କନକ ବ୍ୟୁରୋ: ନିଶାମୁକ୍ତ ହେବ କଲେଜ କ୍ୟାମ୍ପସ । ଶିକ୍ଷାନୁଷ୍ଠାନରେ ନାମ ଲେଖା ବେଳେ ଅଣ୍ଡରଟେକିଂ ଦେବେ ଛାତ୍ରଛାତ୍ରୀ । ଉଚ୍ଚ ଶିକ୍ଷା କରୁଥିବା ଯାଏଁ ନିଶାସେବନ କରିବେ ନାହିଁ ଛାତ୍ରଛାତ୍ରୀ । ଏନେଇ ନାମଲେଖା ବେଳେ କଲେଜକୁ ଲିଖିତ ଭାବେ ଜଣାଇବେ । ନିଶାମୁକ୍ତ ଓ ଅପରାଧ ମୁକ୍ତ କ୍ୟାମ୍ପସ କରିବା ପାଇଁ ଏଭଳି ନିର୍ଦ୍ଦେଶାନାମା ଜାରି କରିଛି ଉଚ୍ଚଶିକ୍ଷା ବିଭାଗ ।

ବିଦ୍ୟାଳୟ, ମହାବିଦ୍ୟାଳୟ ଓ ବିଶ୍ୱ ବିଦ୍ୟାଳୟରେ ନାମ ଲେଖା ବେଳେ ଛାତ୍ରଛାତ୍ରୀମାନେ ଏକେ ଘୋଷଣାନାମାରେ ଦସ୍ତଖତ କରିବେ । କ୍ୟାମ୍ପସରେ ନିଶା ସେବନ କରିବେ ନାହିଁ, ଯଦି କ୍ୟାମ୍ପସ ଭିତରେ ନିଶା ସେବନ ଦେଖନ୍ତି, ତେବେ ତୁରନ୍ତ କର୍ତୃପକ୍ଷଙ୍କୁ ଜଣାଇବା ସହ କ୍ୟାମ୍ପସକୁ ନିଶାମୁକ୍ତ କରିବା ଦିଗରେ ସହଯୋଗ କରିବେ । ଘୋଷଣାନାମାରେ ଛାତ୍ରଛାତ୍ରୀଙ୍କ ନାମ, ବାପାଙ୍କ ନାମ ଏବଂ କେଉଁ ପାଠ୍ୟକ୍ରମରେ କେତେ ବର୍ଷ ଯାଏଁ ପଢିବେ ତାହା ଉଲ୍ଲେଖ ରହିବ ।

ତେବେ କେନ୍ଦ୍ର ସରକାରଙ୍କ ନିର୍ଦ୍ଦେଶ ପରେ ଉଚ୍ଚ ଶିକ୍ଷା ବିଭାଗ ପକ୍ଷରୁ ଏଭଳି ପଦକ୍ଷେପ ନିଆଯାଇଛି । ପୂର୍ବରୁ ମଧ୍ୟ ଏଭଳି ନିର୍ଦ୍ଦେଶ ଜାରି କରାଯାଇଛି । କିନ୍ତୁ କିଛି ସୁଫଳ ମିଳିପାରିନାହିଁ । ତେଣୁ ଏବେ ଛାତ୍ରଛାତ୍ରୀଙ୍କ ଉପରେ ଚାପ ପକାଯାଉଛି

The post ନିଶାମୁକ୍ତ ହେବ କଲେଜ କ୍ୟାମ୍ପସ । ନାମଲେଖା ପୂର୍ବରୁ ଅଣ୍ଡରଟେକିଂ ଦେବେ ଛାତ୍ରଛାତ୍ରୀ । ଉଚ୍ଚ ଶିକ୍ଷା ବିଭାଗ ପକ୍ଷରୁ ଜାରି ହେଲା ନୋଟିସ୍ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ନର୍ସିଂ, ଫାର୍ମାସି , ଏଏନଏମ୍ ସହ ଅନ୍ୟ ମେଡିକାଲ ଛାତ୍ରଛାତ୍ରୀଙ୍କ ମାସିକ ଷ୍ଟାଇପେଣ୍ଡ ବଢ଼ାଇଲେ ମୁଖ୍ୟମନ୍ତ୍ରୀ । ଏମକେସିଜି ମେଡିକାଲ ପରିଦର୍ଶନ ସମୟରେ ମେଡିକାଲ ଛାତ୍ରଛାତ୍ରୀଙ୍କ ଅନୁରୋଧ ପାଇବା ପରେ ଏଭଳି ନିଷ୍ପତ୍ତି ନେଇଛନ୍ତି ରାଜ୍ୟ ସରକାର । ଏହାଦ୍ୱାରା ଛାତ୍ରଛାତ୍ରୀଙ୍କୁ ଉନ୍ନତ ସେବା ପାଇଁ ପ୍ରେତ୍ସାହନ ମିଳିବ ବୋଲି ମୁଖ୍ୟମନ୍ତ୍ରୀ କହିଛନ୍ତି ।

ଏହି ବୃଦ୍ଧି ପରେ ଏହି ଛାତ୍ରଛାତ୍ରୀମାନେ ନିମ୍ନଲିଖିତ ଉପାୟରେ ମାସିକ ଷ୍ଟାଇପେଣ୍ଡ ପାଇବେ:

ଡି.ଫାର୍ମା- ୫୦୦ ଟଙ୍କା
ଏଏନଏମ- ୨୦୦୦ ଟଙ୍କା
ବିଏସସି (ଏନ୍) ଇଣ୍ଟର୍ନସିପ୍ ପାଇଁ ୫୦୦୦ ଟଙ୍କା,
କ୍ଲିନିକାଲ ସାଇକୋଲୋଜି (ଏମଫିଲ୍) – ୧୦,୦୦୦ ଟଙ୍କା
ସାଇକାଟ୍ରିକ୍ ସୋସିଆଲ ୱାର୍କ (ଏମ୍.ଫିଲ୍) – ୧୦,୦୦୦ ଟଙ୍କା
ଉପରୋକ୍ତ ବର୍ଗର ଛାତ୍ରଛାତ୍ରୀମାନଙ୍କୁ ପୂର୍ବରୁ ଡି.ଫାର୍ମା ପାଇଁ ମାସିକ ୨୫୦/- ଟଙ୍କା, ଏଏନଏମ ପାଇଁ ୧୦୦୦/- ଟଙ୍କା, ବିଏସସି(ଏନ) ଇଣ୍ଟର୍ନସିପ୍ ପାଇଁ ୨୫୦୦/- ଟଙ୍କା, କ୍ଲିନିକାଲ ସାଇକୋଲୋଜିରେ ଏମ ଫିଲ୍ ପାଇଁ ୭୦୦୦/- ଟଙ୍କା ଏବଂ ମାନସିକ ସାମାଜିକ କାର୍ୟ୍ୟରେ ଏମଫିଲ୍ ପାଇଁ ୭୦୦୦/- ଟଙ୍କା ହିସାବରେ ଷ୍ଟାଇପେଣ୍ଡ ରାଶି ପ୍ରଦାନ କରାଯାଉଥିଲା।

ଏହି ଷ୍ଟାଇପେଣ୍ଡ ଅଭିବୃଦ୍ଧି ଛାତ୍ରଛାତ୍ରୀଙ୍କୁ ଲୋକଙ୍କୁ ଉନ୍ନତ ସେବା ଯୋଗାଇବା ପାଇଁ ଉତ୍ସାହିତ କରିବ ବୋଲି ମୁଖ୍ୟମନ୍ତ୍ରୀ ଆଶା ବ୍ୟକ୍ତ କରିଛନ୍ତି। ଏହା ଦ୍ୱାରା ଓଡ଼ିଶାରେ ସ୍ୱାସ୍ଥ୍ୟ ସେବା ଆହୁରି ସୁଦୃଢ଼ ହେବ ବୋଲି ସେ ଆଶା ବ୍ୟକ୍ତ କରିଛନ୍ତି।

The post ନର୍ସିଂ. ଫାର୍ମାସି, ଏଏନଏମ୍ , ଅନ୍ୟ ମେଡିକାଲ ଛାତ୍ରଛାତ୍ରୀଙ୍କ ଷ୍ଟାଇପେଣ୍ଡ ବଢିଲା । ଜାଣନ୍ତୁ କାହାକୁ କେତେ ମିଳିବ ଷ୍ଟାଇପେଣ୍ଡ… first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଅବକାରୀ ଦୁର୍ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ବୁଧବାର ଇଡି ନିକଟରେ ହାଜର ହେବେ ନାହିଁ। ଆମ୍ ଆଦମୀ ପାର୍ଟିର ଆବାହକ ଅରବିନ୍ଦ କେଜ୍ରିୱାଲ ଇଡିକୁ ଜବାବ ପଠାଇଛନ୍ତି ଯେ ସେ ଆଜି ଇଡି କାର୍ୟ୍ୟାଳୟକୁ ଯିବେ ନାହିଁ ଏବଂ ପଚରାଉଚରାରେ ଯୋଗ ଦେବେ ନାହିଁ। ଆମ୍ ଆଦମୀ ପାର୍ଟି ପକ୍ଷରୁ ଏହି ସୂଚନା ଦିଆଯାଇଛି। ଦିଲ୍ଲୀ ମଦ ଦୁର୍ନୀତି ମାମଲାରେ ଆଜି ଅର୍ଥାତ୍ ଜାନୁଆରି ୩ ତାରିଖରେ ତୃତୀୟ ଥର ପାଇଁ ଅରବିନ୍ଦ କେଜ୍ରିୱାଲଙ୍କୁ ପଚରାଉଚରା ପାଇଁ ଇଡି ସମନ କରିଛି।

ଇଡିର ତୃତୀୟ ସମନ୍ ଉପରେ ଆମ୍ ଆଦମୀ ପାର୍ଟି କହିଛି ଯେ, ଅରବିନ୍ଦ କେଜ୍ରିୱାଲ ଇଡି ତଦନ୍ତରେ ସହଯୋଗ କରିବାକୁ ପ୍ରସ୍ତୁତ ଅଛନ୍ତି, କିନ୍ତୁ ଇଡିର ନୋଟିସ୍ ବେଆଇନ। ଅରବିନ୍ଦ କେଜ୍ରିୱାଲଙ୍କୁ ଗିରଫ କରିବା ସେମାନଙ୍କ ଉଦ୍ଦେଶ୍ୟ। ସେମାନେ ଅରବିନ୍ଦ କେଜ୍ରିୱାଲଙ୍କୁ ପ୍ରଚାରରୁ ରୋକିବାକୁ ଚାହୁଁଛନ୍ତି। ଆପ୍ ପ୍ରଶ୍ନ ଉଠାଇଛି ଯେ ନିର୍ବାଚନ ପୂର୍ବରୁ କାହିଁକି ଏହି ନୋଟିସ୍ ଜାରି କରାଗଲା?

ପୂର୍ବରୁ ନଭେମ୍ବର ୨ ଓ ଡିସେମ୍ବର ୨୧ରେ ଇଡି ପକ୍ଷରୁ ସମନ ଜାରି ହୋଇଥିଲେ ବି କେଜ୍ରିୱାଲ ହାଜର ହେବାକୁ ମନା କରିଦେଇଥିଲେ। କେଜ୍ରିୱାଲ ଇଡିର ପୂର୍ବ ସମନକୁ ବେଆଇନ ଏବଂ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ବୋଲି କହିଥିଲେ।

The post ଆଜି ବି ଇଡିରେ ହାଜର ହେବେ ନାହିଁ ଅରବିନ୍ଦ କେଜ୍ରିୱାଲ । ଆପ୍ କହିଲା ,ଆରେଷ୍ଟ କରିବାକୁ ଚାହୁଁଛି ଏଜେନ୍ସି । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଦେଶରେ ପୁଣି ଉପରମୁହାଁ କରୋନା ମିଟର । ଗତ ୨୪ଘଣ୍ଟାରେ ଦେଶରେ ୬୦୨ ପଜିଟିଭ ଚିହ୍ନଟ ହୋଇଛନ୍ତି । ଏହି ସମୟ ମଧ୍ୟରେ ୫ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । ଏହାସହ ଦେଶରେ ସକ୍ରିୟ କରୋନା ସଂକ୍ରମିତଙ୍କ ସଂଖ୍ୟା ୪ହଜାର ୪ଶହ ୪୦ରେ ପହଂଚିଛି ।

The post ଦେଶରେ ପୁଣି ଉପରମୁହାଁ କରୋନା ସଂକ୍ରମଣ, ୨୪ ଘଣ୍ଟାରେ ୬୦୨ ନୂଆ ପଜିଟିଭି ଚିହ୍ନଟ, ୫ଜଣଙ୍କ ମୃତ୍ୟୁ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଝାଡ଼ଖଣ୍ଡ ମୁଖ୍ୟମନ୍ତ୍ରୀଙ୍କ ସହଯୋଗୀଙ୍କ ଘରେ ପ୍ରବର୍ତନ ନିର୍ଦ୍ଦେଶାଳୟର ଚଢ଼ାଉ । ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ମିଡିଆ ପରାମର୍ଶଦାତା ଅଭିଶେକ ପ୍ରସାଦଙ୍କ ରାଞ୍ଚି ସ୍ଥିତ ଘରେ ଚଢ଼ାଉ କରୁଛି ଇଡି । ଅଭିଶେକ ପ୍ରସାଦଙ୍କ ଘର ସମେତ ୧୨ଟି ଭିନ୍ନ ଭିନ୍ନ ଠିକଣାରେ ଚଢ଼ାଉ କରୁଛି ପ୍ରବର୍ତନ ନିର୍ଦ୍ଦେଶାଳୟ । ମନି ଲଣ୍ଡ୍ରିଂ ମାମଲାରେ ଏହି ଚଢ଼ାଉ ଚାଲିଛି ।

The post ଝାଡ଼ଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ବଢ଼ିଲା ଅଡ଼ୁଆ । ସହଯୋଗୀଙ୍କ ଘରେ ଇଡି ଚଢ଼ାଉ, ୧୨ଟି ସ୍ଥାନରେ ରେଡ୍ ।  first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କଟକ ବାଲି ଯାତ୍ରା ପଡିଆରେ ରାମ କଥା ଚିତ୍ରାଙ୍କନ କାର୍ଯ୍ୟକ୍ରମ ଆୟୋଜିତ ହୋଇଯାଇଛି । ଏହି ଅବସରରେ ଚିତ୍ରଶିଳ୍ପୀମାନେ ରାମଙ୍କ ପୌରାଣିକ କଥା ବସ୍ତୁକୁ ନେଇ ଚିତ୍ର ଆଙ୍କିଥିଲେ । ପରେ ସେହି ସବୁ ଚିତ୍ରକୁ ପ୍ରଦର୍ଶନୀ କରାଯାଇଥିଲା । ଆସନ୍ତା ୨୨ ତାରିଖରେ ଅଯୋଧ୍ୟାରେ ରାମ ମନ୍ଦିର ପ୍ରତିଷ୍ଠା ଦିବସକୁ ରହିଛି । ଏହାକୁ ନେଇ ସାରା ଦେଶରେ ଉତ୍ସାହର ମାହୋଲ ରହିଛି । ଏପରି ସମୟରେ ରାମ କଥାକୁ ନେଇ ଚିତ୍ର ପ୍ରଦର୍ଶନୀ ସାଧାରଣ ଲୋକଙ୍କୁ ମଧ୍ୟ ଉତ୍ସାହିତ କରିଛି ।

The post ଚିତ୍ରଶିଳ୍ପୀଙ୍କ ତୁଳିରେ ପ୍ରଭୁ ଶ୍ରୀରାମଙ୍କ ନିଆରା ଛବି । କଟକ ବାଲିଯାତ୍ରା ପଡିଆରେ ପୌରାଣିକ କଥାବସ୍ତୁ ଆଧାରିତ ଚିତ୍ର ପ୍ରଦର୍ଶନୀ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଆସାମରେ ବଡ଼ ଧରଣର ଦୁର୍ଘଟଣା । ବସ୍ ଓ ଟ୍ରକ ମଧ୍ୟରେ ଧକ୍କା ଫଳରେ ୧୪ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ଆସାମର ଗୋଲାଘାଟ ଜିଲ୍ଲା ଡେରଗାଁରେ ଏହି ଦୁର୍ଘଟଣା ଘଟିଛି । ୧୪ଜଣଙ୍କର ମୃତ୍ୟୁ ହୋଇଥିବା ବେଳେ ୨୫ରୁ ଅଧିକ ଆହତ ହୋଇଛନ୍ତି ।

୪୫ ଜଣ ବସରେ ପିକନିକ କରିବାକୁ ଯାଉଥିବା ବେଳେ ଭୋର ୫ଟା ବେଳେ ଏହି ଦୁର୍ଘଟଣା ଘଟିଛି । କୋଇଲା ବୋଝେଇ ଟ୍ରକ ସହ ଧକ୍କା ହେବା ଯୋଗୁଁ ଏହି ଦୁର୍ଘଟଣା ଘଟିଛି । ଗୋଲାଘାଟ ଜିଲ୍ଲା ଦେରଗାଁଓ ବାଲିଜନ୍ ଗାଁ ନିକଟରେ ଏହି ମର୍ମନ୍ତୁଦ ଘଟଣା ଘଟିଛି । ପୁଲିସ ସମସ୍ତ ମୃତଦେହକୁ ପୋଷ୍ଟମର୍ଟମ ପାଇଁ ପଠାଇବା ସହ ଘଟଣାର ଯାଞ୍ଚ ଚଳାଇଛି ।

The post ପିକନିକ୍ ବସକୁ ଧକ୍କା ଦେଲା କୋଇଲା ବୋଝେଇ ଟ୍ରକ୍ । ୧୪ ମୃତ, ୨୫ରୁ ଅଧିକ ଗୁରୁତର । ଆସାମରେ ଘଟିଛି ବଡ଼ ଦୁର୍ଘଟଣା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ସମଲେଶ୍ୱରୀ ମନ୍ଦିରକୁ ପାନଗୁଟଖା ଉପରେ ଲାଗିବ କଟକଣା । ପାନଗୁଟଖା ନେଇ କିମ୍ବା ଖାଇ ମନ୍ଦିରକୁ କେହି ପ୍ରବେଶ କରିପାରିବେ ନାହିଁ । ଖୁବ୍ଶୀଘ୍ର ନିୟମ ଆଣିବାକୁ ସମ୍ବଲେଶ୍ୱର ମନ୍ଦିର ଟ୍ରଷ୍ଟ ବୋର୍ଡ ନିଷ୍ପତ୍ତି ନେଇଛି । ପୂର୍ବରୁ ଶ୍ରୀମନ୍ଦିର ଓ ଲିଙ୍ଗରାଜ ମନ୍ଦିରରେ ପାନଗୁଟଖା ଉପରେ କଟକଣା ଲାଗିସାରିଛି ।

The post ସମଲେଶ୍ୱରୀ ମନ୍ଦିରକୁ ପାନଗୁଟଖା ଉପରେ ଲାଗିବ କଟକଣା । ପାନଗୁଟଖା ନେଇ କିମ୍ବା ଖାଇ ମନ୍ଦିରକୁ କରିପାରିବେ ନାହିଁ ପ୍ରବେଶ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ମାମୁଁ ଘରକୁ ଆସି ନିଖୋଜ ହୋଇଗଲା ନବମ ଶ୍ରେଣୀର ଛାତ୍ର । ଗଞ୍ଜାମ ଜିଲ୍ଲା ବଇନାଥପୁର ଥାନା ଅଂଚଳର ବଇଦପୁର ଗାଁର କୁନୁଲି ପାଢି ନିଖୋଜ ହୋଇଯାଇଛନ୍ତି । ନୂଆବର୍ଷ ଛୁଟିରେ କୁନୁଲି ମାମୁଁ ଘର କଟକ ନିଆଳି ନିକଟ ଅପୂଜା କଣ୍ଠାପଡାକୁ ବୁଲିବାକୁ ଆସିଥିଲେ । ସୋମବାର ଦିନ ୧୧ଟାରୁ ସେ ନିଖୋଜ ହୋଇଯାଇଥିବା ସୂଚନା ମିଳିଛି ।

କୁନୁଲି ନିଆଳି ନିକଟ ମହଙ୍ଗପଡା ହାଇସ୍କୁଲରେ ନବମ ଶ୍ରେଣୀରେ ପଢୁଥିଲେ । ନୂଆ ବର୍ଷ ଛୁଟିରେ ମାମୁ ଘରକୁ ଆସି ୮ରୁ ୧୦ ଦିନ ରହିବା ପରେ ସୋମବାର ଅପୂଜା ଛକରେ ସାଇକେଲ ଥୋଇ ସେ କୁଆଡେ ଚାଲି ଯାଇଥିବା ଖବର ମିଳିଛି । ପରିବାର ଲୋକେ ଖୋଜାଖୋଜି କରି ନିରାଶ ହେବା ପରେ ନିଆଳି ଥାନାରେ ଲିଖିତ ଅଭିଯୋଗ କରିଛନ୍ତି । ସେ ଘରୁ ଗଲା ବେଳେ ମେରୁନ ରଙ୍ଗର ଟିସର୍ଟ ଓ ପାଉଁଶ ରଙ୍ଗର ଫୁଲ ପ୍ୟାଣ୍ଟ ପିନ୍ଦିଥିଲେ । ତାଙ୍କର ରଙ୍ଗ ଶ୍ୟାମଳ । ଯଦି କେହି ସହହୃଦୟ ବ୍ୟକ୍ତି କୁନୁଲି ପାଢିର ସନ୍ଧାନ ପାଇଲେ ମୋବାଇଲ ନମ୍ବର -୯୩୪୮୭୮୯୨୪୨ ଯୋଗାଯୋଗ କରିବାକୁ ପରିବାର ଲୋକେ ଅନୁରୋଧ କରିଛନ୍ତି ।

The post ମାମୁଁ ଘରକୁ ଆସି ନିଖୋଜ ହୋଇଗଲା ନବମ ଶ୍ରେଣୀର ଛାତ୍ର । ପୋଲିସର ଦ୍ୱାରସ୍ଥ ପରିବାର । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ସ୍କୁଟିକୁ ଚାପି ଦେଲା ହାଇୱା । ଘଟଣାସ୍ଥଳରେ ଆଖିବୁଜିଲେ ଦୁଇ ସ୍କୁଟି ଆରୋହୀ । ସୁବର୍ଣ୍ଣପୁର ଜିଲ୍ଲା ସୋନପୁର ବ୍ଲକ ଟ୍ରାଫିକ ଛକରେ ଘଟିଛି ଏହି ମର୍ମନ୍ତୁଦ ସଡକ ଦୁର୍ଘଟଣା । ସହର ପଟୁ ଯାଉଥିବା ସ୍କୁଟିକୁ ସମ୍ବଲପୁର ମହାନଦୀ ସେତୁ ପଟୁ ଆସୁଥିବା ହାଇୱା ସ୍କୁଟିକୁ ଚାପି ଦେଇ ଫେରାର ହୋଇଯାଇଛି । ତେବେ ଦୁର୍ଘଟଣା ଘଟାଇ ଦ୍ରୁତଗତିରେ ହାଇୱା ଫେରାର ହେବା ବେଳେ ସ୍କୁଟି ହାଇଓକ୍ୱାରେ ଲାଖି ଯାଇଥିଲା । ଫଳରେ ଗୋଟିଏ କିଲୋମିଟର ରାସ୍ତାରେ ଘୋଷାରି ହୋଇଯିବା ପରେ ରାସ୍ତାରେ ହାଇୱା ଜଳିଯାଇଥିଲା ।

ସୁବର୍ଣ୍ଣପୁର ଜିଲ୍ଲାପାଲଙ୍କ କାର୍ଯ୍ୟାଳୟ ଆଗରେ ହାଇଓକ୍ୱାରେ ନିଆଁ ଲାଗିଯିବାରୁ ଡ୍ରାଇଭର ଗାଡି ଛାଡି ଫେରାର ହୋଇଯାଇଛି । ଦୁର୍ଘଟଣା ପରେ ବ୍ଲକ ଛକରେ ଉତେଜନା ସୃଷ୍ଟି ହୋଇଥିବା ଘଟଣାସ୍ଥଳରେ ଏସପି ପହଞ୍ଚି ଲୋକଙ୍କୁ ବୁଝାସୁଝା କରିଥିଲେ । ଉତ୍ୟକ୍ତ ଲୋକେ ପୋଲିସ ଗାଡିକୁ ଭଙ୍ଗାରୁଜା କରୁଥିବା ଦେଖିବାକୁ ମିଳିଛି ।

The post ସ୍କୁଟିକୁ ଚାପି ଦେଲା ହାଇୱା । ଘଟଣାସ୍ଥଳରେ ଚାଲିଗଲା ଦୁଇ ସ୍କୁଟି ଆରୋହୀଙ୍କ ଜୀବନ । first appeared on Kanak News.

from Kanak News
via <a href="https://ifttt.com/?