କନକ ବ୍ୟୁରୋ: ପରିକ୍ରମା ପ୍ରକଳ୍ପ ଉଦ୍ଘାଟନ ପୂର୍ବରୁ ଶ୍ରୀକ୍ଷେତ୍ରରେ ସୁରକ୍ଷା ସ୍ଥିତିର ସମୀକ୍ଷା କରିଛନ୍ତି ପୋଲିସ ଡିଜି ଅରୁଣ ଷଢ଼ଙ୍ଗୀ । ଯଜ୍ଞସ୍ଥଳ, ଶ୍ରୀସେତୁ, ଶ୍ରୀମାର୍ଗ ଓ ଜଗନ୍ନାଥ ବଲ୍ଲଭ ଅଂଚଳ ବୁଲି ସୁରକ୍ଷା ସ୍ଥିତି ସମୀକ୍ଷା କରିଛନ୍ତି ଡିଜି । ଏହି ସମୟରେ ତାଙ୍କ ସହ ଉପସ୍ଥିତ ଥିଲେ କେନ୍ଦ୍ରାଂଚଳ ଆଇଜି ଓ ପୁରୀ ଏସ୍ପି । ୧୭ ଉଦ୍ଘାଟନୀ ଉତ୍ସବରେ ୪ ଥାକିଆ କଡା ସୁରକ୍ଷାରେ ରହିବ ଶ୍ରୀକ୍ଷେତ୍ର । ଟ୍ରାଫିକ୍, ଭିଆଇପି, ଭକ୍ତଙ୍କ ସୁରକ୍ଷା ଓ ଶୃଙ୍ଖଳିତ ଦର୍ଶନ ବ୍ୟବସ୍ଥା ଉପରେ ଗୁରୁତ୍ୱ ଦିଆଯିବ ବୋଲି ପୋଲିସ୍ ଡିଜି କହିଛନ୍ତି । ସୁରକ୍ଷା ଦାୟିତ୍ୱରେ ନିୟୋଜିତ ହେବେ ୮୦ ପ୍ଲାଟୁନ୍ ଫୋର୍ସ ଓ ୩ଟି ବୋମା ନିଷ୍କ୍ରିୟକାରୀ ଦଳ ମୁତୟନ ରହିବେ । ୧୦୦ ଜଣ ସୁପରଭାଇଜର ଅଫିସର ସୁରକ୍ଷା ଦାୟିତ୍ୱରେ ରହିବେ ।

The post ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଲୋକର୍ପଣର ସୁରକ୍ଷା ବ୍ୟବସ୍ଥା ଅନୁଧ୍ୟାନ କଲେ ପୋଲିସ ଡିଜି: ଚାରି ଥାକିଆ କଡା ସୁରକ୍ଷାରେ ରହିବ ଶ୍ରୀକ୍ଷେତ୍ର first appeared on Kanak News.

from Kanak News
via <a href="https://ifttt.com/?

ମତ୍ସ୍ୟଜୀବୀଙ୍କ ପ୍ରସଙ୍ଗ ଭାରତ ଏବଂ ଶ୍ରୀଲଙ୍କା ମଧ୍ୟରେ ସବୁବେଳେ ଉଠୁଥିବା ଏକ  ବିବାଦୀୟ ପ୍ରସଙ୍ଗ ।  ଶ୍ରୀଲଙ୍କା ନୌସେନାର କର୍ମଚାରୀମାନେ ମଧ୍ୟ ପାଲ୍କ ଷ୍ଟ୍ରାଇଟରେ  ଭାରତୀୟ ମତ୍ସ୍ୟଜୀବୀଙ୍କ ଉପରକୁ ଗୁଳି ଚଳାଇ ଶ୍ରୀଲଙ୍କାର ଆଞ୍ଚଳିକ ଜଳକୁ ବେଆଇନ ଭାବେ ପ୍ରବେଶ କରିଥିବା ଅଭିଯୋଗରେ ସେମାନଙ୍କ ଡଙ୍ଗା ବୁଡ଼ାଇ ଦେଇଛନ୍ତି ।

ଦେଶର ଉତ୍ତର ଜାଫ୍ନା ଉପଦ୍ୱୀପ ଅଞ୍ଚଳରେ କରାଇନାଗର ଉପକୂଳରେ ଅବୈଧ ଶିକାର କରିବା ଅଭିଯୋଗରେ ଶ୍ରୀଲଙ୍କା ନୌସେନା ୧୨ ଜଣ ଭାରତୀୟ ମତ୍ସ୍ୟଜୀବୀଙ୍କୁ ଗିରଫ କରିଛି । ରବିବାର ଦିନ ଏକ ସରକାରୀ ବିବୃତ୍ତିରେ କୁହାଯାଇଛି ଯେ ଶ୍ରୀଲଙ୍କା ନୌସେନା ୧୨ ଜଣ ଭାରତୀୟ ମତ୍ସ୍ୟଜୀବୀଙ୍କୁ ଗିରଫ କରିଛି ଏବଂ ସେମାନଙ୍କ ଟ୍ରଲରକୁ ଜବତ କରିଛି ।

ଶ୍ରୀଲଙ୍କା ନୌସେନା କହିଛି ଯେ ମତ୍ସ୍ୟଜୀବୀଙ୍କୁ ଶନିବାର ଉତ୍ତର ଜାଫ୍ନା ଉପଦ୍ୱୀପରେ କରାଇନାଗର ଉପକୂଳରୁ ଗିରଫ କରାଯାଇଛି ଏବଂ ସେମାନଙ୍କ ତିନୋଟି ଟ୍ରଲରକୁ ଜବତ କରାଯାଇଛି । ପରବର୍ତ୍ତୀ କାର୍ଯ୍ୟାନୁଷ୍ଠାନ ପାଇଁ ସେମାନଙ୍କୁ କାନକେସନ୍ତୁରାଇ ବନ୍ଦରକୁ ନିଆଯାଇଥିଲା ।ଭାରତ ଏବଂ ଶ୍ରୀଲଙ୍କା ମଧ୍ୟରେ ବିବାଦ । ମତ୍ସ୍ୟଜୀବୀଙ୍କ ପ୍ରସଙ୍ଗ ଭାରତ ଏବଂ ଶ୍ରୀଲଙ୍କା ମଧ୍ୟରେ ସବୁବେଳେ ରହିଥିବା ଏକ ବିବାଦୀୟ ପ୍ରସଙ୍ଗ । ଶ୍ରୀଲଙ୍କା ନୌସେନାର କର୍ମଚାରୀମାନେ ମଧ୍ୟ ପାଲ୍କ ଷ୍ଟ୍ରାଇଟ୍ରେ ଭାରତୀୟ ମତ୍ସ୍ୟଜୀବୀଙ୍କ ଉପରକୁ ଗୁଳି ଚଳାଇ ଶ୍ରୀଲଙ୍କାର ଆଞ୍ଚଳିକ ଜଳକୁ ବେଆଇନ ଭାବେ ପ୍ରବେଶ କରିଥିବା ଅଭିଯୋଗରେ ସେମାନଙ୍କ ଡଙ୍ଗା ବୁଡ଼ାଇ ଦେଇଛନ୍ତି ।ମତ୍ସ୍ୟଚାଷ

ତାମିଲନାଡୁକୁ ଶ୍ରୀଲଙ୍କାଠାରୁ ପୃଥକ କରୁଥିବା ଜଳର ଏକ ସଂକୀର୍ଣ୍ଣ ପଲ୍କ ଷ୍ଟ୍ରେଟ୍ । ଉଭୟ ଦେଶର ମତ୍ସ୍ୟଜୀବୀଙ୍କ ପାଇଁ ଏକ ସମୃଦ୍ଧ ମତ୍ସ୍ୟଉତ୍ସ । ଭାରତୀୟ ମତ୍ସ୍ୟଜୀବୀଙ୍କୁ ଶ୍ରୀଲଙ୍କା କର୍ତ୍ତୃପକ୍ଷ ଅନ୍ତର୍ଜାତୀୟ ସାମୁଦ୍ରିକ ସୀମା ଅତିକ୍ରମ କରି ଶ୍ରୀଲଙ୍କା ଜଳରେ ମାଛ ଧରିବା ଅଭିଯୋଗରେ ପର୍ଯ୍ୟାୟକ୍ରମେ ଘଟଣା ଘଟୁଛି । ୨୦୨୩ ମସିହାରେ ଦ୍ୱୀପପୁଞ୍ଜର ନୌସେନା ଶ୍ରୀଲଙ୍କା ଜଳରେ ୩୫ ଟି ଟ୍ରଲର ସହିତ ୨୪୦ ଜଣ ଭାରତୀୟ ମତ୍ସ୍ୟଜୀବୀଙ୍କୁ ଗିରଫ କରିଥିଲା ।

 

The post ଶ୍ରୀଲଙ୍କା ନୌସେନା ୧୨ ଜଣ ଭାରତୀୟ ମତ୍ସ୍ୟଜୀବୀଙ୍କୁ ଗିରଫ କରିଛି ।  ଡଙ୍ଗା ମଧ୍ୟ ଜବତ କରାଯାଇଛି । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଭାରତୀୟ ପାଣିପାଗ ବିଭାଗ । ପାଣିପାଗ ସଂପର୍କରେ ସଠିକ୍ ସୂଚନା ଦେବାରେ ଦେଶର ବିଶ୍ୱସନୀୟ ସଂଖ୍ୟା । ବନ୍ୟା, ବାତ୍ୟା ପ୍ରାକୃତିକ ବିପର୍ଯ୍ୟୟ ବେଳେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ ଭାରତୀୟ ପାଣିପାଗ ବିଭାଗ ବା ଆଇଏମ୍ଡି । କେବେ ବାତ୍ୟା ଆସିବ, କେଉଁଠି ଲ୍ୟାଣ୍ଡଫଲ କରିବ । ବାତ୍ୟାର ଗତିପଥ କ’ଣ ରହିବ, ତାର ସଠିକ୍ ଆକଳନ କରି ଅନେକ ସମୟରେ ପ୍ରଶଂସା ସାଉଁଟିଛି ଆଇଏମ୍ଡି । ଆଉ ଏହି ସଠିକ୍ ଆକଳନ ଯୋଗୁ ଅନେକ ଧନ ଜୀବନ ରକ୍ଷା ହୋଇପାରିଛି ।

ଆଜି ଭାରତୀୟ ପାଣିପାଗ ବିଭାଗକୁ ୧୫୦ ବର୍ଷ ପୂରିଛି । ୧୮୭୫ ମସିହା ଜାନୁଆରୀ ୧୫ ତାରିଖରେ ପ୍ରତିଷ୍ଠା ହୋଇଥିଲା ଭାରତୀୟ ପାଣିପାଗ ବିଭାଗ । ଏହି ୧୫୦ ବର୍ଷ ଭିତରେ ବିଭିନ୍ନ ସମୟରେ ପାଣିପାଗର ପ୍ରାକ୍ ସୂଚନା ଦେଇ ଚାଲିଛି ଆଇଏମ୍ଡି । ଓଡ଼ିଶା ଏକ ବାତ୍ୟା ପ୍ରବଣ ରାଜ୍ୟ । ନିକଟରେ ଫନି, ହୁଡ୍ହୁଡ୍, ଫାଇଲିନ୍ ପରି ବାତ୍ୟା ଦେଖିଛି ଓଡ଼ିଶା । ହେଲେ ପାଣିପାଗ ବିଭାଗର ସଠିକ୍ ଆଗୁଆ ଆକଳନ ପାଇଁ ଏପରି ପ୍ରଳୟଙ୍କାରୀ ବାତ୍ୟାର ମୁକାବିଲା କରାଯାଇପାରିଛି । ଅନେକ ଧନ ଜୀବନ ରକ୍ଷା କରାଯାଇପାରିଛି । ସବୁଠୁ ବଡ଼ କଥା ହେଉଛି, ଏବେ ଭାରତୀୟ ପାଣିପାଗ ବିଭାଗର ମହାନିର୍ଦ୍ଦେଶକ ଅଛନ୍ତି ଜଣେ ଓଡ଼ିଆ । ଡକ୍ଟର ମୃତ୍ୟୁଞ୍ଜୟ ମହାପାତ୍ର ଆଇଏମ୍ଡି ଡିଜି ଭାବେ କାର୍ଯ୍ୟରତ । ତାଙ୍କ ନେତୃତ୍ୱରେ ଭାରତୀୟ ପାଣିପାଗ ବିଭାଗ ଅନେକ ନୂଆ ନୂଆ ଗବେଷଣା ଜାରି ରହିଛି ।

The post ଭାରତୀୟ ପାଣିପାଗ ବିଭାଗକୁ ହେଲା ୧୫୦ ବର୍ଷ । ଆଜିଠୁ ଓଡିଆ ସମେତ ୧୨ଟି ଭାଷାରେ ପଞ୍ଚାୟତସ୍ତରରେ ମିଳିବ ପାଣିପାଗ ସୂଚନା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଲୋକାର୍ପଣ କାର୍ଯ୍ୟକ୍ରମକୁ ନେଇ ଉତ୍ସବମୁଖର ଶ୍ରୀକ୍ଷେତ୍ର ପୁରୀ । ଆଜିଠାରୁ ତିନି ଦିନ ପର୍ଯ୍ୟନ୍ତ ଚାଲିବ ହୋମଯଜ୍ଞ । ଏଥିପାଇଁ ବରଣ ହୋଇଥିବା ବ୍ରାହ୍ମଣମାନେ ଚଣ୍ଡୀପାଠ ସହ ଅନ୍ୟାନ୍ୟ ମନ୍ତ୍ରପାଠ କରୁଛନ୍ତି । ବେଦପାଠ ସାଙ୍ଗକୁ ନାମ ସଂକୀର୍ତନରେ ପ୍ରକମ୍ପିତ ହେଉଛି ଶ୍ରୀମନ୍ଦିର ଚାରି ଦ୍ୱାର । ଏହା ପରେ ଅଖଣ୍ଡ ଦୀପ ପ୍ରଜ୍ୱଳନ କରି ମହାଯଜ୍ଞର ଶୁଭାରମ୍ଭ କରାଯିବ । ଅପରାହ୍ନ ୩ଟାରେ ଶ୍ରୀମନ୍ଦିର ରୋଷଶାଳାରୁ ଅଗ୍ନି ଅଣାଯାଇ ଯଜ୍ଞ କାର୍ଯ୍ୟ ଆରମ୍ଭ କରାଯିବ ।

ଯଜ୍ଞ ସାଙ୍ଗକୁ ଶ୍ରୀମନ୍ଦିର ଚାରିଦ୍ୱାରରେ ୬୦ଜଣ ବିଦ୍ୟାର୍ଥୀମାନଙ୍କ ଦ୍ୱାରା ବେଦପାଠ ବ୍ୟବସ୍ଥା ହୋଇଛି । ସିଂହଦ୍ୱାରରେ ଋକ୍ବେଦ, ପଶ୍ଚିମଦ୍ୱାରରେ ସାମବେଦ, ଉତରଦ୍ୱାରରେ ଅର୍ଥବବେଦ ଏବଂ ଦକ୍ଷିଣ ଦ୍ୱାରରେ ଯର୍ଜୁବେଦ ପାଠ କରାଯିବ । ଆସନ୍ତାକାଲି ମଧ୍ୟ ଯଜ୍ଞ ଅନୁଷ୍ଠିତ ହେବ । ସେପଟେ ଶ୍ରୀମାର୍ଗ ଏବଂ ଶ୍ରୀସେତୁ କାର୍ଯ୍ୟ ସମ୍ପୂର୍ଣ୍ଣ ହୋଇସାରିଥିବା ବେଳେ ଆଜି ଏହା ଉପରେ ଟ୍ରାଏଲ ରନ କରାଯିବ । ୧୭ ଜାନୁଆରୀରେ ମୁଖ୍ୟମନ୍ତ୍ରୀ ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଲୋକାର୍ପଣ କରିବେ । ଭକ୍ତଙ୍କ ସମାଗମକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥା କଡାକଡି କରିଛି ପୁରୀ ପୋଲିସ ।

The post ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଲୋକାର୍ପଣକୁ ନେଇ ଉତ୍ସବମୁଖର ଶ୍ରୀକ୍ଷେତ୍ର । ଅପରାହ୍ନରୁ ଯଜ୍ଞ ଆରମ୍ଭ । ବେଦ ଉଚ୍ଚାରଣ, ମନ୍ତ୍ରଧ୍ୱନିରେ ମୁଖରିତ ହେବ ବଡଦାଣ୍ଡ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଶ୍ରୀକ୍ଷେତ୍ର ପରିକ୍ରମା ପ୍ରକଳ୍ପକୁ ନେଇ ପୁରା ଅଞ୍ଚଳ ଉତ୍ସବ ମୁଖର ଥିବାବେଳେ ଏହାକୁ ନେଇ ରାଜନୀତି ଜୋର ଧରିଛି । ପ୍ରକଳ୍ପ ଲୋକାର୍ପଣ ଉତ୍ସବ ପୂର୍ବରୁ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି ବିରୋଧୀ ବିଜେପି ଓ କଂଗ୍ରେସ । ପରିକ୍ରମା ପ୍ରକଳ୍ପ ଲୋକାର୍ପଣ ଉତ୍ସବରେ ସାମିଲ ହେବେ ନାହିଁ ବୋଲି କହିଛନ୍ତି ବିରୋଧୀ ।

ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ଦଳୀୟ କାର୍ଯ୍ୟକ୍ରମ ବୋଲି କହିଛି ବିଜେପି । ବିଜେପି ରାଜ୍ୟ ସଭାପତି ମନମୋହନ ସାମଲ କହିଛନ୍ତି, ଜଗନ୍ନାଥ କେଉଁ ଦଳର ନୁହନ୍ତି । ସାଲବେଗଙ୍କୁ ଭେଟିବାକୁ ଜଗନ୍ନାଥ ୯ ଦିନ ବାହାରକୁ ବାହାରିଥିଲେ । ଏବେ ଆମେ ସାମିଲ ହେବା ଠିକ୍ କି ନୁହେଁ ଆପଣ ବିଚାର କରନ୍ତୁ ବୋଲି କହିଛନ୍ତି ମନମୋହନ ସାମଲ । ସେପଟେ କଂଗ୍ରେସ ପ୍ରଚାର କମିଟି ଅଧ୍ୟକ୍ଷ କହିଛନ୍ତି, ପରିକ୍ରମା ପ୍ରକଳ୍ପ ପାଇଁ ଗୁଆ ନିମନ୍ତ୍ରଣ ମଗା ଯାଉଛି । ଶ୍ରୀମନ୍ଦିର ଆଗରେ ଶୌଚାଳୟ ଉଦଘାଟନ ପାଇଁ ଗୁଆ ଅରୁଆ ଚାଉଳର ଆବଶ୍ୟକତା କ’ଣ ରହିଛି ବୋଲି ସେ ପ୍ରଶ୍ନ କରିଛନ୍ତି । ଏହା ସହ ସେ କହିଛନ୍ତି, ଏହି ଠାକୁର ଲୋକଙ୍କୁ ଖାଇବାକୁ ଦିଏ, ଚାଉଳ ମାଗେନି । ଲୋକଙ୍କ ଚାଉଳରେ ବିଜେଡି କର୍ମୀ ଭୋଜି କରୁଛନ୍ତି ବୋଲି ସେ ଅଭିଯୋଗ କରିଛନ୍ତି ।

The post ପରିକ୍ରମା ପ୍ରକଳ୍ପ ଉତ୍ସବକୁ ନେଇ ତେଜିଲା ରାଜନୀତି । ଲୋକାର୍ପଣ ଉତ୍ସବକୁ ବୟକଟ କଲେ ବିରୋଧୀ । ଲୋକାର୍ପଣକୁ ଦଳୀୟ କାର୍ଯ୍ୟକ୍ରମ କହିଲେ ବିଜେପି ସଭାପତି । first appeared on Kanak News.

from Kanak News
via <a href="https://ifttt.com/?

କାଇରୋର ଅଲ ଗାଡ ଚ୍ୟାନେଲର ଭିଡିଓ ସାମ୍ବାଦିକ ୟାଜାନ ଅଲ-ଜାୱାଇଡି ଗାଜାରେ ମୃତ୍ୟୁ ବରଣ କରିଛନ୍ତି । ଏହି ଚ୍ୟାନେଲ ତା ସାମ୍ବାଦିକଙ୍କୁ ଇସ୍ରାଏଲ ସେନା ହତ୍ୟା କରିଥିବାର ଅଭିଯୋଗ କରିଛି । ଗାଜାରେ ସାମ୍ବାଦିକଙ୍କ କ୍ରମାଗତ ମୃତ୍ୟୁକୁ ନେଇ ମିଳିତ ଜାତିସଂଘ ମଧ୍ୟ ଉଦ୍ବେଗ ପ୍ରକାଶ କରିଛି ।

ଇସ୍ରାଏଲ ଏବଂ ହମାସ ମଧ୍ୟରେ ଯୁଦ୍ଧ ହେବାର ତିନି ମାସରୁ ଅଧିକ ସମୟ ବିତିଗଲାଣି, ତଥାପି ଏହି ଯୁଦ୍ଧ ଥମିବାର ନାଁ ନେଉନାହିଁ ।  ଇସ୍ରାଏଲ୍ କ୍ରମାଗତ ଭାବରେ ଗାଜାରେ ଏୟାର ଷ୍ଟ୍ରାଇକ୍ କରିଚାଲିଛି । ଯେଉଁଥିପାଇଁ ସେଠାରେ ବିନାଶର କଳା ବାଦଲ ଛାଇ ହେଇଯାଇଛି । ବର୍ତ୍ତମାନ ପର୍ଯ୍ୟନ୍ତ ସେଠାରେ ହଜାର ହଜାର ଲୋକଙ୍କର ମୃତ୍ୟୁ ଘଟିଛି ଏବଂ ଅନେକ ଘର ଧୂଳିସାତ ହୋଇଯାଇଛି । ଇସ୍ରାଏଲ ଏବଂ ହମାସ୍ ମଧ୍ୟରେ ହୋଇଥିବା ଏହି ଯୁଦ୍ଧରେ ପତ୍ରକାର ମାନଙ୍କୁ ମଧ୍ୟ ହତ୍ୟା କରାଯାଉଛି । ଏହା ସହିତ ଅନେକ ସାମ୍ବାଦିକ ମଧ୍ୟ ଏହି ଯୁଦ୍ଧରେ ପ୍ରାଣ ହରାଇଛନ୍ତି । ରବିବାର ଦିନ ଗାଜାରେ ଆଉ ଜଣେ ସାମ୍ବାଦିକଙ୍କ ମୃତ୍ୟୁ ଘଟିଛି ।

ସୂଚନାନୁସାରେ, ଗାଜାରେ ହୋଇଥିବା ଆକ୍ରମଣରେ କାଇରୋର ଅଲ ଗାଡ ଚ୍ୟାନେଲର ଜଣେ ଭିଡିଓ ସାମ୍ବାଦିକଙ୍କର ମୃତ୍ୟୁ ଘଟିଛି। ଚ୍ୟାନେଲ ଅଭିଯୋଗ କରିଛି ଯେ ଇସ୍ରାଏଲ ସେନା ତାଙ୍କ ସାମ୍ବାଦିକଙ୍କୁ ଟାର୍ଗେଟ କରି ହତ୍ୟା କରିଛି । ଚ୍ୟାନେଲ ଦ୍ୱାରା ସୋସିଆଲ ମିଡିଆରେ ଏକ ପୋଷ୍ଟ ସେୟାର କରାଯାଇଛି ଯେଉଁଥିରେ କୁହାଯାଇଛି ଯେ ଅଲ ଗାଡ ଚ୍ୟାନେଲର ଭିଡିଓ-ସାମ୍ବାଦିକ ୟାଜାନ ଅଲ-ଜୱାଇଡିଙ୍କର ଇସ୍ରାଏଲ ସେନାର ଗୁଳିରେ ମୃତ୍ୟୁ ଘଟିଛି । ଏହି ଯୁଦ୍ଧରେ ସାମ୍ବାଦିକଙ୍କ କ୍ରମାଗତ ମୃତ୍ୟୁକୁ ନେଇ ମିଳିତ ଜାତିସଂଘ ମଧ୍ୟ ଉଦ୍ବେଗ ପ୍ରକାଶ କରିଛି ।

ଆଗରୁ ମଧ୍ୟ ମରିଛନ୍ତି ସାମ୍ବାଦିକ

କିଛି ଦିନ ପୂର୍ବେ ଇସ୍ରାଏଲର ଆକ୍ରମଣରେ ଦୁଇ ଅଲ ଜଜିରା ସାମ୍ବାଦିକ ହାମଜା ୱେଲ ଡାହଡୋହ ଏବଂ ମୁସ୍ତାଫା ଥୁରିଆଙ୍କର ମୃତ୍ୟୁ ଘଟିଥିଲା । ଯାହା ବିଷୟରେ ଇସ୍ରାଏଲ୍ ସେନା କହିଛି ଯେ ଅଲ ଜଜିରାର ଉଭୟ ସାମ୍ବାଦିକ ଆତଙ୍କବାଦୀ । ସେନା କହିଛି ଯେ ଆକ୍ରମଣ ପୂର୍ବରୁ ଉଭୟ ସାମ୍ବାଦିକ ଯୁଦ୍ଧ ଭୂମିରେ  ଡ୍ରୋନ୍ ଚଳାଉଥିଲେ ଯାହା ଇସ୍ରାଏଲ୍ ସୈନିକମାନଙ୍କ ପାଇଁ ବିପଦ ସୃଷ୍ଟି କରିଥିଲା । ସୂଚନାନୁସାରେ, ଏହି ଦୁଇ ସାମ୍ବାଦିକ ମଧ୍ୟ ନ୍ୟୁଜ୍ ଏଜେନ୍ସି AFP ଏବଂ ଅନ୍ୟାନ୍ୟ ସମ୍ବାଦ ସଂଗଠନ ପାଇଁ ଭିଡିଓ ଷ୍ଟ୍ରିଞ୍ଜର୍ ଭାବରେ କାର୍ଯ୍ୟ କରୁଥିଲେ । ଯେଉଁମାନେ ରାଫା ସହରରେ କତାର ଭିତ୍ତିକ ଚ୍ୟାନେଲ ପାଇଁ ଏକ ଆସାଇନମେଣ୍ଟରେ ଥିଲେ ।

ହାମଜା ୱେଲ ଡାହଡୋହଙ୍କ ପୁରା ପରିବାରଙ୍କର ମୃତ୍ୟୁ ହୋଇଥିଲା ।

ହାମଜା ୱେଲ ଡାହଦହୁ ଅଲ ଜଜିରା ସାମ୍ବାଦିକ ୱେଲ ଅଲ-ଡାହଦୋହଙ୍କ ପୁତ୍ର ଥିଲେ । ପୁଅର ମୃତ୍ୟୁ ପୂର୍ବରୁ ୱେଲ ଅଲ-ଡାହଦୋହଙ୍କ ପତ୍ନୀ, ଗୋଟିଏ ପୁଅ, ଗୋଟିଏ ଝିଅ ଏବଂ ନାତି ଅକ୍ଟୋବରରେ ମୃତ୍ୟୁ ବରଣ କରିଥିଲେ। ଇସ୍ରାଏଲ ଆକ୍ରମଣରେ ୱେଲ ଅଲ-ଡାହଦୋହ ସମଗ୍ର ପରିବାରକୁ ହରାଇଥିଲେ। ଏହା ପରେ କତାରର ଗଣମାଧ୍ୟମ ଏହାକୁ ଟାର୍ଗେଟ ହତ୍ୟା ବୋଲି କହିଥିଲା । ସାମ୍ବାଦିକଙ୍କ ମୃତ୍ୟୁକୁ ନେଇ ଅଲ ଜଜିରା ମଧ୍ୟ ଦାବି କରିଛି । ସେ କହିଛି ଯେ ଇସ୍ରାଏଲ ସେନା ସାମ୍ବାଦିକମାନଙ୍କୁ ଟାର୍ଗେଟ କରୁଛନ୍ତି ।

ବର୍ତ୍ତମାନ ସୁଦ୍ଧା ୮୨ ସାମ୍ବାଦିକଙ୍କର ମୃତ୍ୟୁ ହୋଇଛି

ସାମ୍ବାଦିକଙ୍କ ଅଧିକାରକୁ ସୁରକ୍ଷା ଦେବା କମିଟି ଅନୁଯାୟୀ, ୟାଜାନ ଅଲ-ଜାୱାଇଡିଙ୍କ ବ୍ୟତୀତ ଏହି ଯୁଦ୍ଧରେ ଏପର୍ଯ୍ୟନ୍ତ ୮୨ ଜଣ ସାମ୍ବାଦିକଙ୍କର ମୃତ୍ୟୁ ଘଟିଛି । ଅଧିକାଂଶ ସାମ୍ବାଦିକ ପାଲେଷ୍ଟାଇନିୟ ନଥିଲେ । ସାମ୍ବାଦିକଙ୍କ କ୍ରମାଗତ ମୃତ୍ୟୁକୁ ନେଇ ମିଳିତ ଜାତିସଂଘ ମଧ୍ୟ ଉଦ୍ବେଗ ପ୍ରକାଶ କରିଛି। ଏଥି ସହ ସାମ୍ବାଦିକଙ୍କ ବିରୋଧରେ ସମ୍ଭାବ୍ୟ ଅପରାଧର ଅନୁସନ୍ଧାନ କରାଯାଉଥିବା ଅନ୍ତର୍ଜାତୀୟ ଅପରାଧିକ କୋର୍ଟ କହିଛନ୍ତି ।ଆସନ୍ତୁ ଆପଣଙ୍କୁ କହିବା ଯେ ଅକ୍ଟୋବର ୭ ରେ ହାମାସ ଆତଙ୍କବାଦୀମାନେ ଇସ୍ରାଏଲ ଉପରେ ଆକ୍ରମଣ କରିଥିଲେ ଯେଉଁଥିରେ ପ୍ରାୟ ୧୨୦୦ ଇସ୍ରାଏଲ ନାଗରିକ ନିହତ ହୋଇଥିଲେ । ଏହା ସହିତ ହମାସ୍ ମହିଳା ଏବଂ ଶିଶୁଙ୍କ ସମେତ ବହୁତ ଇସ୍ରାଏଲ୍ ନାଗରିକମାନଙ୍କୁ ବନ୍ଧକ କରି  ରଖିଥିଲେ। ସେହି ଦିନଠାରୁ, ଇସ୍ରାଏଲ୍ ସେନା କ୍ରମାଗତ ଭାବରେ ହମାସର ଆଡ୍ଡାକୁ ଆକ୍ରମଣ କରି ନଷ୍ଟ କରୁଛନ୍ତି । ଗାଜା ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ଇସ୍ରାଏଲ୍ ଆକ୍ରମଣରେ ଏପର୍ଯ୍ୟନ୍ତ ଅତି କମରେ ୨୩୦୦୦ରୁ ଅଧିକ ଜଣଙ୍କର ମୃତ୍ୟୁ ଘଟିଛି ଯାହା ମଧ୍ୟରେ ଅଧିକାଂଶ ମହିଳା ଏବଂ ଶିଶୁ ଅଛନ୍ତି  ।

 

The post ଗାଜାରେ ଆଉ ଜଣେ ସାମ୍ବାଦିକଙ୍କର ମୃତ୍ୟୁ । ଚ୍ୟାନେଲର ଅଭିଯୋଗ – ଇସ୍ରାଏଲ ହତ୍ୟା କରିଛି first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଘର ତୋଳିବାକୁ ବଲିଉଡ୍‌ ଅଭିନେତା ଅମିତାଭ ବଚ୍ଚନ ଅଯୋଧ୍ୟାର ‘ଦି ସରଯୁ’ରେ ପ୍ଲଟ୍‌ କିଣିଛନ୍ତି । କିଣିଥିବା ପ୍ଲଟ୍‌ ବା ଜାଗାର ଆକାର ଓ ମୂଲ୍ୟ ବିଷୟରେ କୌଣସି ସୂଚନା ଦେବାକୁ ‘ଦି ହାଉସ୍‌ ଅଫ୍‌ ଅଭିନନ୍ଦନ ଲୋଢ଼ା’ ମନା କରିଦେଇଛନ୍ତି। କିନ୍ତୁ, ‘ରିୟଲ୍‌ ଇଷ୍ଟେଟ୍‌’ ଶିଳ୍ପସୂତ୍ରରୁ ଜଣାପଡ଼ିଛି ଯେ, ବଚ୍ଚନ ଯେଉଁ ପ୍ଲଟ୍‌ରେ ଘର ତିଆରି କରିବେ ତାହା ପ୍ରାୟ ୧୦,୦୦୦ ବର୍ଗ ଫୁଟ୍‌ ହେବ। ତା’ର ମୂଲ୍ୟ ୧୪.୫ କୋଟି ଟଙ୍କା।

‘ଦି ସରଯୂ’ ୧୦ ହଜାର ବର୍ଗଫୁଟ ଜମି ଉପରେ ପରିବ୍ୟାପ୍ତ। ଏହି ପ୍ରକଳ୍ପରେ ଅର୍ଥ ବିନିଯୋଗ ବିଷୟରେ ଅମିତାଭ ବଚ୍ଚନ କହିଛନ୍ତି, ଅଯୋଧ୍ୟା ନଗରୀ ପାଇଁ ମୋ ମନରେ ବିଶେଷ ଶ୍ରଦ୍ଧା ରହିଥିବାରୁ ‘ଦି ହାଉସ୍‌ ଅଫ୍‌ ଅଭିନନ୍ଦନ ଲୋଢ଼ା’ଙ୍କ ‘ଦି ସରଯୂ’ ପାଇଁ ମନ ବଳାଇଲି। ଅଯୋଧ୍ୟାର ଚିରସ୍ଥାୟୀ ଆଧ୍ୟାତ୍ମିକତା ଓ ସାଂସ୍କୃତିକ ସମୃଦ୍ଧି ଏଭଳି ଆବେଗିକ ସମ୍ବନ୍ଧ ସୃଷ୍ଟି କରିଛି ଯାହା ଭୌଗୋଳିକ ସୀମାସରହଦ ମାନେନାହିଁ। ଏହା ହେଉଛି ଅଯୋଧ୍ୟାର ଆବେଗ ମଧ୍ୟକୁ ପ୍ରବେଶ କରିବା ଲାଗି ନିଷ୍ଠାପର ଯାତ୍ରାର ଅୟମାରମ୍ଭ। ଅଯୋଧ୍ୟା, ଯେଉଁଠି ପରମ୍ପରା ଓ ଆଧୁନିକତା ଅବାଧରେ ସହାବସ୍ଥାନ କରନ୍ତି। ଏଭଳି ନିବିଡ଼ ଘନିଷ୍ଠତା ମତେ ଖୁବ୍‌ ପ୍ରଭାବିତ କରେ’ ବୋଲି କହିଛନ୍ତି । ଏଭଳି ବୈଶ୍ୱିକ ଆଧ୍ୟାତ୍ମିକ ରାଜଧାନୀରେ ଘର କରିବାକୁ ଚାହାଁନ୍ତି ବୋଲି କହିଛନ୍ତି ଅମିତାଭ ।

The post ଅଯୋଧ୍ୟାରେ ପ୍ଲଟ୍ କିଣିଲେ ବିଗ୍ ବି ଅମିତାଭ ବଚ୍ଚନ । ମୁମ୍ବାଇଠାରୁ ବି ମୂଲ୍ୟବାନ୍ ଏଠିକାର ଜାଗା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଘାତକ ପାଲଟିଛି ଚାଇନା ମାଞ୍ଜା ସୂତା । ମକର ସଂକ୍ରାନ୍ତିରେ ମାଞ୍ଜା ସୂତା ନେଇଛି ୨ ଶିଶୁଙ୍କ ଜୀବନ । ମଧ୍ୟପ୍ରଦେଶ ଧାର ଓ ଗୁଜୁରାଟର ମହିସାଗର ଜିଲ୍ଲାରେ ଘଟିଛି ଏଭଳି ଅଭାବନୀୟ ଘଟଣା । ଦୁଇ ଶିଶୁଙ୍କ ବୟସ ଯଥାକ୍ରମେ ୪ ବର୍ଷ ଓ ୭ ବର୍ଷ ।

ସୂଚନା ମୁତାବକ, ଦୁଇଜଣ ଯାକ ଶିଶୁ ବାପାଙ୍କ ସହ ବାଇକରେଯାଉଥିବାବେଳେ ଦେଖାଯାଉନଥିବା ମାଜ୍ଞାସୂତା ସେମାନଙ୍କ ବେକରେ ଲାଗିଯାଇଥିଲା । ଜଣଙ୍କର ହସ୍ପିଟାଲରେ ମୃତ୍ୟୁ ହୋଇଥିବାବେଳେ ଅନ୍ୟ ଜଣେ ଶିଶୁର ଘଟଣାସ୍ଥଳରେ ହିଁ ମୃତ୍ୟୁ ହୋଇଥିବା ଜଣାପଡିଛି । ଏହି ଘଟଣା ପରେ ଉଭୟ ଜିଲ୍ଲା ପୋଲିସ ଗୁଡି ବିକ୍ରି ହେଉଥିବା ଦୋକାନଗୁଡିକରେ ତଲାସି ଆରମ୍ଭ କରିଛି ।

The post ଚାଇନା ମାଞ୍ଜା ସୂତା ନେଲା ୨ ଶିଶୁଙ୍କ ଜୀବନ । ସବୁ ଦୋକାନ ତଲାସି କରୁଛି ପୋଲିସ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ମକର ସଂକ୍ରାନ୍ତିରେ ଅଘଟଣ । ଗୁଡ଼ି ସୂତା ଲାଗି ଦୁଇ ଜଣ ଆହତ ହୋଇଛନ୍ତି । କଟକ ବାଲିକୁହା ଛକ ନିକଟରେ ଏହି ଅଘଟଣ ଘଟିଛି । ଚାଇନା ସୂତା ଲାଗିଯିବାରୁ ବାଇକରେ ଯାଉଥିବା ଦୁଇ ଜଣ ଆହତ ହୋଇଛନ୍ତି । ଜଣଙ୍କ ବେକରେ ଆଘାତ ଲାଗିଥିବା ବେଳେ ଅନ୍ୟ ଜଣଙ୍କ ହାତ ପାପୁଲିରେ ଆଘାତ ଲାଗିଛି । ଆହତ ଦୁଇ ଜଣଙ୍କ ଘର ନିଆଳି ଅଞ୍ଚଳର । ଏମାନେ ବାଇକ୍ରେ କଟକ ଯାଉଥିବା ବେଳେ ବାଲିକୁଦା ନିକଟରେ ଏହି ଅଘଟଣ ଘଟିଛି ।

The post ବାଇକ୍ ଆରୋହୀଙ୍କୁ କାଳ ହଉଛି ଗୁଡି ମାଞ୍ଜା ସୂତା । କଟକରେ ମାଞ୍ଜା ସୂତା ଲାଗି ୨ ଆହତ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ବସଷ୍ଟାଣ୍ଡରୁ ଶିଶୁ କନ୍ୟା ଉଦ୍ଧାର । ବସ୍ ତଳୁ ଉଦ୍ଧାର ହେଲା ଶିଶୁ କନ୍ୟା । କେନ୍ଦୁଝର ଚମ୍ପୁଆ ବସଷ୍ଟାଣ୍ଡରୁ ଶିଶୁ କନ୍ୟା ଉଦ୍ଧାର ହୋଇଛି । ଏକ ପ୍ଲାଷ୍ଟିକ୍ ବ୍ୟାଗ୍ ଭିତରୁ ଶିଶୁ କନ୍ୟାକୁ ଉଦ୍ଧାର କରାଯାଇଛି । ଗତକାଲି ରାତି ପାଖାପାଖି ୯ଟା ସମୟରେ ବସଷ୍ଟାଣ୍ଡରେ ଏକ ବସ୍ର ହେଲ୍ପର ବସ୍ ତଳେ ଶିଶୁ ଥିବା ଦେଖିବାକୁ ପାଇଥିଲେ । ଏନେଇ ସେ ସ୍ଥାନୀୟ ଲୋକଙ୍କୁ ଖବର ଦେବା ପରେ ପୋଲିସକୁ ମଧ୍ୟ ସୂଚନା ଦିଆଯାଇଥିଲା । ପୋଲିସ ପହଂଚି ଶିଶୁ କନ୍ୟାକୁ ଉଦ୍ଧାର କରିବା ସହ ଚମ୍ପୁଆ ଉପଖଣ୍ଡ ଡାକ୍ତରଖାନାକୁ ନେଇଥିଲେ । ଶିଶୁଟିକୁ ଏକ ପ୍ଲାଷ୍ଟିକ୍ ବ୍ୟାଗରେ ରଖି ମା’ କିମ୍ବା ବାପା ଫେରାର ହୋଇଯାଇଥିବା ଅନୁମାନ କରାଯାଉଛି । ଅନ୍ୟପଟେ ଶିଶୁକନ୍ୟାର ପରିବାର ଲୋକଙ୍କୁ ଖୋଜିବା ଆରମ୍ଭ କରିଛି ପୋଲିସ ।

The post ଚମ୍ପୁଆ ବସଷ୍ଟାଣ୍ଡରୁ ଶିଶୁ କନ୍ୟା ଉଦ୍ଧାର । ବସ ତଳେ ଏକ ପ୍ଲାଷ୍ଟିକ ବ୍ୟାଗରୁ ମିଳିଲା ଶିଶୁ କନ୍ୟା । first appeared on Kanak News.

from Kanak News
via <a href="https://ifttt.com/?