ପ୍ରାୟ ଦେଖିବାକୁ ମିଳେ ନାହିଁ ।

ସ୍କୁଲ ଓ ଗଣଶିକ୍ଷା ବିଭାଗର ସଚିବ ଓ କମିସନର ରହିଥିବା ଅପରାଜିତା ପ୍ରଥମ ଥର ପାଇଁ ରାଜନୀତିରେ ପ୍ରବେଶ କରି ଭୁବନେଶ୍ୱରର ସାଂସଦ ନିର୍ବାଚିତ ହୋଇଥିଲେ । ଆଉ ନିଜର ଭିନ୍ନ ଶୈଳୀରେ ସଂଗଠନ କରିବା ନେଇ ଚର୍ଚ୍ଚାରେ ରହନ୍ତି ଏହି ବିଜେପି ନେତ୍ରୀ । କିନ୍ତୁ ଭରତପୁରରେ ଏଭଳି କଣ ଘଟିଲା, ଯେଉଁଥିପାଇଁ ଅପରାଜିତାଙ୍କୁ ବିରୋଧ କରାଗଲା, ତାହା ଏବେ ଚର୍ଚ୍ଚାର ବିଷୟ ପାଲଟିଛି ।

from Kanak News
via <a href="https://ifttt.com/?

କନକ ବ୍ୟୁରୋ : ଓଡ଼ିଶା କ୍ରିକେଟ ପାଇଁ ଖୁସିଖବର । ଏଣିକି ଭାରତୀୟ କ୍ରିକେଟ ଟିମ ବାଛିବେ ଓଡ଼ିଆ ପୁଅ ତଥା ପୂର୍ବତନ ଭାରତୀୟ କ୍ରିକେଟର ଦେବାଶିଷ ମହାନ୍ତି । ଭାରତୀୟ କ୍ରିକେଟ ଦଳର ଜାତୀୟ ଚୟନ କମିଟିରେ ସ୍ଥାନ ପାଇଛନ୍ତି ଦେବାଶିଷ । ଆଜି ବିସିସିଆଇର କ୍ରିକେଟ ଆଡଭାଇଜରି କମିଟି ଦେବାଶିଷଙ୍କ ସମେତ ଚୟନ କମିଟି ପାଇଁ ଅନ୍ୟ ଦୁଇ ଜଣଙ୍କ ନାଁ ମଧ୍ୟ ସୁପାରିଶ କରିଛି । ଚେତନ ଶର୍ମା ଓ ଆବେ କୁରୁଭିଲ୍ଲା ମଧ୍ୟ ଏହି କମିଟିରେ ସ୍ଥାନ ପାଇଛନ୍ତି । ପୂର୍ବତନ ଭାରତୀୟ କ୍ରିକେଟର ଚେତନ ଶର୍ମାଙ୍କୁ ଏହି ମୁଖ୍ୟ ଚୟନକର୍ତ୍ତା ଭାବେ ନିଯୁକ୍ତ କରିଛି ବିସିସିଆଇ । ୫ ଜଣିଆ ଚୟନ କମିଟିରେ ଏହା ପୂର୍ବରୁ ସୁନୀଲ ଯୋଶୀ ଓ ହରବିନ୍ଦର ସିଂ ସ୍ଥାନ ପାଇଛନ୍ତି । ଏନେଇ ଟ୍ୱିଟ୍ କରି ସୂଚନା ଦେଇଛି ବିସିସିଆଇ ।

Based on CAC’s recommendations Mr Chetan Sharma, Mr Abey Kuruvilla and Mr Debashish Mohanty have been appointed to the senior selection committee. Mr Sharma will be head the selection panel.

Details https://t.co/05nmQMBAVh pic.twitter.com/XIUDDiRGzY

— BCCI (@BCCI) December 24, 2020

https://platform.twitter.com/widgets.js

ଓଡ଼ିଆ ପୁଅ ଦେବାଶିଷ ମହାନ୍ତି ଟିମ୍ ଇଣ୍ଡିଆ ପକ୍ଷରୁ ୪୫ଟି ଦିନିକିଆ ଓ ୨ଟି ଟେଷ୍ଟ ମ୍ୟାଚ୍ ଖେଳିଛନ୍ତି । ଅର୍ନ୍ତଜାତୀୟ କ୍ରିକେଟରେ ଏତେ କମ ମ୍ୟାଚ୍ ଖେଳିଥିଲେ ମଧ୍ୟ ନିଜର ପ୍ରଭାବୀ ପ୍ରଦର୍ଶନ ବଳରେ ସବୁବେଳେ ଦୃଷ୍ଟି ଆକର୍ଷଣ କରିଆସିଥିଲେ ଦେବାଶିଷ । ୪୫ଟି ଦିନିକିଆ ମ୍ୟାଚରେ ୫୭ଟି ୱିକେଟ ନେଇ ସମସ୍ତଙ୍କୁ ଚକିତ କରିଥିଲେ ଦେବାଶିଷ । ଅନ୍ତର୍ଜାତୀୟ କ୍ରିକେଟରୁ ଅବସର ନେବା ପରେ ଓଡ଼ିଶା କ୍ରିକେଟ ଦଳର ମୁଖ୍ୟ କୋଚ୍ ଭାବେ କାର୍ଯ୍ୟ କରିଛନ୍ତି ଦେବାଶିଷ । ଆଉ ଏବେ ବିସିସିଆଇ ଚୟନକର୍ତ୍ତା ଭାବେ ନିଯୁକ୍ତ ଦେଇ ଦେବାଶିଷଙ୍କ କାନ୍ଧରେ ଗୁରୁଦାୟିତ୍ୱ ଦେଇଛି ।

from Kanak News
via <a href="https://ifttt.com/?

କନକ ବ୍ୟୁରୋ: ବ୍ରିଟେନ ଫେରନ୍ତାଙ୍କ ଠାରେ ଅଛି କେଉଁ ଷ୍ଟ୍ରେନ ? ପରୀକ୍ଷା ପାଇଁ ପୁନେ ପଠାଗଲା ନମୂନା । ବ୍ରିଟେନ ଫେରନ୍ତା ପଜିଟିଭ ଚିହ୍ନଟ ପରେ ଲୋକଙ୍କ ମନରେ ଭୟ ପ୍ରବେଶ କରିଛି । ସଂପୃକ୍ତ ବ୍ୟକ୍ତି ନୂଆ ଷ୍ଟ୍ରେନରେ ଆକ୍ରାନ୍ତ ନା ନୁହଁନ୍ତି ସ୍ପଷ୍ଟ ହୋଇ ନାହିଁ । ତେଣୁ ବ୍ରିଟେନ ଫେରନ୍ତା ଯୁବକଙ୍କ ସାମ୍ପୁଲ ପୁଣେରେ ଥିବା ଜାତୀୟ ନାସନାଲ ଇନଷ୍ଟିଚ୍ୟୁଟ ଅଫ ଭାଇରୋଲୋଜିକୁ ପଠାଯାଇଛି । ସେଠାରେ ଆଇଏଲଏସ ସମେତ ୫ଟି ସଂସ୍ଥା ଗବେଷଣା କରିବେ । ପୁନେରେ ଜିନମ ସିକ୍ୟୁଏନ୍ସ ପରେ ଜଣାପଡ଼ିବ ଓଡ଼ିଶାରେ ଚିହ୍ନଟ ହୋଇଥିବା ଆକ୍ରାନ୍ତଙ୍କ ଠାରେ ନୂଆ ଷ୍ଟ୍ରେନ ଅଛି କି ନାହିଁଁ ।

ବ୍ରିଟେନ ଫେରନ୍ତା ଯୁବକ ପଜିଟିଭ ଚିହ୍ନଟ ହୋଇଥିଲା ବେଳେ ଆଶ୍ୱସ୍ତିକର କଥା ହେଉଛି ତାଙ୍କ ପରିବାର ଲୋକ ଓ ସଂସ୍ପର୍ଶରେ ଆସିଥିବା ବ୍ୟକ୍ତିଙ୍କ ରିପୋର୍ଟ ନେଗେଟିଭ ଆସିଛି । ପୂର୍ବ କରୋନା ରୋଗୀଙ୍କ ପରି ଏହି ରୋଗୀଙ୍କ ଲକ୍ଷଣ ସମାନ ରହିଛି । ତେଣୁ ଭୟଭୀତ ନହେବା ପାଇଁ ପରାମର୍ଶ ଦେଇଛନ୍ତି ଡିଏମଇଟି ସିବିକେ ମହାନ୍ତି । ୟୁରୋପୀୟ ଦେଶ ଛଡା ଅନ୍ୟ ଦେଶରେ ଏହି ୱେଭ ଦେଖା ଦେଇନଥିବାରୁ ଏହାକୁ ଦ୍ୱିତୀୟ ୱେଭ କୁହାଯାଇ ପାରିବ ନାହିଁ ବୋଲି ସେ କହିଛନ୍ତି ।

କରୋନାର ନୂଆ ଷ୍ଟ୍ରେନ ଚିନ୍ତା ବଢ଼ାଇଥିବା ବେଳେ ଇଂଲଣ୍ଡ ଫେରନ୍ତା ସମ୍ପର୍କରେ ତୁରନ୍ତ ସୂଚନା ଦେବାକୁ ବିଜ୍ଞପ୍ତି ଜାରି କରିଛି ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ । ଏନେଇ ଏକ ଫୋନ ନମ୍ବର ମଧ୍ୟ ଜାରି କରାଯାଇଛି । ଯେଉଁଥିରେ ବ୍ରିଟେନ ଫେରନ୍ତା ବ୍ୟକ୍ତି ନିଜର ତଥ୍ୟ ଦେଇପାରିବେ । ସୂଚନା ମିଳିବା ପରେ ବିଭାଗର ତ୍ୱରିତ ପଦକ୍ଷେପ ଗ୍ରହଣ କରାଯିବ । ତେବେ ମୋଟ ୪୩ ଜଣ ବ୍ରିଟେନରୁ ଫେରିଥିବା ସରକାର ତଥ୍ୟ ଦେଇଛନ୍ତି । ସେଥିରୁ କେବଳ ଭୁବନେଶ୍ୱରରେ ୨୧ ଜଣ ।

from Kanak News
via <a href="https://ifttt.com/?

କନକ ବ୍ୟୁରୋ: ପରୀକୁ ନ୍ୟାୟ ଦାବିରେ ୫ଦିନ ଧରି ଚାଲିଥିବା ବିଜେପିର ପଦଯାତ୍ରା ଆଜି ଯଦୁପୁରରେ ପହଂଚିଛି । ଭୁବନେଶ୍ୱରରୁ ଆରମ୍ଭ ହୋଇଥିବା ପଦଯାତ୍ରା ଯଦୁପୁରରେ ପହଂଚିବା ପରେ ଏକ ବଡ ସଭାର ଆୟୋଜନ କରାଯାଇଥିଲା ଏବଂ ବିଜେପି ନେତାମାନେ କହିଥିଲେ, ପରୀ ପାଇଁ ଏହି ଲଢେଇ ଜାରି ରହିବ ।

ଅନ୍ୟ ୫ ହଜାର ପରୀଙ୍କ ନିଖୋଜ ନେଇ ଖୋଳତାଡ କରିବାକୁ ଦଳ ଦାବି କରିଛି । ଏଥିସହ ପରୀ ହତ୍ୟା ଘଟଣାର ସିବିଆଇ ତଦନ୍ତ କରାଯାଉ ଏବଂ ଘଟଣାରେ ମନ୍ତ୍ରୀ ଅରୁଣ ସାହୁଙ୍କ ସମ୍ପୃକ୍ତି ଅଭିଯୋଗ କରି ବହିଷ୍କାର ଦାବି କରିଥିଲେ । ପଦଯାତ୍ରାରେ ବିଜେପିର ବହୁ ନେତା ଓ କର୍ମୀ ସାମିଲ ହୋଇଥିଲେ ।

from Kanak News
via <a href="https://ifttt.com/?

କନକ ବ୍ୟୁରୋ: ଯେତେବେଳେ ପରୀ ମାମଲାରେ ସରକାର ଏସଆଇଟି ତଦନ୍ତ ନିର୍ଦ୍ଦେଶ ଦେଲେ ସେତେବେଳେ ଅଭିଯୁକ୍ତ ସରୋଜ ସେଠୀ କରୁଥିଲା କଣ ? ଏସଆଇଟି ମୁଖ୍ୟ ଅରୁଣ ବୋଥ୍ରାଙ୍କ କହିବା ଅନୁସାରେ ଏସଆଇଟି ସମ୍ପର୍କରେ ଗୁଗୁଲରେ ସର୍ଚ୍ଚ କରୁଥିଲା ସରୋଜ । ଖାଲି ସେତିକି ନୁହେଁ, ଏସଆଇଟି ମୁଖ୍ୟ ଅରୁଣ ବୋଥ୍ରା କେଉଁଠି କାମ କରିଛନ୍ତି, କେଉଁ କେଉଁ ମାମଲାରେ ତଦନ୍ତ କରିଛନ୍ତି ଏବଂ କିପରି ଅପରାଧୀ ପାଖରେ ପହଂଚିଛନ୍ତି ସେ ସମ୍ପର୍କିତ ଟିକିନିଖି ତଥ୍ୟ ଖୋଜୁଥିଲା ସରୋଜ । ଆଉ ଏସଆଇଟି ତଦନ୍ତ ନିର୍ଦ୍ଦେଶ ହେବା ନେଇ ଜାଣିବା ପରେ ଗୁଗୁଲ ହିଷ୍ଟ୍ରୀ ଡିଲିଟ କରି ଦେଇଥିଲା ।

ପରୀ ଖବର ଉପରେ ନଜର ରଖୁଥିଲା ସରୋଜ । ଟାଟା ସ୍କାଏ ରିଚାର୍ଜ ପାଇଁ ଜିଦ କରୁଥିଲା । ଏସଆଇଟି ମୁଖ୍ୟ ଅରୁଣ ବୋଥ୍ରା ଅଭିଯୁକ୍ତ ସରୋଜ ସେଠୀ ବିଷୟରେ ଯେତିକି ଜାଣିଥିଲେ ତାଠାରୁ ଅଧିକ ଅଭିଯୁକ୍ତ ସରୋଜ ଜାଣିଥିଲା ବୋଥ୍ରାଙ୍କ ବିଷୟରେ । ବଡ କଥା ହେଲା ବୋଥ୍ରା ପ୍ରଥମଥର ପାଇଁ ଯେତେବେଳେ ଅଭିଯୁକ୍ତ ପାଖକୁ ଯାଇଥିଲେ ସେତେବେଳେ ସେ ଟିଭିରେ ନ୍ୟୁଜ ଦେଖୁଥିଲା । ବିଭିନ୍ନ ଚ୍ୟାନେଲରେ ପରୀ ଖବର ଉପରେ ନଜର ରଖୁଥିଲା ସରୋଜ ।

ସରୋଜକୁ ରିମାଣ୍ଡରେ ନେଇ ପଚରାଉଚରା କରିବା ସମୟରେ କେତେବେଳେ ସରୋଜ କହୁଛି ଭୁଲ କରିଦେଲି , ଆଉ କେତେବେଳେ ତଦନ୍ତକାରୀ ଦଳ ଉପରେ ରାଗି ଯାଉଛି । କାରଣ ସରୋଜ କେବେ ବି ଭାବିନଥିଲା ଏସଆଇଟି ହାତରେ ଧରାପଡିବ ବୋଲି ।
ଘଟଣା ଘଟିବା ଦିନ ଠାରୁ ଏସଆଇଟି ତଦନ୍ତ ନିର୍ଦ୍ଦେଶ ହେବା ପର୍ଯ୍ୟନ୍ତ ସରୋଜ ଏହି ହତ୍ୟାକାଣ୍ଡରେ ସମ୍ପୃକ୍ତି ଥିବା ନେଇ କେବେ ବି ସନ୍ଦେହ ଘେରକୁ ଆସିବ ନାହିଁ ବୋଲି ଅନୁମାନ କରିନେଇଥିଲା ସରୋଜ ।

from Kanak News
via <a href="https://ifttt.com/?